".. مــاذا لـــو عــاد معتــذراً .."

part ..13

".. مــاذا لـــو عــاد معتــذراً .."

Part ...13

في القصر ..
بعد الفطور الكل توجه ع جامعته واللي ع شغله وهبه ع المسلسل تبعها..
..

عند سعود حضر محاضره وحده وطلع ..
وراح ع اقرب كافيه واتصل ع رنا ..
رنا : الووو
سعود : ي لبيييه اللي يقول الووو
رنا : اخبارك وينك امس ماكلمتني ابد
سعود : كان معانا موضوع عائلي وانشغلت فيه
الا قولي لي ويش صار بموضوعك ..
رنا : ايه جيت بكلمك خلاص انهيت الموضوع يعني ارتاح
سعود هنا بغى يطير من الفرح
سعود : صادقه ي قلب سعود انتي ي جعلني فدا لكل حرف من اسمك
رنا : يعني اطمن مافي داعي تسوي مشاكل مع جدك هدي شوي مافي داعي للأستعجال
سعود : والله اني ابيك اليوم قبل بكره غير انه اختي شكلها بتتزوج قبلي يعني دام الحمدلله رجعتي لي ولعيوني وقلبي
اقدر انتظر لبعد عرس اختي
رنا : اي وذا زينة العقل
سعود هنا ماكان يفهم ليش اهي تبي التأخير
بس ما اهتم اللي يهمه انه حبيبته رجعت له وماراحت من يده ..

..

وعند ليث صار يداوم بأهم مستشفى

..
اما عند رهف كانت منتبهه مع الدكتور فواز بالشرح وماتفوتها نقطه او حركه منه وبعدما خلصوا ..
د/ فواز : رهف ممكن تجي ع مكتبي ابيك تأخذين بقية المشاريع ..
رهف :ابشر ي دكتور ..
د/ فواز : بين نفسه يقول ( الله يبشرني فيك ي اغلا من قلبي انتي) 
راحت وراه ع المكتب وجهز لها المشاريع تأخذهم وقبل تطلع
د/فواز : رهف ابي اكلمك بموضوع وابيك ماتفهميني غلط ..
رهف : ولا يهمك دكتور ليه بفهمك غلط..
د/فواز : رهف انا دكتورك بالجامعة وانتي طالبتي
لكن خارج الجامعة اللي افكر فيه اني ابيك ما ادرب كيف صار وليه بس قلبي يحبك ي رهف وابيك بكل حب وصدق وانا ولد عالم وناس محترم وابيك ع سنة الله ورسوله واذا كنتي تكني لي ولو شوي مشاعر وموافقه اني اتقدم ابيك تعطيني مهله اجهز اموري وارجع اتقدم لأهلك واذا وافقتي بفهمك اسباب تأخري ..
هنا رهف بغت تطيح ع الارض ي الله ويش ذا الموقف صارت تتصبب عرق والحراره ارتفعت بالغرفه وماعاد قدرت حتى ترفع راسها..
فواز : لا تفكري انك مجبوره عشاني دكتورك لا
انا ابي قلبك قبل كل شيء
وتدرين لا تجاوبين علي اليوم خذي لك اسبوع ع راحتك واوعدك ماتتغير نظرتي لك حتى لو رفضتيني لأن القلب اذا حب ماعاد يقدر يتخلى ..
رهف اخذت حالها وطلعت من المكتب وماتدري كيف وصلت للسواق تبعهم اخذها القصر ..
..

وع العصر في القصر ..
ام ليث والبنات ومنيره وملاك مجتمعات
وام ليث قررت انها ترد خبر عن موافقتهم وع شوي شافوا اتصال من نفس الرقم والكل ضحك
ملاك : ي ويلااااااه ماعاد ينتظر نفكر شوي ههههه
هبه : اقول عاد خليه يفكنا من ذي عشان يجي دورنا حنا كمان هههههه
منيره : اخ منكم يالبنات ماعاد تستحون ..
ام ليث : الو ي هلا ومرحبا
ام عزيز : ي هلا فيك والله والعفو ع الازعاج غير انه ولدي يبغى يموتني من ازعاجه كل شوي يقول اتصلي نشوف ويش قالوا
والله صرت مستحيه منكم..
ام ليث : لا عادي عاد بنصير اهل مافي بينا احراج
ام عزيز : ويش تقصدين انتوا موافقين
ام ليث : اي موافقين ولنا الشرف فيكم عاد بس والله تقدروا تحددوا مع ليث متى تقدروا تجوا وتخطبوا والله يقدم اللي فيه الخير وكان الجوال مفتوح اللسبيكر
وفجأه سمعوا صوت صراخ ( ي حسين وااااافقت والله وااااافقت) 
هنا ليلى ماتت من الاحراج والبنات يطقطقون عليها والزغاريد والضحك والوناسه ..
...