".. مــاذا لـــو عــاد معتــذراً .."

part ..31

".. مــاذا لـــو عــاد معتــذراً .."

Part ..31

( كنت اتمناه يجي و يقول وش ذنبي؟
و يكون قلبه قوي و يبيني من ساسه
بس الصراحة يجي بالوقت و يخبي
و الوقت دوار و كلٍ يعشق أجناسه ..
من أول يموت إلا يكون في قربي
و اليوم أمرّه و هو مشغول مع ناسه
حيران وقفت مستغرب على دربي
بالأمس وده عشاني يكتم أنفاسه ..
يا راسي التعب وش باقي مع قلبي؟ )

في قصر ابو صقر ..

صقر كان توه راجع من الشركه ومهدود حيلة مع كثر العمل و اول ماوصل ماشاف قدامه غير ام مشاري وبيدها كأستين شاي ..
هنا صقر توه ما رد السلام حتى ..
ام مشاري : اي الواحد يلقي السلام اقل شيء للموجودين ..
صقر : خالتي والله تاعب بالحيل توني داخل توني برد السلام ..
هنا صقر حاول يغير سالفة هواشها سريع
صقر : اكيد اللي بيدك شاي لك والثاني لأخت صقر معناته لازم تحسبوني ..
ام مشاري بكيد : وينها اخت صقر ذي ماغير تقعد بغرفتها وع جوالها, الله يستر ويش بيطلع من وراها..
صقر قرب لها والشر بعيونه ويأشر بيده ..
صقر : احذرك احذرك ها الا اخت صقر لا تجيبي طاريها بحرف زايح, لأنه عقبها مابيرضيك اللي ممكن اسويه ..
ابو صقر هنا طلع ع صوت هواشهم وحتى لمى نزلت من غرفتها حين سمعت صوت صقر ..
ابو صقر اول ماقرب منهم وصاير ورا زوجته بدون مايكون شايف صقر ومع وصول صوته لهم ام مشاري عرفت تقلب الطاوله لصالحها
وهنا رمت الشاي من يدها وتعلي بصوتها وتصيح
ام مشاري وتمثل البكاء : اااااه ي صقر هذا وانا بحسبة امك تكب الشاي من يدي ..؟
هنا لمى شافت حركة ام مشاري بس ابو صقر ماشاف
صقر هنا انصدم من كلامها وقرب لها اكثر وصار يتكلم وهو معصب ويرفع صوته اكثر ويأشر بيده عليها
صقر : هاااااااي مجنونه انتي ويش قاعده تقولين,  ..
ابو صقر : اعقب سود الله وجهك هذا اخر تربيتي, تتطاول ع وحده بمقام امك ..
لمى هنا انقهرت ع صقر ..
لمى : يبه صقر ماسوى شيء,  والله خالتي هي اللي كبت الشاي بنفسها ورمت بلاها ع صقر ..
ام مشاري بخبث وتمثل انها تبكي : ويش تقولين ي لمى في احد عاقل يكب الشاي وممكن كان بيحرق حاله..
صقر يمسك ع راسه وخلاص فهم ان ابوهم مستحيل يصدقهم قدام ام مشاري ..
ابو صقر : لا تدافعين ع العاصي قليل التربيه..
لمى قربت من ام مشاري ورفعت اصبعها ع وجهها تكلمها ..
لمى : الحين صقر ولد ابو صقر طلع قليل تربيه عشان كذبه من ذي, واشرت عليها

وماخلصت كلامها الا وابوها ساحبها يبي يطرقها كف ولكن ع يد صقر تمسك يد ابوه ويسحب لمى خلفه ..

صقر : انا قلتها واقولها من جديد ماخلقه ربي اللي بيحاول يمد يده ع اخت صقر, وحتى لو كان انت ي ابو صقر  ..
ونزل يد ابوه واخذ بيد اخته وطلعوا ع غرفتهم ..

هنا ابو صقر مايدري اساسا كيف رفع يده
مرررره تضايق من حاله معقوله انا كنت بضرب بنتي .. مايكفي رفعت يدك المره الماضيه ع ولدك واليوم كنت بتعيدها ببنتك ..
مسك ع راسه ودخل ع غرفته والضيق محتويه وحتى نسي مايشوف ام مشاري ويكلمها ..