".. مــاذا لـــو عــاد معتــذراً .."

part ..54

".. مــاذا لـــو عــاد معتــذراً .."

Part ..54

(اسف جرى مني الخطاء
ماجيت في موعد لقاك
لاتستضيق من فعلتي
وأبشر بعذر للهجر
ظرفي هو الي ردني
عن شوفتك ي دنيتي
وان كنت ناوي على الجفا
ماني بعدكم مهتني
يا أصدق غرامي
والوفا سويت في حبك هلي
خدي من الدمع انوسم
والهم له فيني بني
وان كنت ناوي للجفا
ماني بعدكم مهتني.. )

..
في بيت ابو ملاك ..
ملاك قررت تكلم ابوها عن تأخير العرس ..
راحت ملاك وقعدت مع ابوها وامها ..
ملاك : يبه ابيك بموضوع ..
ابو ملاك : سمي يبه ويش تبين ..؟
ملاك : يبه انت تدري بعد اسبوعين امتحانات ..
ابو ملاك : اي ي بنتي موفقه ..
ملاك : اي يبه يعني ماينفع العرس الحين, لازم اخلص امتحانات بعدها مافي مشكلة عندي ..
ابو ملاك : اي والله ي بنتي, ذي راحت عن بالي ..
ودخل بندر وهو يتكلمون ..
بندر : ويش اللي راح عن بالك ي عمي ..؟
ابو ملاك : امتحانات ملاك بعد اسبوعين, يعني ماينفع العرس الحين,
لازم الحين تركز ع دروسها و تخلص امتحانات بعدها العرس ان شاء الله ويمكن يكون معاها صحى ليث ان شاء الله واقدر افرح ببنتي وحيدتي ..
منيرة : اي صح هذي وحيدتي ولازم افرح فيها مايضر, لازم تخلص امتحان بالاول ..
بندر : اي ي عمي لو انك جايب لنا غيرها كان خفيت هالدلال شوي ..
منيرة : ويش ذا الكلام ي ولدي, ذا كله بيد الله ..
ابو ملاك : ونعم بالله ..
هنا ملاك ارتاحت عشان ابوها وافق انها تأخر العرس ..
بس ملاك غرضها الحقيقي كان ليث, للحين متأمله ان ليث يصحى ويمكن وقتها تقدر تسوي اي شيء وتكون معاه..
اما بندر اللي اقتهر من تصرفها معاه وقام وطلع من البيت ..

..

في القصر ..
هبه : رهف ي قلب اختك انتي لازم تركزين ع دروسك امتحانك بعد اسبوعين ..
رهف : هبه انتي تدرين صار لي شهر ونص مارحت ع الجامعه ويش اللي بروح اسويه, اختفيت هالفتره عشان ما التقي بأحد بالجامعه, تدرين الكل صار يعرف باللي صار ..
هبه : اي يعني تنهين مستقبلك عشان كلام الناس, مستحيل بسمحلك,
وقامت تجيب كتبها وملازمها و حطيتهم قدام رهف ..
هبه : معاك اسبوعين لازم تشوفين لك حل وتقدري تتابعي دروسك, هاي سنة تخرجك مابتضيعيها ..
هبه : يلا يلا ممنوع تطلعين من الغرفه دون ماتراجعين دروسك, ويلا لازم تشيكي ع جدول امتحانك ..

وطلعت هبه من الغرفه, و رهف اخذت جوالها ودقت ع فواز بس كالعاده مغلق ..
رجعت رمت الجوال وانسدحت جنب كتبها ..
..

في ديرة الشيخ فارع ..

فواز كان يحسب كل يوم يمر عليه وهو بعيد عن رهف والحين صار يحسب بعد لوقت الامتحانات ..
وخايف عليها من قهرها وتعبها عليه , ممكن تهمل دروسها وهي اساسا الاولى في الدفعة
هنا فكر انه لازم يرسل عليها ويطمنها بأي طريقة ..
هنا دخلت جدته تطمن عليه وهنا قرر يلعبها صح ..
فواز : حيا الله جدتي ..
ام مشعل : ي حلو هالاسم بلسانك ي ولدي والله اني دعيت سنين وسنين لحتى جاني هاليوم وسمعتك تقولها, الحمدلله الحمدلله ي رب ..
هنا فواز اقتهر عليها بس قرر يكمل ..
فواز : جدتي ابي منك طلب لو تحبيني ..
ام مشعل : قول يمه ويش تبي هالعيون تلبي عيونك ..
فواز راح يمسك وجهها ويبوس ع عيونها وراسها ..
فواز : الله يخليك جدتي بس انا يلزمني جوال, ما اقدر اقعد اكثر بدون جوال ما اقدر ..
ام مشعل : ااااه يمه والله اني ابي البي كل اللي تبيه بس ي ولدي انت طلبت الصعب يمه ..
فواز : قبل شوي تقولين تحبيني ومدري ويش ..
ام مشعل : شوف ي ولدي اللي قاعد يسويه جدك ابيك تعرف ان كله لمصلحتك ..
فواز : ي هذي مصلحتي اللي صارت تهمكم بعد 27 سنه..
ام مشعل : جدك اكثر من يهتم لمصلحتك والله ..
فواز : اجل مابتساعديني ..؟
ام مشعل : ما اقدر يمه ما اقدر ..
هنا فواز فكر شوي ..
فواز : خلاص بطلت ما ابي جوال, بس حفيدك شاعر, اكيد انتوا ماتدرون عن هالشيء ..عشان كذه ممكن تعطيني دفتر وقلم, ابي اهوجس شوي ..
ام مشعل : ي فرحة جدك بالكلام ..
فواز : مافهمت ليه ويش اللي يفرح ..؟
ام مشعل : كل الشيوخ اللي بالديرات القريبه اولادهم شعراء و كل واحد يتباهى بـ ولده..
وجدك اهو شاعر بس ي حسرتي مشعل ماعنده اي فكره عن الشعر ولا حتى اخوانه عمومك يعني ..
فواز : اجل في عموم بعد, وينهم هالعموم ..
ام مشعل : كل واحد عايش حياته بعيد عن جدك, وبالاخص كانوا يبوا يبعدون عن مشعل اللي ماخلى له احد يحبه حتى اخوانه ..
فواز : اجل الحين بتعطيني دفتر وقلم ..
ام مشعل : اي الحين بروج وارجع لك ..
وهنا ارتاح فواز انه خطته يمكن تنفع هالمره ..
و ع شوي رجعت جدته وعطته الدفتر والقلم وتركته وراحت ..
وهنا فواز اخذ الدفتر والقلم وبدأ يطلع مشاعره واللي صار معه لـ رهف ..