".. مــاذا لـــو عــاد معتــذراً .."

The end

".. مــاذا لـــو عــاد معتــذراً .."

The end..

(.. بترجعين لو قلتلك اني احبك للابد ..
بترجعين لو جيتلك بكره على اخر وعد
اركض ورى ظلك بجيك اركض ولا احصل احد ..
طول خريف ايامنا طول وانا صبري نفد
ما حسني فاقد حبيب احسني فاقد بلد ..)
..
عند رهف اللي انصدمت من اللي قاعد يسويه فواز, و دمعت عينها من كلامه, رغم انها الغلطانه اللي ما وثقت فيه ولا سمعت منه ولا تفهمت شيء, رغم هذا فواز هو اللي راجع لها ..
..
نرجع شوي لصباح هاليوم ..
بعدما رهف علمت ليث باللي صار, ليث حس انه مسؤول عن رهف دامها بنت عمه وبحسبة اخته بعد, هنا قرر يروح ويعلم فواز بكل شيء, و فعلا راح وعلم فواز باللي صار و علمه بعد انها تبي تسافر عشانها خجلانه من نفسها انها ما وثقت فيه ولا عطته فرصه يشرح ويقول اللي عنده ..صح هنا فواز انصدم وبنفس الوقت انقهر من عدم ثقتها فيه, بس ترك كل شيء ورا و اهتم بموضوع سفرتها, هو مايبيها تروح عنه, هو ماصدق من الله رجع عشانها ..
هنا مايدري ويش يسوي و راح لـ امه وعلمها باللي صار و بعدها اتصل ع جده ..
الجد فارع : حيا حيا الله بالحفيد بالعزوه والسند ..
فواز : حيا قلبك ي جدي, شلونك.. ؟
الجد : دامني عندي حفيد يطمن علي, كيف بتكون حالتي ي ولدي بعافيه اكيد ي عافيتي ..
فواز : الله يديمها ي رب ,وجدتي شلونها.. ؟
الجد فارع : والله هي بعد بخير, مالنا سيرة غيرك ..
فواز : جدي ابي اكلمك بشيء بتتفاجأ فيه ..
الجد : قول ي ولدي خير ي رب ..
فواز : خير خير,  انا لقيت امي والحين انا معاها ..
الجد : كيف ي ولدي لقيتها ويش معرفك فيها, ما ابي احد يضحك عليك ي ولدي..
فواز : لا ي جدي هاي ام من صدق, وبدأ هنا فواز يحكي له عن اللي صار الين تأكد الجد من انها ام مشاري امه من صدق ..
الجد : اجل علينا حق نعتذر من امك ونطلب السماح و اللي تبيه نسويه عشانها ..
فواز : الله يخليك لي ي جدي ..
فواز : جدي بعد معاي موضوع ثاني وابي فزعتك فيه ..
الجد : جدك حاضر معاك, ع الموت افزع لك باللي تبي ..
فواز : اي والله اني واثق, جدي حرمتي ماقبلت ترجع لي بعد اللي صار, وانا ابيها وما ابي غيرها ..
الجد : اجل الحين بنطلع جايينك و اوعدك وانا جدك مايمشي هاليوم الا وهي معاك وانت حفيد الشيخ فارع ..
وهنا ارتاح فواز وهو فعلا واثق بجده..
..
وفواز علم ليث بكل اللي بيسويه وطلب مساعدته و ليث كالعادة مايقصر
..
و اول ماوصلوا الشيخ فارع و ام مشعل, استقبلهم فواز ببيته بعدها قرروا يروحوا لقصر ابو صقر عشان يشوفوا ام فواز ..
وفعلا راحوا وقدموا الهجر والاعتذار لأم فواز عن اللي صار وام فواز قبلت اعتذارهم ..
..
وبعدها بعدما خلص العرس اجتمعوا كلهم رايحين ع قصر الجد عبدالله عشان يلحقون ع رهف قبل تمشي وتسافر ..
و هنا الجد فارع جايب معه الوصل والاعتذار والهجر, وكل هذا عشان فواز
و فواز اول ما وصل هو وليث,
وقف ع سيارته واخذ المايك وطلب السماح من محبوبته, رغم ان فواز الحين المفروض هو اللي يجيه الاعتذار من رهف, بس حب فواز كان اكبر من انه ينتظر اعتذار بالعكس راح يعتذر عشان انه وصلها كذه تفكير, راح يعتذر عشان قلبها انوجع من اللي شكت فيه, وماهمه شيء غير ان محبوبته ترجع له ..
وهنا فواز قال شعره لـ رهف ..
و رهف دمعت عيونها من كلامه و كان اخر بيت يقول ( وانا راضي تسافر بس وادعني ..)
هنا رهف انقهرت اكثر هنا ..
رهف : انت راضي اسافر يعني ..؟
هنا فواز قفز من السيارة و راح لأمامها..
فواز : واللي جعل مسكنك بقلبي موب راضي, بس بعد موب راضي اخليك تقعدين بالجبر, ابيك لي بالرضا والحب, ما ابيك تقعدين وانتي زاعله مني ..
هنا ابو ليث والجد وصلوا ..
ابو ليث : حيا الله بالربع حيا الله بالرجال والنشامه حيا الله فواز ..
الجد راح يستقبل الجد فارع ومن معه ..
ابو ليث حضن رهف من كتفها ..
ابو ليث : انا اشوف ان بنت اخوي تبي تسمع منك وتسمع منها عشان كذه ماينفع هالوقفه ع الباب ادخلوا حياكم الله ..
هنا فواز مسك يد رهف وابتسم ودخل معاها والكل بالقصر قام باستقبال الضيوف بالطريقه اللي تليق فيهم ..