".. مــاذا لـــو عــاد معتــذراً .."

part ..64

".. مــاذا لـــو عــاد معتــذراً .."

Part ..64

( ..زرعت لك، صدري حنين
زرعت أنا وغيري حصد ..)

..
في القصر ..
عند رهف اللي اول ماشافت اللي امامها نزلت دمعتها ومسكت ع قلبها ..
فواز هنا اول ماشافها واقفه بمكانها ماتحمل راح لها بسرعه بـ لهفة عاشق مشتاق وضمها الين يحس بتكسر الضلوع كل ذا من فواز بس بالمقابل رهف اللي ما ابدت نفس ردة فعل فواز بالعكس كانت ساكنه ويداتها الين تحت حتى مارفعتهم تضم فواز, وماغير تبكي, و فواز ماغير يضمها وصارت دموعه تنزل من الفرح والشوق, هو ماصدق عاد ممكن بيوم يشوفها, ومع انه حاسس فيها بنفس اللحظه انها موب مبادلته نفس الشعور, بس هو عاطيها الحق, بسبب غيبته المفاجئه ..
وبعد عشر دقائق بعد عنها فواز وشاف لعيونها المليانه دموع و رفع يداته ومسح دموعها اللي كانت مثل النار, هنا عرف ان دموعها بذي الطريقة يدل ان قهرها كبيييير ومعاها حق, بعدها طبع بوسه ع جبينه ..
فواز : تكفين لا تنزل دموع عينك, طالعي فيني, لا تضيعيني وانتي تدرين عيونك بوصلتي بها الحياة ..
واخيرا هنا بعد صمت طويل قدرت رهف تنطق ..
رهف : ليييييييييييه ..؟
فواز : والله اللي صار معاي موب قليل, انا ماقدرت حتى اوصلك ,بس انا كنت واثق بقلبك انه مايتخلى عني ..
رهف : تقدر تقول مثل ما انا وثقت بقلبك ..؟
فواز : اكيد توثقين بقلبي, قلبي صار ملكك انتي الامر الناهي عليه ..
رهف : فواز..
فواز : والله اني ادفع عمري الباقي بس عشان ما انحرم منها الصوت اللي يقول فواز ..
رهف : ليييييه أنا ..؟
فواز : ي روحي انتي ي نجومي وقمري المضوي عتمتي, تعالي قعدي جنبي خليني اشرح لك اللي صار معاي ..
رهف ضحكت : تدري اني تحديت كل اهلي عشانك, وكنت واثقه انك بترجع ومعاك عذر وانا بصدقك بدون حتى اسمعه, كان العذر بس عشان هلي, انا ماكان يهمني غير انك ترجع لي ..
فواز : وانا الحين رجعت, ويش اللي تغير فيك .. ؟
رهف و دموعها ماوقفت بس الحين رافعه راسها بشموخ ..
رهف : اشلونك مع هلك ..؟
فواز ابتسم وبعدها وقفت ابتسامته ..
فواز : انا الحين توني جاي وجيت عشان اعلمك باللي صار معاي انتي شدراك عن هلي ..؟
رهف : لييه كنت بتخبيه يعني ..؟
فواز : لا ي روحي ويش هالكلام انا جيت عشاني اعتذر لك وبين لك خطاي و اعلمك عن اللي صار معاي وعن هلي وكل شيء..
رهف ضحكت من بين دموعها : انت تدري كم مره وقفت ضد عمي بالذات عشانك ..؟
رهف : الناس صارت تتكلم عني وانا ماهمني الا فواز اللي خلاني و راح ..
فواز : رهف احد قايل لك عني شيء ,ليه ماتبين تسمعين ابد ..؟
رهف التزمت بالصمت وما ردت عليه ..
فواز : لا تسكتين علميني نطقي , ويش اللي صار ..؟
فواز : اجل سمعي بقولك عذري ويش اللي صار معاي ..
انا ي رهف كل اللي صار موب يدي ..
وهنا رهف رفعت يدها تأشر له يسكت ما يكمل..
..
كانت ام ليث رايحه تمشي ورا رهف تشوف من ضيفتها اللي ما دخلت الا ع مجلس الرجال وحين شافته انصدمت و وقعدت تشوف رهف كيف انها منهاره وموب قابله له عذر
ردت اتصلت ع سعود وعلمته يجي ويعلم ليث ..
..
طبعا كان الجد وليث بالسيارة راجعين و سعود كان مع صقر بعد جايين ع القصر
لأن ابو صقر اخذ ابو ليث وطلعوا سوا ..
..
وهنا وصلوا الجد وليث واستقبلتهم ام ليث وعلمتهم بالموضوع ..
الجد : ليث انتظرني اشوف بنت عمك اغطيها وانت تلحقني, نشوف فواز ذا ويش سالفته ..
ودخل الجد وشاف رهف منهاره وهي واقفه و دموعها ع خدها و الاصعب بعد شاف فواز منهار اكثر منها و هو قاعد ع ركبتيه و منهار وهو يحاول يترجيها تسمعه
و صل الجد ع طول و عدل غطاء رهف ع راسها ونادى ليث و ليث دخل لعندهم ..
ليث : فواز وينك ي رجال ويش اللي صاير معاك ..؟
..
وهنا وصل سعود وكان معاه صقر ..
صقر : دامني وصلتك خلاص انا بمشي ..
سعود : لا ما بتمشي انتظرني انت صرت واحد من الاهل بس انتظر ..
و راح سعود ودخل وشاف امه رجع راح لهم ..
..
ليث راح وجلس جنب فواز والجد ماسك برهف وماغير يناظرهم ..
ليث : فواز حنا وثقنا فيك ,والحين منتظرين عذرك ..
سعود : فواز وينك وينك انت ..؟
فواز : انا جيت عشان اعلمكم باللي صار معاي ..
بس رهف ماتبي تعرف شيء..
رهف : اي ما ابي اعرف شيء ترا يكفيني اللي عرفته, قلبي موب متحمل اكثر ..
الجد : قول حنا نبي نعرف ..
فواز : والله ي عمي هذاك اليوم اخر واحد كلمته كان صقر و بعدها ع شوي وقفتني ثلاث سيارات واخذوني بالجبر وكانوا مسلحين ..
رهف : تدري لو جيتني قبل يومين كان صدقتك ..
فواز : رهف ي روحي ويش اللي تغير بها اليومين علميني ..
ليث : منها الناس اللي اخذوك ..؟
فواز : ادري الكلام اللي بقوله بيخليكم تطلبوني اترك رهف بس انا ما اقدر, كل شيء صار خارج ارادتي ..
سعود : ليه ويش صاير ..؟
رهف : جدي تكفى انا ما ابي اسمع شيء, خليه يرجع لديرته ..
وتركتهم رهف ومشيت ..
الجد : اي ديره ويش تقصد رهف ..
فواز : انا صار عندي اهل, بس هم اللي لقوني قسم بالله موب انا اللي لقيتهم او دورتهم, انا حتى كنت موب قابل فيهم ..
الجد : كنت ....؟
فواز : تكفون رجعون لي رهف لازم ابرر لها موقفي تكفى ي عمي ..
الجد : انا ما اقدر اجبر حفيدتي ع شيء..
فواز : عمي حفيدك بتكون زوجتي وانا ابيها ..
الجد : وانا قلت اللي عندي,اكثر من ثلاث شهور مختفي والحين جاي تقول زوجتي, ؟ اقول روح لك ي ولدي الين تهدأ رهف وحنا بعد نهدأ, بعدها نشوف بموضوعكم ..
وتركهم الجد و راح ..
فواز : لا قدرت اتهنى بحياتي ابد, قلت يمكن عشاني يتيم ..
والحين صار لي اهل وناس وضاقت علي الحياة اكثر بعد ..
واخذ نفسه وقام يطلع ولحقه ليث وسعود و اول ما طلع شافه صقر
هنا صقر ع طول شاف انهياره وراح بسرعه ضمه ..
صقر : وينك يالخوي خوفتنا عليك عساك بخير ..؟
هنا فواز ما تحمل وضمه بعد و انفجرت دموعه و هو اساسا منتظر احد بعد يسأل عنه بدون مايلومه احد يحس فيه ..
فواز : ااااااااااااااااااخ ي صقر, موب يدي قسم بالله, ..
صقر : خلاص اهدأ تعال معاي نروح ع بيتنا الين تهدأ ..
فواز : لا انا رايح ع بيتي مشكور ..
صقر : لا والله ما بتروح مكان و ابن ابو صقر موجود ..
وهنا صقر اشر لليث وسعود انه بيمشي ويأخذ فواز ..
وفعلا اخذ فواز وراح معاه واخذه الين قصرهم ..
و وصل ودخله معاه لمجلسهم الخاص ..