".. مــاذا لـــو عــاد معتــذراً .."

part 38

".. مــاذا لـــو عــاد معتــذراً .."

Part ..38

(تبي تفقد .. تبي تنسى ..تبي تشتاق ..
صح النوم انا مثل العمر لا رحت
ما بعد العمر ثاني ..)

..
في القصر ..
كان ليث يتجهز عشان بيطلع مع سعود وصقر
و ع شوي وصل سعود وطلع اخذ شور سريع وغير ملابسه وجهز بعد
ودقوا ع صقر وعلمهم انه منتظرهم ..
وفعلا مروا واخذوا صقر من الشركة ..
وطلعوا بالاول راحوا ع مطعم عشان الغداء
بعدها طلعوا متجهين ع اليخت ..
وهنا سعود كان هو اللي يسمعهم اللي يبي من الاغاني ..
سعود هنا شغل وكانت اغنية قمر الزمان وتحديدا عند مقطع ..
(ياما عينينا ياما ايدينا
حكيوا عنك حكيوا عني وقالوا عشاق
ياما ليالي القمر العالي
دل علي ودل عليك وناطر مشتاق)
كان سعود يغني مع الاغنيه بكل وناسه واحساس وفرحه وهو قاعد يتخيل رنا وهو يغني ..
وصقر اللي يتذكر موقفه الاخير مع هبه ويغني مع الاغنيه ..
بس ليث هنا حس ان الاغنيه عكرت مزاجه عشانه تذكر موقفه مع رشا
كانت ذي اكثر اغنيه تقعد تغنيها له ..
وهنا طفي ع الاغنيه
سعود هنا ركز ع حاله وصقر اللي مافهم شيء ..
صقر : ليث انت موب شايفني صرت بعالم ثاني علامك تقطع احلامي
ليث : اقول انقلع انت واحلامك,  ماعندكم غير هالاغنيه ..؟
سعود اللي خلاص فهم ان هالاغنيه معاها ذكريات
سعود : اجل انت ي ليث سمعنا اللي تبي ..
هنا ليث شغل ع اغنية عبدالمجيد غلطة..
(حتى الكره احساس لا تبلاني انا ما اكرهك
انت ما تعني لي شي انت بالنسبه لي لاشي
‏غلطة مرت في حياتي جرح سطحي ياحياتي
ماترك أثر كن ما شي صار
إنت قصة أمس وأصبح لي جديد
لاتطيل الهرج لا تزيد وتعيد
اخلص اخلص واوجز بالمقال
‏لا تعتذر ..
انا اللي اعتذر لي كيف حبيتك
وكيف اني بلحظة طيش ناديتك
وبحت بكل ما فيني وقلت اهواك
‏تصدق وقتها بزعمي تحديتك
بصدق احساس بوضوحي وصلت اقصاك
ولكن فرصتك جاتك علی كيفك
توريني السواد اللي سكن جواك
‏حبيب القلب قلب القلب سميتك
عطيتك فوق قدرك أعترف ندمان
ظلمت الحب وبأهل الحب ساويتك
معاهم وانت مالك بالهوى عنوان)
..
كانت كل كلمة بالاغنيه هنا تعبر عن ليث
سعود كان فاهم اما صقر اللي ماعاد قدر يفهم وفضل انه يسكت الين يوصلوا ..
وهنا فعلا وصلوا ع اليخت وراحوا بجوله بالبحر ..

صقر : ليث بما اني خويك ممكن اعرف ويش اللي صاير معاك, تراني حاسس فيك وناطرك تتكلم ..
ليث : اااااااه يالخوي, ليه اخبي عليك وانا اللي امنتك ع اهلي, يعني مابقدر أامنك ع سري ..
ومن هنا سرد له احداثه مع رشا لين اخر نقطه ..
صقر هنا مررره اتضايق ع خويه وانقهر عليه بس ماحب يبين عشان مايضايق ليث اكثر ..
صقر : انا اشهد ان ربي ريحك منها ولو كان فيها خير كان ربي خلاها لك ..
سعود : اي وانا اللي قاعد افهمه ذا الشيء
والله الف بنت تتمناه اهو بس يفتح قلبه ..
وطبعا قعدوا وكملوا مشوارهم ع اليخت وبعدها كل واحد رجع ع قصره ..