".. مــاذا لـــو عــاد معتــذراً .."

part ..63

".. مــاذا لـــو عــاد معتــذراً .."

Part ..63

..

(..ماجاب لي علم؟ ماسولف لكم عني؟
ماشفتو الحزن في وجهه وناصيته ..
لايدري أني نشدت ! وجبت له طاري
ولايدري أنيّ ذكرت أسمه وخصّيته
حتى لو انه نساني ماعلي منه ،
انا لو انسى اخواني ما تناسييته .. )
..

في المزرعة عدي بعد هاليوم الثاني بدون احداث وبعدها عشان شغل ابو صقر و ابو ليث قرروا يرجعون ..

..
واخيرا الكل صار في قصره وبيته ..

في قصر الجد ..
بعدما خلصوا عشاء وارتاحوا
الكل راح يرتاح بغرفته وبقى رهف اللي بالها مشغول و هبه و ليث وسعود هم بعد ما قاموا ع غرفهم ..
ليث : هبه اذا ماعليك امر ممكن تعلميني سانيتا تجيب لي قهوه مررررره ..
هبه : اوووف ليش مرررره ..
ليث : مثل طعم الحياة مافي فرق ..
هبه : اجل بجيب لنا كلنا وانتوا انتظروا نبي نتكلم شوي ..
رهف ساكته ما علقت وسعود قاعد وياهم
و ع شوي جابت لهم هبه القهوه وقعدوا اربعتهم ..
ليث : اي هبه ويش عندك, فيك شيء, محتاجة شيء ..؟
سعود : افاااا علينا من ولاد عم واخوه, والله ي بنات عمي ترا هالفتره اهملناكم وماعاد شفنا طلباتكم المعذره ..
هبه : ماعليكم ويش من طلبات, ولو كنا نبي شيء, انتوا مثل اخوانا كنا بنجيكم ..
ليث : اجل ويش صار ..؟
هنا هبه كانت تأشر لليث وسعود انهم يشوفوا حالة رهف و تحاول تفهمهم انها بكيانه ومقهوره ..
ليث وسعود فهموا ان رهف فيها شيء..
ليث : انا اقول قبل نسمع سواليفك ي هبه, ابي اعرف ويش فيها رهف انا ملاحظ عليها موب تمام ..
سعود : و انا ويش قلت لك ي ليث, رهف فيها شيء ..
هبه ابتسمت ع تسليكهم وتعاملهم معاهن ..
رهف : لا مافيني شيء, ويش فيني ..؟
ليث : والله ليث يقول بنت عمه فيها شيء, وترا ليث حدسه قوي ..
سعود : المهم مايكون ضيقك بسبب فواز ..
رهف : وليه ما اضيق بسببه ..
ليث : اقول عشان انتي واثقه فيه وحاطه عشانه عذر ..
وبقولك حسب معرفتي فيه القليله
فواز مايختفي الا وعنده سبب مقنع وبتشوفي ..
سعود : ويش فيك ي رهف فواز رجال ومعروف وهذي موب حركاته, بس اكيد في شيء صاير معاه ..
هبه : وانا قاعده افهمها فواز يحبها وتخلى عن كل شيء عشانها مستحيل مايكون عنده عذر واكيد راجع ..
رهف : انتوا مركزين انو صار لنا يمكن 3 شهور وما رجع ..
ليث : بقولك شيء عن تجربه ..
حنا الشباب اذا حبينا بصدق, والله انه مستعدين نسوي المستحيل عشان نوصل للي نحبه, ماغير الظروف والقدر هو اللي يوقف ضدنا ..
هبه : مثل ماسويت انت المستحيل مع ملاك ..؟
ليث : اجل هذا موضوعك ..
سعود : شكلنا وقعنا اليوم ..
ليث : رهف شاهده اني اكثر من مره حاولت ابين لملاك حبي واني ابيها, صح اني ماتقدمت لها كنت, بس انا كنت ناوي ع هالشيء وسعود يعرف , وحتى ملاك نفسها تعرف اني احبها وابيها و وصلت لها هالشيء..
بس بيوم وليلة ما دريت كيف انقلبت ملاك و وافقت ع بندر ..
ومايكفي راحت تزوجت وانا بين الحياء والموت ..
الحين قولوا لي بالله ملاك حبتني ..؟
هبه : والله انها تحبك وحنا ندري عنها الشيء بس بعد ماندري ويش صار لها ..
سعود : القدر والنصيب..
ليث نزل راسه مايبي يشوف تعابير وجيههم وهو يتكلم ..
ليث : كيفها بخير, مرتاحه مع زوجها ..؟
مع انه باين عليها مرتاحه وفرحانه فيه, لدرجة ماتترك يدها يده ..
رهف : يعني حنا بعد مانعرف شيء اكيد بس لمى اخت صقر ..
سعود فز : ويش فيها اخت صقر ..؟
هبه : اخيرا سمعنا صوت سعود عند اخت صقر هههه..
سعود : موب كذه بس قلت ويش دخلها بالموضوع ..
رهف : يعني بقول شيء بس ممنوع تتكلموا عنه وتشوفوا حالكم بالاخص انت ي سعود ..
سعود : لا شوفي ان البنات ينغرموا فيني ذا متعود عليه مافي شيء, في شيء جديد مانعرفه ..
هبه : يالواثق مافي احد منغرم فيك انقلع ههه
رهف : انتوا غنيتوا و رقصتوا حين رحنا المزرعه و لمى عشان تصور اخوها, موب انت ي سعود, طبيعي بتتصوروا كلكم , بعدها ورتنا المقطع وقعدنا نشوفه و هنا جاءت ملاك وشافت معانا
واخذت الجوال وقعدت تعيد في المقطع يمكن 10 مرات وهو معروف عشان من بتشوف ..
ليث :
ماجاب لي علم؟ ماسولف لكم عني؟
ماشفتو الحزن في وجهه وناصيته ..
لايدري أني نشدت ! وجبت له طاري
ولايدري أنيّ ذكرت أسمه وخصّيته
حتى لو انه نساني ماعلي منه ،
انا لو انسى اخواني ما تناسييته !
..
هبه : من قالك ان ملاك بتنساك والله اني ازعل عليها مدري ليه سوت بنفسها هالسوات ..
ليث : الله يوفقها ولعله خير لها, اما انا ما اعتقد فراقها خير لي ..