".. مــاذا لـــو عــاد معتــذراً .."

part ..32

".. مــاذا لـــو عــاد معتــذراً .."

Part ..32

( تبي الصراحة عاد ..تدري ويش العيب ..؟
اني اندفعت وجيت للحب كلي ..
أنا لو اني أعلم السر والغيب
ماكان حبيتك ولا صرت خلي ..
سلم على قلبك وسلم على الطيب ..
درب التغلي ينتهي بالتخلي ..
قبل لا امشي ..على كيفك ..
تبي قربي .. تبي صدي ..تبي تشره ..تبي تقعد ..تبي تمشي ..على كيفك.. )

..

في صباح يوم جديد مع أبطالنا كالعادة كل واحد ع دوامه و جامعته..
..
عند رهف اللي اليوم بالذات استعدت للجامعة بطريقة غير
وحاسه الشوق مسيطر ع قلبها خلاص تبي تشوف فواز
وهنا رهف اول ما شافت الدكتور فواز في الممر طاحوا الكتب والاوراق من يدها من فزة القلب والربكة اللي صارت معاها
مر الدكتور فواز من جنبها وتكلم بصوت تسمعه رهف وبس..
د/فواز : بسم الله ع قلبك كل ذا شوفتي تفزع ..؟
كان يتكلم معاها ويبتسم ..
ومشى من جنبها تاركها بعالمها هههه
اما رهف بغى قلبها يطيح مع الكتب والاوراق حين كلمها فواز ..

بعدها راحت وراه ع قاعة المحاضرات لأنها الساعة ذي محاضرة الدكتور فواز ..
دخلت رهف بكل هدؤ وهي منزله راسها من الخجل ماغير طبول قلبها تقرع
راحت وجلست مكانها وعيون فواز ماتفارقها ..
د/فواز : اليوم عندي بشاره لكم ..
الكل : خير ي دكتور الله يبشرك بالخير ..
د/فواز : عشاني ان شاء الله قررت اتزوج اللي خذت قلبي وعلقتني بهواها,  طبعا الله يجيب للكل مناه,  طبعا قررت اظيف 5 درجات لكل مشروع يعني ان شاء الله الكل بينجح اكيد ..
الكل : صفق وبارك للدكتور..
ماغير رهف اللي خلاص بتحس قلبها يبي يطلع ويروح لفواز ..
بعدها قبل يطلع فواز من محاضرته ..
د/فواز : ماغير ابي منكم طلب ..
الكل : ابشر طال عمرك..
د/فواز : تدعون لي ربي يوفقني مع اللي ابيها ..
هنا رهف زادت ابتسامتها
رهف تكلم نفسها : الله يوفقني فيكككك..

..

عند ملاك اللي ما داومت اليوم بالجامعة وامها منيرة قاعده فوق راسها تبي تأخذها للدكتور
منيرة : ي بنتي ويش صاير لك شوفي عيونك كيف متورمه,  اللي بيشوفك بيحس انك بكيتي الليل كله ..
ملاك تقول بنفسها : وليته البكاء ذا يقدر يطفي اللي بقلبي ..
ملاك : يمه مافيني شيء,  يمكن انفلونزا وبتروح ..
منيره : يعني ماتسمعين لي انتي, اجل بتصل ب ليث واكلمه عن حالك واشوف ويش بيوصف لك ..؟
ملاك : يمه يمه يمه لا فدوه لا , انا بخير يمه مافيني شيء والله ..
منيرة : ي بنتي كيف بنقدر نروح اليوم عند جدك ..
ملاك : وليه نروح ..
منيرة : يقول جدك في خطاب لرهف ويبي يشاورني بالموضوع ..ويقول بعد ان ليث بيرجع ع نيويورك ..
ملاك هنا زاد وجع قلبها وتقول بنفسها : يعني خلاص موب قادر يتحمل راجع لعند حبيبة القلب وتاركني بحرقة قلبي هنا ..
ملاك : طيب روحي انتي, انا ماني بجايه معاك..
منيرة : وليه ماتجين ..
ملاك : تعبانه مالي خلق ولا حيل ..
وانا الحين بنام وارتاح ولا تخافي اذا حسيت حالي تعبت اكثر بكلمك ..
منيرة : الله يحميك ي بنيتي ..