".. مــاذا لـــو عــاد معتــذراً .."

part.. 9

".. مــاذا لـــو عــاد معتــذراً .."

Part ...9

في القصر ..
في الصباح الفطور كان جاهز والكل مجتمعين بس ذي المره الفطور كان برفقة ليث وكملوا فطور ع سوالفهم مع بعض وبالاخص عن ليث وعن حياته
وعشان اليوم جمعة ماكان في اي دوام  وكانوا الكل مجتمعين والجد منتظر وصول بنته منيره يبيها تشوف حفيده شقد كبر يريد يتباها فيه حتى عند بنته من قوة حبه لليث
سمعوا جرس البيت و ع شوية دخلت منيره وبنتها ملاك
و وقف الكل يسلم عليها
وتقدم ليث يسلم عليها شخبارك عمتي : الحمدلله زينه والله بشوفتك وينك عنا ترا والله اشتقنا لك ..
طبعا ملاك وصلت ع طول سلمت ع جدها وعمها وزوجته وجلست جنب البنات
وعيونها صارت بتطلع وهي تشوف ليث وماقدرت تشيل عيونها عنه ويش ذا الحلا كله ..
ليث لف ع البنات وتكلم بالجمع وانتوا يالبنات شخباركم : الكل رد الحمدلله ..
الجد : نايف انت وسعود ابيكم تشرفوا ع حفلة اليوم بنفسكم اهي عزومة عشاء بس بتكون مثل الاحتفال
هذا حفيدي ليث رجع وابي اعلم الناس منهو ليث حفيد عبدالله بن تركي ..
سعود كان يناظر بجده و بـ ليث ويبتسم ع الخفيف
هنا كانت هبه تراقبه من بعيد وفهمت مقصد ابتسامته وانه شايف الفرق بمعاملة جده له ولـ ليث
الجد : وانتي ي ام ليث انتي ومنيره اريد تشرفوا ع كل شيء ما اريد شيء ينقص ..
الكل مهتم بحفلة اليوم والكل قام يروح ع شغلة بها اليوم
ليث كان مركز ع سعود وقبل يطلع سعود
ليث : سعود ممكن نطلع سوا اخويا نحنا معقوله ما اشتقنا
سعود ضحك : اي والله ي ريت ..
طلع ليث وسعود وركبوا سيارة سعود وانطلقوا برا القصر ..
اما البنات كانوا مشغولين بتجهيز جالهم وملابسهم وكل وحده لازم تكشخ ع التسعين كلهم حفيدات عبدالله بن تركي
لكن ملاك كانت ابدا مو معاهم ماتدري ويش اللي صار لها من اول نظرة شافت فيه ليث واهي مو طبيعيه تقول مابعمري شفت بها الحلا وبها القامه وبها الكاريزما وبها الرجوله ماتدري النظره ذي بس كانت كفيله بخربطت مشاعرها ع الاخير اي والله اي والله اني وقعت باللي يسمونه حب من اول نظره ..
رهف : ي هوووو ي هيييي علامك ي بنت ويش صاير لك فزي ورانا شغل
ملاك : هاااا مانتبهت لكم اوك تمام بجيك الان ..

..
عند سعود وليث كانوا ماشيين بالسيارة وليث ملاحظ ضيق اخوه
ليث : سعود علامك انت وجدي ويش اللي صاير ويش من جديد ..؟
سعود : والله انت تدري بجدي مركز بأتفه اموري ودراستي وحياتي وااااخ بس ي ريتها وقفت هنا
الا كان يبي يزوجتي وحده من بنات عمي وع الاغلب كانت رهف
ليث : وشوو يزوجك من بنات عمي ليه كذه بدون ماتطلب انت ..؟
سعود : انا طلبت اتزوج بس مو من بنات عمي
طلبت وحده احبها وابيها بس جدي قال مايزوجني بذي الطريقه وقال بيزوجني بنت عمي ..
هنا ليث حس انه انصدم شيء براسه هو نعم يدري انه جده مستحيل يوافق ع زواجه بس لو حطه بالامر الواقع وقاله انه متزوج بيزعل بس بيرجع يتقبل
بس الان زاد عليه وضع اخوه وكبر الهم فيه اكثر
ليث : ماعليه وانا اخوك الا مانزوجك اللي تبيها ..
سعود : لا خلاص اموري تمام وجدي وعدني يزوجني البنت اللي ابيها
ليث : ي رجال اقول انقلع بس وليه ماتتكلم من اولها لعبت بقلبي وفزعتني ..
سعود : وانت ويش اللي مفزعك ولعب بقلبك ليكون انت كماااااااااان وضحك سعود هههههه
ليث : اقول انطم واسكت ماعليك مني يلا خلينا نرجع لجدي ..
سعود : بنتظرك عشان اواسيك هههههه