".. مــاذا لـــو عــاد معتــذراً .."

part ..55

".. مــاذا لـــو عــاد معتــذراً .."

Part ..55

(..مهما ومهما صار تبقى أنت حُبي
أغليك لو عني تباعد خطاويك
لاطحت من عيني تلقّاك قلبي
ولاطحت من قلبي على الكف أداريك ..)

..

في القصر ..
ابو وام ليث راحوا ع المشفى يزورا ليث ..
رهف و هبه بالقصر ..
هبه كانت تحاول برهف تدرس وتهتم ورهف مطنشه وقاعده ع البوم صورها مع فواز بالملكة..
و ع شوي دقت سانيتا الغرفه ..
سانيتا : ممكن انا ادخل ..
رهف : دخلي سانيتا..
سانيتا : ماما رهف, هذا واحد رجال كبير  معه دقن جاب الظرف
يقول انتي جيبي الظرف لـ ماما رهف ..
هبه : منو ذا , ويش من ظرف ..
سانيتا : انا ما ادري, انا هو يقول جيبيه لـ ماما رهف انا ع طول اجيبه ..
هنا رهف حست بفزة بقلبها ع طول قامت واخذ الظرف من سانيتا وخليتها طلعت من غرفتها ..
وصارت رهف تفتح الظرف وهي تدعي بقلبها : ي رب فواز ي رب فواز ..
وهنا فتحت الرساله وشافت المكتوب فيها ..
فواز (اسف جرى مني الخطاء,ماجيت في موعد لقاك,لاتستضيق من فعلتي,وأبشر بعذر للهجر,ظرفي هو الي ردني,عن شوفتك ي دنيتي................)
هنا رهف كانت واقفه وطاحت ع الارض وهي تبكي وضامه الرساله ع صدرها ..
هبه : رهف ويش صاير, من منو هالرساله, ويش اللي فيها لا تخوفيني ..
رهف : فزة قلبي ي هبه هذا فواز ..
هبه : فواز, كيف و ويش, فهميني كيف فواز, وينه طيب ..؟
هبه : خذي الرساله وافهمي ..
هبه شافت الرساله
هبه : اي مافهمت غير انه يعتذر عشان ماجاء ع العرس وان معاه ظرف, بس وينه طيب مافهمنا شيء..
رهف : والله اني ارتحت يكفي تطمنت انه بخير , بس دامه جاب لي هالرساله بذي الطريق, وكاد انه في موضوع كبير ورا غيبته ذي ..
هبه : كيف يعني بنعلم عمي او جدي ..؟
رهف : بالذات عمي لا مابنقول لأحد ..
بس دام فواز جاب لي هالرساله بذا الوقت ذا يطمني عشان اتجهز للأمتحان هو اكيد يدري اني انتهيت بغيبته عشان كذه حب يساعدني بطريقته ..
والحين بقوم ادرس واراجع دروسي واتجهز للأمتحان لعيون فزة قلبي ..
هبه : يعني انتي موب زعلانه منه ..؟
رهف : اااااه الزعل موجود بس يكون بخير وانا راضيه باللي يصير ..

هنا هبه حين شافت رهف قامت تشوف دروسها طلعت من غرفتها وراحت ع غرفتها تطقطق بالجوال شوي ..

..
عند صقر اللي اخذ الجوال ودق ع اخته
وهنا لمى رفضت مكالمة صقر
هنا صقر ضحك عليها وفهم انها خايفه ترد ..
ارسل عليها ( اخت صقر ليه ماترد علي, ادري انك مخبصه افتحي افتحي ههههه) 
رجع دق ع لمى وردت عليه ..
لمى : والله ي صقر ما ادري عنه هالسعود ليه ياخذ جوالك ..؟
صقر : اولا اسمه سعود, من وين جبتي هالسعود هههههه.. ثانيا اخت صقر ماتغلط وماسويتي شيء يستحق هالتبرير ..
لمى : يعني انت موب زعلان من اخت صقر ..
صقر : انا موب زعلان من اخت صقر, ماغير خرعتي لنا سعود, او نقول هالسعود ههههه
لمى : اي يستاهل ليه يرد ع جوالك, مع انه للأمانه ما رد بأول مكالمه واني اللي ظليت ارن الين رد ..
صقر : اجل المشكلة بأخت صقر, بس عاد لو شفتي حالته يوم كلمني, كان بتبردي قلبك من هالسعود هههههه
اجل ويش تبي اخت صقر ..؟
لمى : قلت مشتاقه لك بس انت ويين انت يلا قاعد مع هالسعود ..
صقر : ردينا ع هالسعود ههههه
شكل اخت صقر تسوي بروفا ع اسم سعود هههه
.. هنا صقر تعمد يقول كذه يبي يعرف اذا قد غيرت رأيها او لا ..
لمى هنا ارتبكت : اوووف ي صقر ويش ذا الكلام,  اجل انقلع انت ما اشتقت لي وابوي يناديني ..