".. مــاذا لـــو عــاد معتــذراً .."

part.. 10

".. مــاذا لـــو عــاد معتــذراً .."

Part ...10

في القصر..
خلص يوم الاستقبال وكل واحد راح ع بيته واللي بالقصر كل واحد طلع ع غرفته
عند ليلى دخلت ع غرفتها واخذت بيجامتها ودخلت ع الحمام ( عزكم الله)  واخذت شور سريع وطلعت وانسدحت ع السرير واخذت جوالها وفتحت الجوال وشافت رسالة عزيز
طار عقلها من الفرحه يعني من بكره بيصير الشغل جدي اكثر
وارتاحت اكثر عشان طلب انه تجيب احد من اخوانها هنا حبت الفكره وفرحت عشان شافته رجال موب فاضي دام يبيها مع احد ماهوب بلعوب ويكذب عليها
وع شوي دق باب غرفتها
ليلى : تفضل
ليث فتح الباب ومد راسه من الباب اقدر افوت ع حلوة اخوها
ليلى : انت بس كون موجود معانا وفوت ع وين ماتبي ..
ابتسم لها ليث ودخل قعد جنبها
ليث : اي شخبارك علميني كيف دراستك
ليلى : والله ي اخي كل شيء ماشي تمام حتى انه كنت ابغاك بموضوع ..
رفع حواحبه ليث وغمزه بعينه وقال : سمي ي حلوة اخوكي انتي ..
ليلى : سم الله عدوك
غير انه والله جاني شغل بأختصاصي يعني في مهندس يبيني اساعدهم بمشروعهم من خلال الرسم وطلب مني انه يسلمني المشروع بكره عشان شغلهم مستعجل وقال جيبي معك احد من اخوانك
ليث : امممممم واختي الحلوه وشلون وصلها ذا الشغل من اساسه
ليلى هنا عرفت انها ابتلشت وماعاد عرفت ويش تقول ..
ليث : شوفي حبيبتي انا بس ما ابيك تغلطين عشان كذه كوني معاي صادقه وانا اخوك..
ليلى : والله اهو راسلني ع سناب يقول انه عرف اني رسامه ويبي يشتغل معاي ماتكلمنا غير عن الشغل ..
ليث : طيب وانا اخوك بكره بنقابله ونشوف ويش وضع الشغل ذا غير انك لازم توعديني انك بتخليني ع علم بكل تفاصيل الشغل ذا تمام
ليلى : اي تمام ي احلا اخ بالدنيا
ليث : يلا نامي ورانا بكره شغل مع رسامتنا وغمز لها يلا تصبحين ع خير
وطلع من الغرفه وقفل معاه الباب وليلى ارتاحت انها كلمت اخوها وكذه بتكون ماشيه صح ..

..
وعند ليث بغرفته بعدما تجهز للنوم ولبس بيجامته وقاعد ع السرير يراجع بأوراقه عشان يبي يشوف وضع شغله
رجع وقف الشغل وقرر يتصل ع رشا من جديد ..
رشا : ليث (س)
ليث : ي عيون ليث انتي
رشا : والله اشتقتلك كيفك طمني عنكك.. ؟
ليث : نحمدلله ناقصني قربك ..
رشا : ي عمري انتا والله هاليومين عم حس كأنن سنتين ماعم يمشوا شوهيدا ي الله وبدأت دموعها بتنزل ..
ليث : لا لا ي قلب وروح ليث الا دموعك لا تنزل ترا والله كل دمعه من عينك تغرز بقلبي سكين
رشا : خلاص بطلت ابكي سلامة البك
ليث : ويش تشوفين مابيجيبك الشوق لي ..
رشا : اووووف ليث لوين توصل المواضيع هلأ كلما بدي احكي انو اشتقتلك رح تجيب لي موال انه اجيك
ليث : اهاااا لا ماقصدت كذه
رشا : ليث انت لازم تفهمني مهما البي حبك بس مستحيل اقدر اعيش عندك هونيك بوطنك بتعرفني مابقدر انسجم..
هنا انعصر قلب ليث وضاق بس ماحب يبين لها
ليث : خلاص قفلي ع الموضوع وتراني لازم اسكر وراي شغل يلا حبيبي انا بنام وانتي انتبهي ع حالك ..
رشا : ما تعتل هم انا بخير دامني بحبك
وسوت بوسه ع الهوا وسكرت
وليث سكر الجوال ورماه وانسدح ع ظهره وحط يده ع جبينه ودخل في تفكير لين غلبه النوم ونام ..