".. مــاذا لـــو عــاد معتــذراً .."

part ..37

".. مــاذا لـــو عــاد معتــذراً .."

Part ..37

(أنا مرهق جسد ي رب انا من طين
انا كعبة حزن فيها الحزين يطوف..
لبست من البياض الأبيض المسكين
وغير مالبس غير السواد بصوف..
مرضت من الحقيقة كأني اللي مين
تخيل بأني اصارع مرض بوقوف..
غرقت وكن ماحولي يدين تعين
واذا فعلا يدين تعين دون كفوف ..)

..

في القصر ..
صار وقت العشاء والكل مجتمعين حوله بحديقة القصر ..
كان الجد متقدم الطاوله وع يساره ابنه و ليث وسعود ..
ام ليث ومنيره والبنات ..
كانت ملاك طوال العشاء وبالها مشغول بـ ليث تبي تعرف ويش اللي صار معاه وليه جن جنونه ويش اللي صاير ..
وكانت ماغير تقلب بالاكل وهنا انتبه عليها الجد ..
الجد : ملاك ي بنتي ويش بلاك ما تأكلين , فيك شيء ..؟
ليث ع طول لف برقبته عليها وشافها
ملاك : لا جدي مافيني شيء, ماغير مالي نفس قبل شوي اخذت سموذي والحين احس حالي مو جوعانه..
منيرة : الله يهداك ي بنتي انتي وهالسموذي بتشغلينا فيه وفي احد يأخذه قبل الاكل ..
ليث هنا ابتسم ع جنب ورجع يأكل

وهنا خلصوا عشاء وبدأت سهرتهم ..
الجد : اجل ي سعود سمعنا شيء بصوتك يطربنا ..
سعود : اي والله اني ابيها ..
وقرب لجنب ليث وقال : وبكذه اصور مقطع حلو للحب وترضى علي هههههه
ليث : الله يكون بعونك دام الزعل موجود ههههه
وضحك ليث وهو يتذكر ياما كانت تزعل رشا وليث كان مايدري ويش اللي يسويه عشان يراضيها
وصل سعود ومعاه جيتاره
اجل بعزف واغني وجاب معه حامل الجوال عشان يصور نفسه ..
ليث : ويش بتسمعنا ..؟
سعود : ابي اغنية محدده والمعذره منكم هههههه
الجد : اجل عرفنا ويش تبي, كل همك حرمتك ..هههههه
سعود : والله انك ي جدي كنت عاشق اكيد دام وتفهم علينا ..
الجد هنا حس بغصه بقلبه
الجد : ااااااه ياما عشقنا وتغربلنا, اجل غني اللي تبي
وهنا استعد سعود وبدأ يغني ..
(خلص حنانك ما بقى إلا قسوتك
اقسى علي اقسى حلالك فدوتك
قبلك قست دنياي وانت تمون
قبلك قست دنياي وانت تمون ..
شفت السعاده يوم عيني شافتك
اسعدتني الله دايم يسعدك
لو سقتلي هم وحزن هالكون
ضد الحزن فيني فرح مخزون ..
واللي جمعنا والتقينا وكنت لك
واللي فطر قلبي وفطرني بحبي لك
لو في بعادك الهنا مضمون
ماعيش لحظة دونك ولا اكون
الكل نفسي نفسي في ساعة خطر
الا انا انت.. ثم انا وباقي البشر
يبدا علي مني مهما يكون
تجرحني وتداوي انا ممنون..)
..
وخلص يغني والكل مبتسم بحب وكل شخص بباله اللي يحبه
..
سعود ع طول اخذ جواله وارسل المقطع اللي صوره لـ رنا ..
..
وع شوي ردت رنا ( وليه انا بعد صوت هالمملوح اقدر ازعل بعد ..)
رنا ( والله اني أحبككك.. )
..
سعود كان مفهي ع الاخر وهو يشوف ردها ..
ليث : جدي اجل الحين لازم نتكلم بالموضوع الاهم ..
الجد : خير وشو هالموضوع ..؟
ليث : موضوع خطوبة رهف ..
رهف هنا فز قلبها وكانت تطالع بـ ليث برجاء كأنها تقول تكفى وقف معاي ..
وهنا ليث اشر لها براسه بمعنى معاك انا ..
الجد : انا قلت كلمتي وبكره نتصل عليه ونبلغه برفضنا مافي نصيب وخلاص ..
ليث : ي جدي الله يخليك موب انت اللي يرفض رجال سنع عشان اهو يتيم ..
الجد : انا قلت كلامي وما ابي تناقشوني ..
رهف هنا وقفت بشموخ امام جدها ..
رهف : جدي وانا ماني بأخذه غيره وانا اقبل اخذ احد يتيم ,مابينقصني شيء..
ابو ليث و رافع صوته : ويش ذا الكلام ي بنت اخوي عيب اللي تقولينه وحنا كلنا موب موافقين ..
سعود : يبه ذا الموضوع يخص رهف وجدي, انت ماعليك ..
ام ليث : ويش ذا الكلام هذا هو عمها وله حق عليها ..
الجد : رهف ي بنتي خليك عاقله وافهمي مايناسبنا ..
رهف : جدي جيب لي سبب مقنع غير اللي تقوله , اذا ع اليتم لا تنسوا انه ماعندي لا اب ولا ام انا فقط عايشه معاكم ..
اقنعني ي جدي تكفى..
الجد : اجل تبي تعرفي السبب الحقيقي ..
رهف : ايه اعتقد هذا من حقي ..
الجد : فواز يقول انه يتيم صح ..
ع اساس امه وابوه متوفين .. وانا ماكان عندي مشكله بذا الموضوع ..
بس اللي عرفته ان فواز حتى مايعرف شيء عن نفسه ..
ليث : ويش تقصد.. ؟
الجد : بالميتم نفسه لقوه جنب الباب رامينه اهله ..
يعني ممكن يكون ولد حرام وانا مستحيل اقبل بهاالشيء ..
هنا رهف كانت دموعها متسارعه وقلبها يدق وماغير تسمع اصوات اهلها يتناقشون بصياح,  وهنا رهف تشجعت بين كل دموعها صرخت ..
رهف : خلاااااااااص يكفي ..
ذا الموضوع يخصني وانا للحين بعد موافقه وما احد يقدر يتدخل بحياتي ..
هنا هبه وملاك كانوا ماسكين رهف خايفين تطيح عليهم ويهدوها
هنا الجد تضايق من ردها وتصميمها
واخذ جوال سعود و دخل ع رقم فواز واتصل امامها ..
فواز : حيا الله سعود ..
الجد : معاك جد سعود,  حيا الله فيك ي ولدي ..
فواز ارتبك : حيا الله عمي شلونك.. ؟
الجد : الحمدلله, والله بغيت اقولك قرارنا عن الموضوع اللي طلبته ..
فواز تجهز يسمع وقلبه يدق ..
رهف : جدي تكفى لا تقهر حفيدتك جدي تكفى ..
كان فواز يسمع صوتها وهنا فهم الرد ..
فواز : قول ي عمي سامعك..
الجد : الزواج قسمة ونصيب و ربك موب كاتب لك معانا نصيب ي ولدي ..