".. مــاذا لـــو عــاد معتــذراً .."

part ..12

".. مــاذا لـــو عــاد معتــذراً .."

Part ...12

عند عزيز اللي مايدري شلون بيجيب رقم بيت ليث اخر شيء قرر يتصل ع ليث واللي يصير يصير
ليث : هلا والله
عزيز : ي هلا فيك شلونك شخبارك.. ؟
ليث : الحمدلله انت شخباركك.. ؟
عزيز : الحمدلله الا كنت ابي منك طلب ومحرج منك شوي ..
ليث : افا عليك ذا ونحنا صرنا اخويا اقول اطلب وابشر باللي تبيه
عزيز : الله يبشرك بالجنة ماغير كنت ابي رقم الوالده او رقم البيت الاهل تبعي يبون يتعرفون ع اهلك ..
ليث هنا ابتسم ع الخفيف وفهم مقصده بس ما حب يحرجه اكثر وهو شايفه بالعافيه يتكلم
ليث : ابشر لنا الشرف نتعرف ع أهلك الحين برسل عليك الرقم
يلا الله معك ..

هنا عزيز ارتااااااح مع انه حس ان ليث فهم مقصده بس مايبي يفرح حاله بدون مايكون في شيء اكيد ..
ع شوي و وصل الرقم عبر رساله
عزيز ع طول فتحها
وراح ركض ع امه
عزيز : يمه يمه جبت لك الرقم يلا متى بتتصلين
ام عزيز : هدي هدي ي ولدي شوي الحين ماعاد تتحمل ههههه
عزيز : يمه فديتك لا عاد تتعبيني انتي بس بتتصلين
ام عزيز : طيب طيب الحين بتصل ..

..

في القصر بعد العصر كانوا مجتمعين الجد وابو ليث وام ليث ومنيره كمان والبنات وملاك ويتقهوون ويأكلون ويحلون و شوي ع نزلة ليث تغطوا البنات يعني حطوا الشيلان ع روسهم
وملاك قلبها يفز مع كل خطوه يتقدمها ليث
وصل لجنبهم وسلم ع عمته وجلس جنب جده وقعدوا يسولفون و ع شوي كان يبي يطلع يروح يخلص اوراقه مع المستشفى اللي بيشتغل فيها
الا وسمع رنة جوال امه وانتظر
ام ليث : منو ذا متصل علي الرقم غريب وموب مسجل عندي ..
ليث : طيب ردي وبنشوف يمكن خير وابتسم وما احد فهم عليه ..
وملاك خاااااقه ع كل حركه يسويها وع كل كلمه ينطقها ..
ام ليث : الو
ام عزيز : الو هلا والله معك ام عزيز خوي ليث ولدك..
ام ليث بعدت الجوال عن يدها وعن فهما وقالت ليث تقول انها ام خويك عزيز
ليث : طيب كملي معاها ..
ام ليث : ي هلا والله فيك وي مرحبا شلونك اخباركك.. ؟
ام عزيز : الحمدلله والله انتي شلونكك.. ؟
ام ليث : الحمدلله بخير الله
ام عزيز : والله ي ام ليث انا متصله فيك ومتعشمه خير
ام ليث : الخير يجيك ان شاء الله ..
ام عزيز : والله يشرفنا ويفرح قلوبنا انه نطلب القرب منكم ونبي بنتك ليلى لولدي عزيز ..
ام ليث تفاجأت بس بفرح كل ام تبي تشوف بنتها عروس
ام ليث : لنا الشرف والله فيكم غير انه لازم نشوف جدها وابوها و اخوانها وان شاء الله خير ..
وسكروا من بعض ..
والتفت ام ليث بفرح ع بنتها
رجعت قالت يلا روحوا يالبنات كملوا سوالفكم فوق ..
البنات عرفوا انها تصريقه وقاموا ع طول..
ليث : ويش فيك يمه ويش تبي ام عزيز ..
الجد وابو ليث ومنيره مركزين ع ام ليث يبوها تتكلم ..
ام ليث : والله ام عزيز تقول تبي القرب منا وخطبت بنتي ليلى لولدها عزيز وانا قلت لها بنشوف ونرد لكم خبر ..
ليث : انا من رأيي رجال وابن ناس ومهندس وقايم ع حاله
الجد : خويك يعني تعرفه زين ..
نايف : اقول ي ولدي من رأيي نزيد نسأل عليه بالاول
ليث : اكيد مايخالف بس انا كلمتكم باللي اعرفه عنه ..
دخل سعود وشافهم مجتمعين ع موضوع بأهتمام ..
سعود : خير ي جعل جمعتكم خير ..
الجد : خير خير ي ولدي مير انه جاء عريس لأختك ليلى
سعود : ومن ذا المحظوظ اللي بيأخذ اميرتنا
ليث : تعال بطلع انا وياك وافهمك كل شيء ونشوف وضع معرسنا يناسبنا او لا ..
سعود : معناته سرينا ..
وقفوا الاثنين وطلعوا ..
والجد كلم منيره وابو ليث وام ليث انهم مايفتحون الموضوع قدام البنات لين يسألوا ع الرجال بعدها يشوفوا موافقتها..