".. مــاذا لـــو عــاد معتــذراً .."

part ..58

".. مــاذا لـــو عــاد معتــذراً .."

Part ..58

(..والله مابي منه شىء ان كانه مقفي..
ماغير أبدري عقب فرقاى وش لونه ..
إن كانه بخير قلت الله يسهل له..
ماني بقايل عساها تدمع عيونه..
وان عاش من دوني الله يحفظه..
لكن المشكله صدق كيف أعيش من دونه..؟!)

..

عند ملاك صحيت من نومها شافت بندر نايم جنبها, قامت بسرعه واخذت لها ملابس وفاتت الحمام * عزكم الله * واخذ شور سريع وجهزت حالها وطلعت شافت بندر كان صاحي ..
بندر : صباح الخير حبيبتي ..
ملاك : صباح الخير ..
بندر : تدرين يقولون اذا احد قالك صباح الخير, انت ترد عليه صباح النور او الورد او كذه كلام ومجاملات ..
ملاك ماعلقت ع كلامه ..
بندر : طلبت فطور والحين بيجي وانا الحين اخذ شور سريع واجيك ..
ملاك كملت تجهز نفسها وحطت روج وكحلت العيون الوساع وصارت تخق, ومايحتاج لها اي مكياج..
و وكانت لابسه مخور  باللون الزيتي
وقعدت وبعدها اخذت جوالها و فتحت الجوال وشافت الرسايل ما اهتمت بس فز قلبها اول ما شافت رسالة من ليث ..
ليث ( وداعـاً ي أجمل أحلامي ..
وداعـاً ي نصف ديني ..
وداعـاً ي اللي كنت أحلم على اسمي يحطونك ..
لـو إن الوقت عادل والحياة بصدق تعطيني ..
مـاكنت أحبك بعمــري وإلى غيري يزفونك ..
ي أنثى من قبل لا أرحل أبي كلمة تقديني ..
سؤالي ماعرفت ألقى جوابه داخل عيونك ..
مـادام إن العمر مرة وأشوفك عمري بعيني ..
دخيلك بس قولي شسوي بعمري من دونك ...!!؟ ) ..
هنا ملاك قامت من مكانها وراحت جنب الدريشه تأخذ وتبكي وكانت تحاول تهدأ بس موب قادرة من الفرحه ان ليث صحى ..
ملاك : ي ربي ليث صحى نبضات قلب ملاك ردت تدق من جديد, الحمدلله الحمدلله الحمدلله ..وهنا ملاك ماكانت مركزه ع الرساله بقدر ماهي فرحانه ان ليث صحى ..
وهنا رجعت ملاك تبي تقرأ الرساله من جديد ..
وماحست الا بندر طلع وسمعت صوته..
وسكرت الجوال بسرعه ورجعت مكانها..
جاها بندر : حبيبتي ماجابوا الفطور..
ملاك : لا
بندر ركز ع ملامحها وقرب لها ..
بندر : حبيبتي ملاك كأن عيونك تقول فيك شيء.. ؟
ملاك قامت من جنبه وتحاول تمسح عيونها اكثر ولفت عليه ..
ملاك : لا مافيني شيء
هنا بندر حس ان فيها شيء بس ماحب يعلق عشان مايضايقها وع شوي وصل الفطور ..
وقعدوا يفطرون ..
ملاك : اليوم بنروح بيت هلي صح ..
بندر : انتي آمري اوديك وين ماتبي ..
الحين بتصل ع عمي واشوف وينهم ..

وفعلا اتصل بندر ع ابو ملاك وسولفوا شوي بعدها ..
ابو ملاك : اقول ي بندر اسمع فرح زوجتك و قول لها ولد خالها الحمدلله صحى وهو الحين بخير وبصحة وعافية..
هنا بندر تضايق منها الكلام , وفهم ان حالة ملاك ذي معناته انها عرفت عن ليث ..
سكر الجوال من معه ..
بندر : اجهزي بنطلع نروح لعمي وخالتي عشر دقايق وطلعنا تمام..
ملاك : ليه عشر دقايق نقعد معاهم نتغدى ونشوف اخبارهم ..
بندر : اخبار منو بالضبط قولي ..؟
ملاك : ويش فيك ..؟
بندر : لا تفكريني غبي ادري انك رايحه تاخذين اخبار ولد خالك وفرحانه انه صحى ..
هنا ملاك انصدمت من رده ماكانت تدري انه صار يعرف ..
ملاك : اجل نروح ساعه ونمشي ..
هنا بندر ماكان يقدر يزعلها يتراجع ع طول ..
بندر : ملاك ابيك تحترميني, دامك ماتحبيني اقل شغلة احترميني, لا تصغريني بين الخلق ..
والبسي انا منتظرك..
هنا ملاك تفشلت وقامت لبست بدون رد , وطلعوا من الفندق و راحوا ع بيت ابو ملاك ..
..
في ديرة الشيخ فارع ..