အိမ်ကိုပြန်ရောက်ရောက်ချင်းစောင့်ကြိုနေသည်က တံခါးဝမယ် တန်းစီရပ်နေတဲ့အိမ်စေတွေ။ အများစုကတော့ မိုးထက်မာန်ကို ဦးညွတ်ကာ နှုတ်ဆက်ကြပြီး ထိုထဲမှတစ်ယောက်ကတော့ ဖိနပ်ကို တရိုတသေဖြင့် ကောက်ယူကာ စင်ပေါ်သွားထားပေးသည်။ ဧည့်ခန်းကိုရောက်တဲ့အချိန်မှာတော့ နောက်ထပ် စောင့်ကြိုနေသူက ညီမဖြစ်သူ မိုးထက်လှိုင်။
ဖက်ရှင်ဒီဇိုင်နာပီသစွာပဲ အိမ်နေရင်းမှာတင် မိုးထက်လှိုင်သည် ဒူးအောက်လောက်ထိ ရှည်တဲ့ စကတ်အနက်ရောင်အရှည်နှင့် အပေါ်က ပုခုံးတစ်ဖက်ပြတ်အင်္ကျီကို ၀တ်ထားလေသည်။ အနီရောင်ဆံပင်ရှည်တွေကိုတော့ အရင်လိုစည်းနှောင်မထားဘဲ ပုခုံးတစ်ဖက်သို့ ခပ်လျှောလျှောချထားသည်။ ရှေ့မှာတီဗွီကတော့ဖွင့်ထားပေမဲ့ ထိုတီဗွီအပေါ်စိတ်ဝင်စားဟန်တော့မရှိပါ။
မိုးထက်မာန်သည်အသံတိတ်ပင် ညီမဖြစ်သူအနားသို့ ၀င်ထိုင်လိုက်လေသည်။ ဂျာနယ်တစ်စောင်အပေါ်စိတ်ရောက်နေတဲ့ မိုးထက်လှိုင်ဟာ ရင်းနှီးနေပြီဖြစ်တဲ့ အစ်ကိုဖြစ်သူရဲ့ Pheromone အနံ့ကြောင့်ဆတ်ခနဲ ခေါင်းထောင်လာလေသည်။ တနေကုန် အပြင်ထွက်နေတဲ့နောက် အိမ်ပြန်ချိန်ဆို ရေမွှေးနံ့တွေကလည်း ပြယ်ကုန်လေပြီ မဟုတ်ပါလား။
"ထူးထူးဆန်းဆန်း ပြန်ရောက်တာစောလှချည်လား။ နောက်ကျမယ်လို့ ထင်ထားတာလေ။"
သာမန်ကာလျှံကာ တစ်ချက်မျှသာမော့ကြည့်ပြီး ဂျာနယ်ကိုပြန်ဖတ်နေတဲ့ မိုးထက်လှိုင်ကြောင့် မိုးထက်မာန် မခံချိမခံသာဖြစ်သွားသည်။
"ဘာကိုကြည့်ပြီး နောက်ကျမယ်လို့ ဝေဖန်လိုက်တာလဲ။"
ညီမဖြစ်သူဆီက စူးစမ်းတဲ့အကြည့်တစ်ခုကို မိုးထက်မာန်လက်ခံရရှိလိုက်သည်။ ပြီးနောက် မိုးထက်လှိုင်သည် ချက်ချင်းပင် ကုန်းထလာပြီး မိုးထက်မာန်ဆီသို့ ခေါင်းစိုက်လာတာမို့ မိုးထက်မာန်ပင် အနည်းငယ်တွန့်သွားသည်။
"တခြားPheromone နံ့ကတော့စွဲမလာဘူးပဲ။"
နှာခေါင်း တရှုံ့ရှုံ့ဖြင့် ကျေနပ်လောက်တဲ့အထိ အနံ့ခံပြီးမှ မိုးထက်လှိုင်က ပြန်ငြိမ်သွားလေသည်။ စပ်စပ်စုစုနိုင်လှတဲ့ ညီမဖြစ်သူရဲ့အပြုအမူအတွက် မိုးထက်မာန်ဟက်ခနဲသာ ရယ်လိုက်မိတော့သည်။ ဘယ်လိုလုပ်ပြီး အနံ့စွဲမတဲ့လဲ။ ကော်ဖီဆိုင်မှာ တစ်လံလောက်အကွာကနေ ငေးကြည့်နေရုံသာ တတ်နိုင်ခဲ့တာကို။ လက်လေးဘာလေးထိမိတာတော့ ရှိပေမဲ့ ဒါကလည်း ကိုယ်မှာ စွဲနေလောက်တဲ့ ပမာဏမဟုတ်ဘူးလေ။
