سياف طالع في راجس الا كان جالس فوق السرير .. هما حرفيا ما قاموا من بعد كل الا سوه للان .. راجس بس سحب قميصه ولبسه .. رغم انو لساته عاري من تحت بس هو حاط البطانية فوقه
- على فكرة .. حكم مؤبد مو مدحة لك
راجس رفع حاجبه
- أجل ؟
سياف ابتسم
- ذا الحكم الا بجيبه لك في قضيتك
راجس قلب عيونه
- انا مو مدان بسجن !
سياف هز راسه
- ادري ..
لف سياف يدينه حولين جسم راجس وهمس عند اذنه
- بس انت محكوم بالمؤبد عشان تعيش في قلبي
راجس بلل شفايف وهو يحاول ما يطالع في سياف الا باس اذن راجس
- انت سامج
سياف ضحك وهو يحط راسه على كتف راجس
- ما بحاول اكون مبهر اصلا وانا معاك
راجس رفع حاجبه
- ليش ؟ .. ما استاهل مثلا ؟!
سياف ابتسم ولف يدينه يضم راجس لصدره
- سهل اكون مبهر وفنان قدام الناس .. سهل اختار الحاجات الا تبهرهم وتخليهم ينعجبو بيا .. بس انت .. لأ .. انا ما بكون غير نفسي معاك .. نفسي بدون اي فلتر .. واعرف انك بتظل تحبني
راجس دق قلبه وابتسم بس حاول يخبي ابتسامته وهو يبعد وجهه يطالع الناحية الثانية
- انا جيعان
سياف
- نطلب او نخرج ناكل ؟
راجس رجع يطالع في سياف وبتد البلوزة عن رقبته عشان تظهر علامة سياف
- ما اعتقد بيمدينا نطلع
سياف ضحك وهو يغطيها بيده
- مين قال انو يحبني وانا مثار ؟
راجس قلب عيونه
- قلت انك ثور انت سمعتها مثار !
سياف سحب جوال
- ايش تبغى تاكل ؟
راجس طالع في جوال سياف .. يدين سياف محاوطته من الناحيتين والجوال قدامه .. هو محتجز في حضن سياف بس هو سعيد
- شوف ذا مطعم جديد !
سياف طالع فيه
- نااااه كلها برجرات .. ابغى اكل حقيقي
راجس كشر والتفت لسياف
- تكفى يا البدوي !
سياف قلب عيونه
- خلاص قررت .. بعزمك على رز ولحم !
راجس كشر وهو يبعد سياف
- انقلع بروخ اسويلس اندومي ارحم !
سياف ضيق يدينه حولين راجس عشان لا يقوم
- لو خرجت من حضني برجعك له وانت تتأوه !
راجس ألتفت لسياف
- ايش !
سياف هز راسه
- اجلس بالطيب إلين نطلب اكل لا نعيدها ثاني !
راجس عض شفايفه قبل ما يلف يده حولين سياف
- طيب يمكن كذا انت بتغريني ؟
سياف ابتسم وباس شفايف راجس
- هذا هدفي طيب .. اطلع المنحرف الذي بداخلك !
راجس رفع حاجبه
- بس ذا المنحرف مو داخلي .. ذا المنحرف هو انا لما اصير بين يدك !
أنت تقرأ
راجس
General Fictionيا حاضري ومستقبلي .. يا جرحي وعلاجي .. يا جنوني واعظم درجات عقلي .. ( عامية جداوية )
