Under the Sky

Part 34

" මොකක්! "

" ඔව්. ඒ නීතිය සාජන්ලා පොඩි කාලේ එයාලගේ සීනියර්ස්ලා හදපු එකක්. කවීන් අයියත් ඒ දවස්වල එයාලත් එක්කනේ හිටියේ. "

" ඔහොම ඉන්න ඔයා කොහොම ද ඔය දේවල් දන්නේ? "

ලකීෂ් එයත් සමඟ ම එක්වර ම ගල්ගැසී ගියේ එය ඔහු අපේක්ෂා නො කළ ආකාරයේ පැනයක් ලෙසින් ය. යන්තම් රත්පැහැ ගැන්වීගිය දෙකම්මුලෙන් යුක්තව තත්පර කිහිපයක් ලැජ්ජාශීලී ව හුන් ඔහු වහා තම හැඟීම් සඟවාගත්තේ ය.

" ඒක ඔයාට වැඩක් නැහැනේ ශේන් මේ කතාව අහලා ඉන්නකො."

" මොනව ද මොනව ද ඒ මට වැඩක් නැත්තේ? "

රැලිකරගත් නළල් තලයෙන් යුක්තව ලකීෂ්ගෙන් මම පුන පුනා විමසා සිටිය ද නිශ්චිත පිළිතුරක් ලබාගත හැකිවූයේ නැත.

" ඒක මම පස්සෙ කියන්නම් ඉස්සර වෙලා මේක අහලා ඉන්නකෝ."

" හා.. හා.. කියන්නකො කියන්නකො. මම පස්සෙ අල්ලගන්නම් හොරේ."

මම ලකීෂ්ට ඔහුගේ අනර්ඝ කතාන්දර ඉදිරිපත් කිරීමට ඉඩ ලබාදුන්නේ ඔහු පවසන දෙයට මත්තෙන් වෙනත් කිසිවක් දැනගැනීම ඉබ්බාගෙන් පිහාටු ලබාගැනීමටත් වඩා දුශ්කර වූ බැවිනි.

" නීතිය තමයි කෑම්ප් එකක් ගිහින් ඉවර වෙනකන් ඒ අවුරුද්දේ ප්ලැටූන් එකේ කිසි කෙනෙක් අතරේ රිලේශන්ෂිප්ස් තියාගැනීම තහනම් කියන එක. "

" ඒත් ඉතින් ඔක්කොම ඉන්නේ කොල්ලෝනේ. "

මම් ලකීෂ් දෙස බැලුවේ ව්‍යාකූලත්වයට පත්වයි.

" ඇයි සේම් ජෙන්ඩර් රිලේශන්ෂිප්? "

" අහ්.. එහෙම ඒවත් තියෙයි නේද? "

මම හිස කසා ගත්තේ එවැන්නක් එක්වර ම සිහියට නැඟුණේ නැති බැවිනි. එක් අතකට එය පුදුමයක් ද නොවේ. මා කිසි දිනක සැබෑවට ම එවැනි යුවලක් මුණගැසී නැත. එබැවින් එය මාගේ හුරුපුරුදු සීමාවෙන් බැහැර කරුණකි.

" ඉතින් ඒක මේකට සම්බන්ධ වෙන්නේ කොහොම ද? මට මතකයි එදා යශේන් අයියාත් අභිමාන් අයියාගේ ක්‍රශ් එකක් ගැන මොකක් ද කියනකොට ඔය වගේ දෙයක් කිව්වා. ඒ දෙන්නාගෙ ම ක්‍රශ් එක එකක් හින්දා රණ්ඩු වෙනව ද? "