මම එක්වර ම තුෂ්ණිම්භූත වී ගියෙමි. යශේන් අයියාට මා හා පෞද්ගලිකව කතා කිරීමට ඇත්තේ කුමක් විය හැකිදැයි මා හට සිතාගත නො හැකි විය. එය පෙර වූ ආරවුල සම්බන්ධ ව ද?...
කිසිවක් නො කී මම ඔහු හා පහත මාලයට ගොස් නාන කාමර පෙළ ඉදිරියේ ඔහුට මුහුණට මුහුණලා සිට ගත්තෙමි. යශේන් අයියා සිටියේ සන්සුන්ව ය. නමුත් නොයෙක් සිතිවිලි අතර දෝලනය වන බවක් ඔහුගේ දෑසේ සටහන් වී තිබිණි.
" ඔයා අභිමාන්ගෙන් ඈත් වෙලා ඉන්න. "
" මොකක්... "
මම සිටියේ සිදුවන කිසිවක් වටහාගත නො හැකිවයි. මන් ද මා ඔහුගෙන් ඈත් වීමට කවරදාකවත් සමීප වී සිටියේ නැත. ඔහු පවසන්නේ මා ශිෂ්යභට කණ්ඩය ද හැර යා යුතු බව ද?....
" නිකන් ප්රශ්න ඇතිකරගන්න ඕනි නැහැ ශේන්. "
" පොඩ්ඩක් ඉන්න අයියේ. ඔයා කියන්නේ මට ප්ලැටූන් එකෙන් අයින් වෙන්න කියල ද? "
යශේන් අයියා ක්ෂණික ව මාගේ මුහුණ දෙස බැළුවේ වික්ෂිප්තවයි. ඔහු හිස සැළී ය.
" නැහැ... නැහැ ශේන්. වැරදියට තේරුම් ගන්න එපා. මම ඒ වගේ දෙයක් නෙමෙයි කියන්න උත්සහ කළේ... ඒත් ප්ලැටූන් එක ඇතුලේ ඉද්දී විනය තියාගන්න ඕනි. "
" මට කියන්නේ... ඕක සාජන්ට කියන්න්කො."
ඔහුගේ දෑස් විස්මයෙන් මහත් විය. තරමක කෝපයක් එහි වූවත් ඔහු බැණවැදුනේ නැත.
" කට පරිස්සම් කරගන්නවා ශේන්. ඒ තමුන්ගේ සාජන්! "
" ඉතින් එයා තමයි හැම වෙලේ ම මාව පටලගන්න හදන්නේ... "
යශේන් අයියා දෑස් කුඩා කර බැළුවේ මා පැවසූ දෙය නිසි ලෙස වටහා ගත නො හැකි ආකාරයෙනි.
" එයා තමයි වාතයක් වෙන්නේ හැම වෙලේ ම. අනිත් ළමයි කොච්චර වැරදි කරනව ද... පේන්නේ මගේ වැරදි විතරමයි. දැන් එයාගේ ප්රධාන රාජකාරිය මගේ වැරදි හොයාගෙන මට බණින එක. "
මම ශීඝ්රයෙන් පවසාගෙන ගියේ යශේන් අයියාගේ දෝෂාරෝපණය ඇසීමට ඊළඟ මොහොතේ සූදානම් වෙමිනි. නමුත් ඔහුගේ මුහුණේ සැනසීමක සේයාවක් හා තරමක සන්සුන් බවක් දිස් විය.
ESTÁS LEYENDO
Under the Sky
Romanceලබා දුන්නොත් අවස්ථාවක් ආසයි පෝලින් වෙන්න ආයෙත් වරක් රන්ටැඹේ අහස යට...
