" අද තේ හදන්න යන්න නෙත්මික, ශේන් දෙන්නා! "
" මම... තේ හදන්න.... "
මම ලකීෂ් දෙස ක්ෂණික බැල්මක් හෙළුවේ අසරණවයි. මම තේ සෑදීම තියා වතුර උණු කිරීමට පවා දැන සිටියේ නැත. ලකීෂ් කලබල නො වන ලෙස මා හට සන් කළේ ය. මම අසුන්ගෙන් සිටි ස්ථානයෙන් නැඟීසිට පිට ව යාමට පෙර ලකීෂ් මාගේ සවනත කෙඳිරුවේ ය.
" නෙත්මික දන්නවා කරන්න ඕනි දේ... අවුලක් වෙන්නේ නැහැ... "
මම ඔහුට මා හොඳින් බව හැඟවීම හිස සළා ඉඟිකර නෙත්මික සමඟ ශිෂ්යභට කාමරය වෙත ගමන් ගත්තෙමි. නෙත්මික පැමිණි විගස ම සිදුකළේ ශිෂ්යභට කාමරයේ මුළුතැන්ගෙය එනම් පසුපස ම කොටසට ගොස් වතුර ජෝගුවක් හීටරය දමා රත්වීම පිණිස තැබීමයි. එහි කෙලවරක ම වූ කබඩය විවරකළ ඔහු තේ කොළ, සීනි හා පිටි පිටතට ගත්තේ ය. මා හට සේදීම සඳහා කෝප්ප විසි පහ සමඟ අනෙකුත් භාජන ද ලබා දුන් ඔහු අපිලිවෙළ වී තිබූ කබඩය අස්පස් කරන්නට වූයේ ය.
" එන්න ශේන් තේ හදන්න කියලා දෙන්න. දන්නේ නැහැනේ.. "
මම හිස දෙපසට සොළවමින් නැත යැයි පැවසුවෙමි. ඔහු සිනහසුනේ ය.
" මූණ දැක්ක ම පේනවා බෑ කියලා. "
සරදම් සහගත සිනහවක් මුවෙහි දල්වාගෙන ඔහු මා වෙත විසල් ජෝගුවක් දිගු කළේ ය. මම එය රැගෙන සීනි බෝතලය අනෙක් හස්තයට ගත්තෙමි.
" ඕවා කෙල්ලොන්ගේ වැඩ. "
" සාජන්ට කියන්නකෝ එහෙනම් ගිහින්. "
" ආපෝ ඕනි නැහැ.... ඊට වඩා හොඳයි... හරි දැන් කියන්නකො මේ මගුල හදන්නේ කොහොම ද කියලා. "
" ඉඳහන් වතුර පැහෙනකම්. "
වතුර බුබුලු දමමින් ඉතිරීම ආරම්භකල මොහොතේ ඔහු එයට අඩුම කුඩුම එක් කරන අයුරු පෙන්වා දෙන්නට වූයේ ය.
" ළමයි ගානට හරියන්න සීනි හැඳි ගාණක් දාන්න. තේ කොළ නම් තුන් දෙනෙක්ට එක හැන්දක් විතර ඇති. ආයෙ පිටියි නෙස්ටමෝල්ටුයි දෙන්නෙක්ට එක ගානේ. දාලා කලවම් කරන්න හොඳට. "
" තේ කහට වෙන ම හදන්න ඕනි නැත් ද? මම දැකලා තියනවා අපේ අම්මා එහෙම කරනවා. "
JE LEEST
Under the Sky
Romantiekලබා දුන්නොත් අවස්ථාවක් ආසයි පෝලින් වෙන්න ආයෙත් වරක් රන්ටැඹේ අහස යට...
