"My Shooting Star!"

8. "V"

Nagkabati na si Amira at James kaya maghapon sya nakangiti pero napawi din yun nang magpaalam na naman ito na may meeting sila sa org.
Panatag naman sya kasi kasama nito sa org ang kaibigan nyang si Sarah.

Ito ang mata nya sa boyfriend kung gumagawa ito ng kalokohan.
Kaya hindi sya masyadong nag aalala.

Nakita nya si Candy na nakikipagsiksikan sa mga umpukan kaya inakbayan nya ito.

"Ano meron?" Ngiti nya.

Nilingon sya nito. "Yun 'V' trending na naman. Binuhusan daw ng pintura si Prof. Tibay."

Ang
...'V'??...
sobrang sikat na talaga ng mga ito sa school nila. Pero walang nakakaalam kung sino sila o kung saan sila galing.

Basta nalang sila sumulpot a week ago at wala sila ibang ginawa kundi laglagan ng pintura ang mga teachers na nang aabuso ng nga estudyante o mga estudyante na bully sa kapwa nila estudyante.

At isa sa nabiktima nila ang organization ng boyfriend nya.
Masakit man aminin. Winawaldas kasi ng boyfriend nya at ng kuya Jon kasama ng mga org member ang pondo ng school sa walang makabuluhang bagay. Ninanakawan nila ang school para sa sariling kapa kanan.

Wala naman magagawa yun school kasi everytime na nambibiktima ang 'V' nag automatic shut down ang mga cctv at kahit palitan ay ganun parin.

At si Teacher Tibay?
Pihadong may ginawa ito para parusahan ng 'V'

Tahimik syang umakyat sa 3rd floor dahil doon ang last subject nya for today.

Bibihira na ang mga naglalakad pataas kasi tapos na ang mga ito sa subject maghapon.
Sila lang naman ang umaabot ng matagal kasi pinagkakaperahan pa sila ng teacher nila sa subject na yun.
Nakakainis na!
Pero wala talaga sya natututunan.

Nasa ikalawang palapag na sya ng makarinig sya ng sigaw.

Sigaw ng subject teacher nyang bading.

Pagkalipas ng ilang saglit ay nakasalubong nya ang pababang mga Vocalist. Nakangiti ang mga ito na para bang tuwang tuwa at nagmamadali.

Pinakahuling bumaba ang nakangiting mukha ng kaibigan na sinusuot ang salamin.

"Anong ginawa nyo?" Nakaarko ang kilay na tanong nya rito na nabigla nang makita sya.