اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الحلقه { 6 }
موني: انا فكرت في الموضوع بتاع أنك تكون حرامي اطفال دا ، فا قولت أحنا لسه هنستني لما تكبر احنا نشتغل من دلوقتى
مصطفى : بس انا لسه صغير
موني : مش مهم ، بص انا فكرت في أيه ، احنا نتصل بحد من الحرميه الكبار ونبعلهم حد من اخواتك بطه أو جنى ونبعهم ونكسب فلوس كتير بس انا محتاره أبيع بطه ولا جنى ، ايه رأيك تختار مين ؟
مصطفى : مش عارف
موني : لازم تختار عشان اكلم حرامي كبير و ابعلو حد من أخواتك ، ها انا بقول أختار جنى عشان بتعمل داوشه
مصطفى : لا جنى لسه صغيره ، بيعي بطه
موني : صغيرة . طب نبيع بطه للحرامي وياخدها ويفتح بطنها وتموت ؟
مصطفى : لا
موني : عاوز أختك تموت ؟
مصطفى : "
"
"
لا مش عاوز أختى تموت
موني : طب ايه ابيع جنى ؟
مصطفى : لا أخواتي لا مش عاوزهم يموتو
موني : ليه ما عشان يكون معانا فلوس كتير مش أنته عاوز تكون حرامي اطفال
مصطفى : ما أخواتي هتموت وأنتي مش هتخلفي غيرهم
موني : مش مهم المهم يكون معاك فلوس
مصطفى : لا أخواتي لا ، نبيع أطفال تانيه
موني : اطفال تانيه ؟
مصطفى : أه أخواتي لا
موني : طب ما هما ليهم اخوات برضو وألاطفال دول أمهم هتفضل تعيط لما ولدهم يموتو ، عاوز أمهم واخوات الاطفال دول يعيطه ؟
مصطفى : لا
موني : يبقى يا مصطفى اللي متردهوش لأخواتك مترضهوش على الاطفال والناس التانين ، فاهم يا حبيبي ؟
مصطفى : لا
موني : يعنى اللي انته مش عاوز يحصل في أخواتك مينفعش تخليه يحصل مع الناس التانين
مصطفى : ماشي
موني : يبقى اللي مترضوش على أخواتك ايه ؟
مصطفى : مرضهوش على غيري
