الحلقة { 91 }
علياء : هو احنا فاضيين للمكتب مش ورانا حاجات بنعملها
وسام : ساعتين مش هيفرقه يا ماما
جميل : لا متحملوش هم المكتب انا موجود
عمر : اجوز البنات بس يا جميل وهبقى انزل زي الاول انا بس مش برضى انزل عشان الناس اللي بتوضب فوق
جميل : انا موجود يا حاج ولا انا مش قدها ولا ايه ؟
عمر : هههههه لا قدها وقدود
( وصلت ميريهان وحسام )
ميريهان : السلام عليكم
الجميع : عليكم السلام
جميل : لا متقولوش العريس صح ؟
عمر : اه حسام انت تعرفه ؟
وسام : ( بصت لجميل بس مفهمش )
جميل : اه طبعا مانا شفته اكتر من مره في المكتب
- مبروك يا عريس عقبال ما اشيل عيلكم يا رب انت و ست البنات ( وبص لوسام )
حسام : ( بتردد ) ان شاء الله
عمر : هو حسام جالنا المكتب قبل كدا يا جميل ؟
وسام : ( عماله تبصله بس جميل ولا هو هنا )
جميل : اه اول مره لما كان جاي يسال على العربيه الخضره فاكر يا حاج
عمر : ايه دا هو انت ؟
حسام : اه انا يا عمى
وانت يا جميل ان شاء الله معزوم في فرحي انا و ميريهان
جميل : 😕 نعم فرحك انت والانسه ميريهان ؟ أزاي ؟
وسام : هو ايه اللي ازاي ، زي الناس يا جميل بقولك انت كدا اتأخرت على المكتب
جميل : ايوه بس مش انتي قولتيلي انه
وسام : مانا جيالك بكرا المكتب و هظبط معاك العقود ان شاء الله
عمر : ( بص لحسام وافتكر انه فعلا جاله المكتب بدل المره مرتين و في المرتين كان بيبص على وسام )
جميل : طيب انا همشي بقى و لو عوزت اي حاجه يا حاج كلمني بس هجيلك والله لو في الفجر هجيلك
عمر : الله يخليك يا جميل يابني مع السلامه خلي بالك من نفسك
جميل : السلام عليكم ( ومشي )
ميريهان : استنو لما افرجكم شوفو الانتيكات اللي جبتها
عمر : استني بس يا مي ، هو انت كنت بتيجي المكتب عندي ليه يا حسام ؟
حسام : "
"
" بصراحه يا عمي انا زي مانت عارف كنت بدور عى عروسه فا مي لما اشتغلت مع بابا في السوبر ماركت قالي اروح واسال الاول على الناس اللى هناسبهم والحمد لله شفت حضرتك ووالله اتمنين اني اكون واحد من العيله دي
وحتى حضرتك حتى خت بالك اني وقتها كنت بابص على وسام بصراحه كانت عجباني وكنت هغير رأيي ، بس مي بقى خطفت قلبي الاول
ميريهان : هاااا يعني انت سألت علينا الاول ؟
حسام : بابا السبب والله
انت عارف يا عمي ان بابا من الصعيد واحنا عندنا محدش بيتجوز من باره العيله و لو اتجوز من باره العيله لازم يعرف اصل وفصل العيله اللي هيناسبها ، بابا دماغه كدا بقى اعملو ايه ؟
علياء : اه ما انا بشوف كدا في المسلسلات كل واحد اولي ببنت عمه
ميريهان : ومتجوزتش ليه بنت عمك ان شاء الله ؟
حسام : الاتنين متجوزين اعمل ايه بقى افضل وحداني كدا ؟ اهون عليكي ؟
ميريهان : لا متهونش ههههه
علياء : ربنا يخليلك الحاج والحجه و إمام يا رب
حسام : ويخليكم ليها ما حضرتك زي ماما وعمي زي بابا و وسام بقى اختي
مع اني ماليش اخوات بنات عشت طول عمري واحيد من غير اخوات
وسام : يا ضنايا لا والنبي متقول كدا عشان متصعوبش عليا
ميريهان : ايه رأيك يا ويسو نتبناه ؟
وسام : نتبنه كل دا لا انا اخري اغديه ههههه حسام : شايف يا عمي بيعملو فيه ايه ؟
عمر : معلش استحمل انت لسه شفت حاجه
****(بقلم : هند محمد )****
حسن : يوم 15 يا سالم الفرح تجيب ابوك وامك واخواتك وعماتك وكل العيله وتيجي
سالم : الف بركه يا عمي ، بس مش كان الفرح اتعمل في البلد احسن بدل المرواح والمجي والقاهره بعيده
حسن : معلش بقى اهل العروسه من القاهره و العادات بتقول العريس ياخد العروسته من بيت ابوها
سالم : الف بركه يا عمي والله فرحتله ، بس طمني عروسة حسام حلوه بقى كدا وبيضه ولا شبه الاصناف اللى عندي في البلد ؟
حسن : منجايه يا واد يا سالم منجايه كدا
سالم : النبي في ظهرك يا عمي تشوفلي حاجه كدا منجايه كدا ولا بلاش لو فرولايه ولا حتى اناناسايه كدا هعيش خدامك العمر كلو
حسن : اخلص بس من حسام و هفضالك
