الحلقة { 29 }
( وفعلا علاء كلم وسام واتفقه انهم يتقبله الصبح عشان تبيع لولاء العربيه وتخلص الاتفاق و كام ساعه ووصلت لميس بالسلامه هى وامها وباباها وحسام وكلهم وصله وفي المطار )
لميس : هو علاء فين دانا مأكده عليه انه يجي
أبو بدر : بعدين في العطله دي ؟
حسن : خلاص أركبو معانا و خلاص ما عارف العربيه فاضيه اهه
ام بدر : بس عشان لما نروح مين هيطلعني السلم
عارف : والله دانا جاي مخصوص يا حجه عشانك دانا اطلعك على رموش عيني
حسام : وانا موجود اهو يا طنط ومعاكي
أمام : انتم نستوني ولا ايه ولا اكمني لسه صغير
أم بدر : ههههه يا حبيبي ربنا يديك الصحه ويديني العمر لحد ما اشوفك عريس
حسن : قريب ان شاء الله اول ما يخلص الاعداديه هجوزه على طول
مها : 😡 ( بأنزعاج ) أيه بتقول ايه لا طبعا دا لازم يخلص دراسه الاول انت عاوز تقضي على مستقبله ؟
أم بدر : دا بيهزر يا ام حسام بيهزر هو في حد بيتجوز في الاعداديه دلوقتي ؟
حسن : قوليلها يا ام بدر اني بهزر لحسن هي كل حاجه كدا تاخدها قفش
مها : انا ما بعرفش الهزار دا انا بحب الكلام الجد
أمام : معلش يا تيته بس يعني لو في عروسه حلوه انا ممكن اتجوزها وانا في اعدادي عادي
حسام : لا يا راجل عادي طيب اخد الابتدائيه الاول دانته لسه في 6
أمام : هههههههه بهزر يا بابا بهزر انته على طول بتقفش
حسن : طالع لامه قفوش هههههه
الجميع : ههههههه
حسن : يلا بينا عشان نروح بقى لحسن الواحد نفسه ينام
صابا : ومين سمعك يا عمي دانا هنام ومحدش يصحيني لمدة اسبوع اوعي حد يصحيني
حسام : انا هصحيكي غلاسه
صابا : هقفش عليك
( كلهم ركبه العربيات عشان يروحه بيوتهم )
**** ( بقلم : هند محمد ) ****
( وفي مكتب الشهر العقاري )
علاء : شكرا يا ويسو تعبناكي
وسام : متقولش كدا يا علاء احنا اخوات
ولاء : انا فرحانه اوي بقى عندي عربيه وبأسمي
وسام : مبروك يا لولو ، بس المهم تعرفي تسوقي
ولاء : انا طول الليل سهرانه على الاشارات حفظتها كلها ، السواقه بقى البركه في علاء يعلمني
علاء : هعلمك بس تفتحي مخك عشان مابحبش الغباوه
- المهم خودي يا وسام ٨٠ الف اهم
وسام : ماشي يا علاء شكرا
علاء : ممكن اعرف مين بقى بيتر دا ؟
وسام : دا الظابط اللي كان في
علاء : ( قاطعها ) عارف اللي كان في مدينة الانتاج الاعلامي ودخلك لعمرو اديب
انا بتكلم على ان دا مين عشان يعملك انتي توكيل ويخليكي تبيعيلو عربيته
وسام : عادي يا علاء يعني انا هسرقه ؟ الراجل بيثق فيه
علاء : بيثق فيكي ، يعرفك منين دا عشان يثق فيكي ؟
وسام : في ايه يا علاء أنت بتحقق معايا ؟
علاء : لا بس عاوز اعرف بينك وبينه ايه ؟
وسام : هههههههه بيني وبينه ايه ؟
طب ارد انا عليه بايه دا ؟
علاء : انتم بتكلمه بعض في التليفون ؟
وسام : شئ ميخصكش !
دا غير ان اللي بيحصل دا بيزنس ، واحد عاوز يبيع عربيته انا بعتهالو كلو شغل في شغل وبابا عارف وموافق
علاء : ايوه بس مش المفروض تكلمي حد منعرفهوش
ولاء : انت مش واخد بالك انك في الشارع ؟
علاء : بس اخرسي يا بت
- ردي يا هانم مين بيتر دا وايه اللي بينكم يخليه يعملك توكيل بيع سيارة ويديكي كدا العربيه من غير اي ورق ولا اي حاجه تضمن حقه
وسام : ( غمزة لولاء من غير ما علاء ياخد باله و بأداء تمثيلي مقنع قالتله ) بحبه يا علاء وبيحبني
علاء : نعم ؟ بيحبك ؟
وسام : اه بحبه بحب بيتر فيها ايه ؟
علاء : انتي مدركه اللي انتي بتقوليه دا ؟
وسام : ايوه مدركه ؟ وزي ما بقولك ، انا بحب بيتر وهو كمان بيحبني ، وسلام بقى عشان انا مش فاضيه ( وسابته هو وولاء واقف في الشارع وركبت عربيتها ومشية )
علاء : ( وهو متنح ) وسام عمر ازاي تحب بيتر حنا ؟
- بت يا ولاء هو دا ينفع ؟
ولاء : والله يا علاء الحب مايعرفش مستحيل
علاء : ( بانفعال ) الحب ميعرفش ايه ياختي ، مستحيل دانا هنفخك انتي وهي
اركبي وديني لهقول لابوها
( ركبه هما الاتنين العربيه الجديده )
**** ( بقلم : هند محمد ) ****
( وسام في العربيه وبتكلم بيتر على الفون والسماعات في ودانها )
وسام : ههههههه والله يا بيتر زي ما بقولك كدا اول ما قولتله اني بحبك وشه جاب الوان بيتر : يا بنت اللذينه ، طب ليه المشاكل ؟
وسام : واحد غبي مبيفهمش يعني ايه صداقه وثقه وامانه مشتغلوش ليه ؟
بيتر : بس كدا ممكن يعملك مشاكل في البيت
وسام : لا متقلقش دا لو حد عرف في البيت عندي هيفطسه من الضحك عليه ، وبعدين انا غامزة لولاء وهي فهمتني
بيتر : انتي ادري باهل بيتك ، المهم ان العربيه الحمد لله اتباعت
وسام : اه الحمد لله ، هتيجي تاخد الفلوس أمتى ؟
بيتر : والله يا وسام ما فاضي خالص اليومين دول
وسام : طب احولك الفلوس دي على حسابك في البنك ؟
بيتر : الله اكبر ايه الدماغ دي
- بصي هبعتلك رقم الحساب بتاعي على الواتس تحوليلي عليه المبلغ بس طبعا اخصمي منه مكسبك
وسام : مكسبي ؟ لا يا سيدي مش عاوزه مكسب
بيتر : لا اسمعي دا شغل والشغل له حسابات اخرى
وسام : يابني افهم انتى زي اخويا هاخد مكسب من اخويا
بيتر : وتخدي مكسب من ابوكي كمان مش بتشتغلي يبقى حقك
بصي انتي بعتيها ب 80 الف يبقى ليكي مكسب ااااا 5%
وسام : و 5% دول يبقو كام بقى معلش اصلي انا كنت ادبي
**** ( بقلم : هند محمد ) ****
حسن : اخيرا وصلنا بيتنا
مها : اه اخيرا بس دا مش بيتك اوي يعني
حسن : الله مش بيت أبني و ام ابني ومراتي فيما سوف يكون يبقى بيتي
مها : ( طلعة موبايلها من الشنطه ) هااااا ايه دا دا النت مش شغال
أمام : انا هعمل رستارت للروتر ( بعد ما أمام عمل رستارت ) ها رجع ؟
مها : يوووو يووووو يووووو لا مرجعش
حسام : تقريبا محتاج ادفع الاشتراك
مها : طب انزل ادفعه
حسام : ماما انا لسه راجع وتعبان
مها : لا دانا قيمه صحيه نايمه بحلم بالحلقات حسن : وهو لازم يعني النهارده ؟
مها : اه لازم ، انزل ادفع الاشتراك يا حسام
حسام : والله ما قادر يا ماما
صابا : طب ما حد يكلم خدمة العملاء يرجعه الخدمه عقبال ما ندفع
حسام : لا انا عندي اروح السلوم ولا اني اكلم خدمة العملاء ههههه
حسن : خلاص خلاص كلم عارف وقوله يروح يدفع هو
حسام : انا مش معايا رقمه
أمام : انا معايا هكلمه ، الو
**** ( بقلم : هند محمد ) ****
علاء : انتي هتتخنقي معايا ولا ايه ؟
لميس : انا مش بتخانق بس المفروض انت عارف ان ماما تعبانه وان أحنا جايين من سفر كنت تيجي مش تقولي الوقت سرقني
علاء : قولتلك كنت في الشهر العقاري ومفضتش اعمل ايه يعني ؟
وبعدين انا كنت هاجي اعمل ايه ؟
لميس : يعني مش عارف ليه ؟
علاء : لا مش عارف
لميس : طيب تمام متشكره اوي بجد
علاء : العفو يا حبيبتي
الو الو
الو
- ايه دا هي قفلت في وشي
ماشي ، اخلص بس على ست وسام هانم وبعد كدا افضالك
**** ( بقلم : هند محمد ) ****
مها : الحمد لله النت رجع
حسام : ماما طب انا جعان
مها : المطبخ اهو اتصرف انته هاااااا ايه دا
صابا : ايه في ايه ؟
مها : دا مكتوب الحلقه الاخيرة
حسن : دانتي فاتك كتير بقى
حسام : تعالي ناكل الاول وبعد كدا نقراها سوى
مها : لا أنا مش جعانه انا هدخل اقرا الحلقات في الاوضه ومش عاوزه داوشه ومحدش يخبط عليا
تمام ؟
الجميع : تمام
( داخلت مها اوضتها تقرا الحلقات و صابا و حسام وأمام و حسن بيحضرو حاجه يكلوها )
**** ( بقلم : هند محمد ) ****
( مها قعده على السرير ومركزه في الموبايل وبدأت تقرا )
**** ( بقلم : هند محمد ) ****
**** ( بقلم : وسام الحريري ) ****
الفصل الثامن عشر
#حكاية_سمر
