الحلقة { 58 }
صابا : تتأكدي من ايه بس ، بتعملي ايه يا جوجو بطلي شقاوه
جنى : ( ماسكه ذراع صابا و بتقلب في الانسيال اللي لبساه صابا ) استني لما أشوف
عمرو : جوجو تعالي هنا مديقيش طنط ( وقام عشان ياخودها شاف الانسيال فا شد جنى بسرعه ) تعالي هنا يلا نطلع فوق ننام
جنى : استني بس طنط لبسه
عمرو : ( شالها وقفل بقها وطلع بسها على الغرفه )
علاء : ( بص لذراع صابا ) مالو الانسيال دا ؟
صابا : ( بتردد ) اااا معرفش
علاء : مش قولنا منخبيش حاجه على بعض مهما كانت ؟
صابا : ااا طب هقولك
**** ( بقلم : هند محمد ) ****
( في اوضة وسام ، ونايمه على سريرها هي بتحاول تتصل بحسام وهو مش بيرد و بتحاول تبعتلو رسايل على الواتس و بيشوف الرسايل ومش بيرد )
وسام : ( وهي بتكلم نفسها من غير صوت )
الله هو مش بيرد ليه ؟
ليكون نايم ، بس نايم ايه دانا كلمته كذا مره وبعدين دا بيشوف الرسايل على الواتس معنى كدا انه صاحي
الله يووو ليكون مع بنات ؟ دانا اقتله
( بعتتله رساله 💌 《 حسام طمني عليك انت تعبان ولا معاك حد 》
"
"
"
الله شاف الرساله ومردش برضو ؟
( بعتتلو رساله تاني 💌 《 حسام انت معاك بنات و خايف تكلمني ؟ 》
الله شاف الرساله ومردش برضو
الله هو انا عملت حاجه دايقته ولا ايه ؟
( 💌 《 حسام انا هنام تصبح على خير 《
( قفلت الموبايل و اتغطت ونامت )
**** ( بقلم : هند محمد ) ****
( عمرو قاعد مع ولاده في الاوضه )
عمرو : اخر كلمه هقولها مش عاوز شقاوه وخصوصا انتي و الأ هضربي يا جنى
جنى : ( صعب عليها وراحت معيطه )
عمرو : انتي بتعيطي ليه دلوقتي انا جيت جنبك ؟
جنى : مانت بتزعقلي وانت عارف ان انا حساسه ، و اقل حاجه بتخليني اعيط
عمرو : عندك دم اوي الصراحه
( الباب خبط )
عمرو : افتح يا مصطفى
مصطفى : حاضر ( فتح الباب ) انكل علاء حبيبي اتفضل
علاء : حاضر يا حبيبي بابا فين ؟
مصطفى : جوه بابا بابا انكل علاء عاوزك
عمرو : تعالي يا علاء
علاء : لا تعالى عاوزك في كلمه
عمرو : ( جالو على الباب ) ادخل انت
مصطفى : حاضر ( ودخل )
عمرو : خير يا حبيبي
علاء : اتفضل انسيال الحجه
عمرو : علاء والله العظيم انا مفيش بيتي وبينها حاجه
علاء : يا عم متأفلمش انا عارف وفاهم كل حاجه
عمرو : بس يعني الانسيال بتاع صابا
علاء : لا مش بتاعها مامتك قالت لما تتجوز هتديه لمراتك وانت مراتك موني ، لما تيجي بأذن الله تبقى ادهولها
عمرو : يعني صابا مش هتزعل منك وتعملك مشاكل ؟
علاء : وتزعل ليه ما هي عندها دهب اد كدا ، دا غير الشبكه الالماظ اللي انا جايبهالها ودافع فيها دم قلبي
**** ( بقلم : هند محمد ) ****
صابا : ادتلو الانسيال ؟
علاء : اه طبعا مش بتاع امه ؟
صابا : لا دا بتاعي انا
علاء : لا امه قالتلو لما تتجوز هتديه لمراته ، انتي مراته ؟
صابا : لا انا مراتك انت
علاء : خلاص يبقى بناقص مانتي عندك كتير
وبعدين انا زوج اسبور مش قورني ها عارفه الفرق ؟
صابا : عارفه
علاء : يبقى نتكتم
تصبحي على خير
صابا : انت هتنام ؟
علاء : اه تصبحي على خير
**** ( بقلم : هند محمد ) ****
( وتاني يوم الصبح بدري )
مها : ( بتفطر هي وحسن وهي وهو بيتمرجحه على المرجيحه )
فاكر يا حسن جبنا المرجيحه دي امتي ؟
حسن : اه طبعا قولتيلي بليل نفسي افطر وانا بتمرجح تاني يوم الصبح قبل ما تصحي نزلت تشتارتها وفطيرنا واحنا عليها
مها : ربنا يخلك ليه كل ما اطلب طلب تعملهولي
حسن : ويخليكي ليه ، هههه فاكره لما كنتي بتشربي الشاي و الشاي وقع عليكي ههههه
مها : امك السبب جات من ورايا وراحت زقتني جامد بالمرجيحه كنت هتحرق من الشاي ، ( بسخريه ) الله يرحمها كانت بتحبني
حسن : وانتي كنتي بتعشقيها الصراحه
مها : من القلب للقلب
اه صح انت اخواتك فين عبد السلام و بهية ونبويه و و ااااا
هي الصغيره كان اسمها ايه ؟
حسن : مناظر
مها : اه صح مناظر ، هما فين مشفتهمش يعني ؟
حسن : كل واحد فيهم في بيته و في عياله
مها : ايه رأيك نعزمهم النهارده على الغدا ؟
حسن : لا بلاش انتي مش بتحبيهم و انا مش عاوز مشاكل
مها : لا والله بحبهم ، هي المشكله في امك اللي كانت بتقول عليه مغروره و مناخيري في السما وكانت بتكرهم فيه
حسن : طب احلفي انك بتحبيهم ؟
مها : طب والله بحبهم وحيات إمام بحبهم
_ اه صح انت ايه اللي بتعملو مع إمام دا ، كل طلب يطلبه منك تقوله حاضر ؟
حسن : الله هو بيطلب حاجه غلط ولا حرام ؟
وبعدين الواد عاوز يكبر و يعمل خير وانا حابب فيه الحته دي وعاوز اكبرو في البلد وأعملو اسم
مها : ليه ان شاء الله ؟
حسن : عشان لما يكبر هدخله مجلس الشعب وساعتها يكون عندو قاعدة جماهيرية كبيره وينجح و بأكتساح
مها : دا لسه 12 سنه ؟
حسن : دا جيل سابق سنه وفاهم كل حاجه
دا بيقولي حاجات انا معرفهاش
**** ( بقلم : هند محمد ) ****
( وسام قعده بين العيله بتاعتها على البحر ولاكن عقلها في مكان تاني خالص وعماله تفكر )
وسام : 《 وهي بتكلم نفسها ) طب هو بيشوف الرساله ومش بيرد ليه ؟
يووو ليكون عيان او معه بنات او ليكون فكر تاني وبيتهرب مني
ممكن أيه لا ما هو قالي ان البيت عندو عارف انه بيحبني وطلعت صابا متعرفش
- معقول يكون كان بيتسلى بيه ؟
لا بلاش اظلمه ممكن يكون عيان
طب انا عاوزه اطمن عليه اعمل ايه ؟
"
"
،
( باصت لصابا اللي بتجهز عشان تنزل البحر هي وعلاء )
- طب والله فكره
( اول ما صابا نزلت البحر هي وعلاء وسام قامت واخدت الموبايل بتاع صابا من غير ما حد ياخد بالو وقالت لعلياء ) ماما انا هروح الحمام
علياء : ماشي روحي
ميريهان : اجي معاكي ؟
وسام : لا انا هروح الحمام القريب دا مش هروح الاوضه
( وسابتهم وبعدت عن انظارهم وراحت الفندق و بعتت لحسام رساله على الواتس من بتاع صابا )
💌 صباح الخير يا حسام عامل ايه النهارده ؟
حسام : ( شاف الرساله ) 💌 الحمد لله يا صابا
وسام : ( وهي بتكلم نفسها ) الله طب ما هو بيرد اهو ( بعتتلو رساله تاني )
💌 مالك حسه انك مش تمام ؟
حسام : 💌 مكتائب وحيران و في دماغي الف حاجه
وسام : 💌 ليه خير ؟ عمتي فيها حاجه او عمي ؟
حسام : 💌 انا بقالي فتره بكلم وسام الحريري وبحاول اتقرب واتعرف عليها
