اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الحلقة { 13 }
علاء : ( وعلى الموبايل ) أنتي صاحيه
وسام : اه انته عارف انا بصلي الفجر وبنام
علاء : كنت عاوز أسألك سؤال كدا بس مش عارف
وسام : سؤال ايه ؟
علاء : وسام هو انتي تقبلي تكوني زوجه تانيه ؟
وسام : "
"
"
"
علاء : كل دا تفكير ؟
وسام : لازم أفكر يا علاء كويس قبل ما انطق كلمه
علاء : ليه ؟
وسام : أعمل أيه مانته أبن خالي وأكبر مني وعيب أوي لما أشتمك وأمرمط بكرامتك الارض وأمسح بيك البركيه
علاء : ليه دا كلو يعني انا قولتلك حاجه ؟
وسام : بص يا علاء انا اعنس ، أعيش العمر كلو لوحدي زي قرد قطع كدا ولا أني اتجوز واحد متجوز أو أسمح لجوزي يتجوز عليا
علاء : بس دا شرع ربنا
وسام : سيدنا علي راح لسيدنا محمد وقاله انه عاوز يتجوز على ستنا فاطمه النبي قاله لا ، تفتكر النبي كدا بيخالف الشرع ؟
علاء : "
"
"
"
وسام : ما ترد ولا هو لسان وخلاص عاوز تلبس الشرع في كل أفكركم الغلط و شهوتكم
علاء : هو انتي ليه يا بت انتي لسانك طويل ؟
وسام : طويل ولا قصير كلامي صح ولا لا
علاء : خلاص خلصنا ، وبعدين انا ماحبش اللي يقعد يقف قدامي كلمه بكلمه ؟
وسام : لا اله الا الله ، أومال انته عاوزني تقولي الكلام أقولك حاضر يا سيدي أفعل ما تشاء ، لا يا علاء مش انا يا حبيبي
**** ( بقلم : هند محمد ) ****
( وبعد الفجر )
عمرو : حراما
موني : جامعا أن شاء الله
عمرو : هتوحشيني أوي
موني : وانت كمان ياعمرو ، خلي بالك من نفسك ومن العيال ، ومن ماما
