الحلقة { 56 }
مها : انا متفجأة من كلامك
حسن : هو انا بقول كلام غلط ولا بتبلى عليه استغفر الله العظيم ؟
- اهو شايفه القصص اللي انتي مديهالي بأديكي و اللي هي كتباها بأديها بتشتم و مطلعه الحموات مفتاريين وولاد 60 × 70
سواء ام بيتر و لا أبو بتول ، صح ولا انا راجل مفتري ؟
مها : لا صح بس دا واقع والقصص دي هي كاتبه ان دي قصص حقيقيه
حسن : الف حمد وشكر ليك يا رب ، اديكي قولتي بلسانك قصص حقيقيه ، تقدري تقوليلي هي عرفت قصة بيتر دا منين و متقوليليش مش من بتول ، لان بتول الله يرحمها
مها : ممكن تكون عرفت من بيتر
او من ساره اخته
حسن : تفتكري في بنت هطلع امها حمه مفتريه كدا ؟
مها : لا طبعا
حسن : يبقى بالدماغ كدا هي عرفت القصه من بيتر ، يعني البنت دي بتكلم رجاله وتفضل تحكي وتتحاكى وتعرف الحكايات بالتفاصيل ، عاوزه تجوزي ابنك لوحده بتكلم رجاله ؟
مها : على الاقل دي متعلمه و فنانه مش زي الجوازه اللي انت جوزتهالو
حسن : منال عمرها ما كلمت حد غريب دي اتجوزت حسام وهي 16 سنه يعني تعتبر عيله صغيره دا غير انها كانت طوع و كلمت نعم وحاضر على لسانها طول الوقت
مش اللي كاتبه كلام ابيح و إيحاءات جنسية
مها : فين دا بس يا حسن ؟
حسن : تقدري يا مها تقوليلى البلالين المفسيه دي تقصد بيها أيه ؟
مها : اااااا اصلك انت مش واخد بالك عمرو دي قليل الادب و كلامه مش محترم
حسن : طيب خليني معاكي للاخر ، تقدري تقوليلي الهانم الفنانه عرفت الكلام الابيح دا منين ؟
مها : اكيد من سمر
حسن : الله ينور عليكي يعني الهانم بتقعد وبتكلم ستات في كلام ابيح
لالا يا مها انا مش موافق على الجوازه دي
مها : بس انا عجباني وحسه اني بحبها وهرتاح معاها
حسن : عشان طيبه و ملكيش خبره في الناس
يا مها دي معقده من اهل الزوج شوفي مطلعه عزه و سماح ومحمود ازاي
دي من جبروتها وعدم احترمها لاهل الزوج كاتبه ان اخو جوزها بياكل من اكلهم وهما مش موجودين
بقى بذمتك و دينك وعفيتك دا كلام يدخل عقل عيل صغير ؟
مها : ما يمكن كلام حصل فعلا
حسن : طب انا هقولك عشان تجيب النهيه
انا هعزمها هي و انتي و حسام و إمام على العشا عندنا في الشقه و نتعرف عليها
مها : وانا واثقه انك هتغير فكرتك عنها و هتحبها و بنفسك هتروح تخطبها
حسن : ولو اثبتلك ان هي بنت جريئه و لسنها طويل و معقده هتعملي ايه ؟
مها : هسمع كلامك
حسن : خلاص اتفقنا
قومي يلا لمي الشنط
مها : ما لسه بكرا ؟
حسن : عشان منكنش مربوكين و ننسي حاجات
مها : صح عندك حق انا هقوم الم الحاجه اللي مش هنستخدمها بكرا
حسن : وانا هروح أشوف إمام
**** ( بقلم : هند محمد ) ****
وسام : حرام عليك يا حسام دانا ما بصدق اروح البحر عشان انزل اعوم شويه
حسام : كنتي بتنزلي مع لؤي دلوقتي لؤي في اليابان يبقى هتنزلي مع مين ؟
وسام : يابان هههه 😄 ممكن مع مي اختي و ولاء بنت خالي
حسام : لا ومي كمان متنزلش
وسام : كمان مي لا ليه بقى ؟
حسام : انا دلوقتي في مقام اخوكم و مي هي اختي الصغيره متنفعش تنزل لوحدها كدا
وسام : يعني لما نتجوز انت هتبقى الراجل بتاعي انا ومي ؟
حسام : عندك اعتراض ؟
وسام : لا خاااالص ههههه
حسام : اه كل ما أجي اقولك انسي
وسام : ايه ؟
حسام : باس ورد الفيس فين ؟
وسام : ليه ؟
حسام : هو ايه اللي ليه انا جوزك يا مدام
وسام : لا يحبيبي احنا لسه متخطبناش
حسام : بس انا بقى بعتبرك مراتي وام ميدو كمان
وسام : ميدو ، ميدو مين ؟
حسام : ابننا يا روحي ، احنا هنجيب ولد نسميه احمد ويبقى اسمه احمد حسام على اسم ميدو كبتن الكوره
وسام : اها ماشي انا موفقه
حسام : بسرعه كدا موفقه طب اتلمضي شويه اعترضي
وسام : لا اصل احمد حسام زملكاوي زايي فا انا اطول لما ابني حبيبي يطلع زي ميدو
حسام : على فكره انا اهلاوي ها
وسام : ومالو هو في احسن من ان يكون في البيت فرقتين ضد بعض
حسام : شكل البيت عندك كلو زملكاويه و عاوزه تنتقمي مني هههههه
وسام : لا والله انا هحكيلك ، انا بابا وماما ملهمش في الكوره خالص ، ولؤي اخويا وهو صغير كان اهلاوي ولما يكون في ماتش كان يفضل زعلان وهو بيتفرج لوحدو في الشقه وكدا فا مره قال لبابا انا عاوز انزل القهوه اتفرج على الماتش فا بابا قالو ماشي انزل بس ارجع على طول بعد ما تخلص
فا نزل ورجع مضروب
حسام : ههههههه مين ضربه ؟
وسام : المشاجعين في القهوه نزوله ضرب في بعض
المهم ماما قالت مفيش نزول تاني
بعد كام يوم الاهلي لعب تاني لؤي فضل يتحايل على ماما وبابا انه ينزل يتفرج وطبعا مارضيوش ، فانا بقى صعب عليا قولتلو انا هتفرج معاك متزعلش و قعدت اتفرج وقتها بقى كان الاهلي والزمالك
فا عشان لؤي بيشجع الاهلي انا قولتلو انا هشجع الزمالك عشان يبقى في روح التنافس ويحب القعده في البيت وفضلت اشجع الزمالك و عملتلو بقى فشار و جبنا لب وسوداني وفضلنا نتفرج ونشجع و الحمد لله الزمالك كسبت وقتها بقى حبيت الكوره و باقيت اتابع بقى انا وهو
حسام : تمام حلو اوي لما تنجوز نبقى نتفرج احنا التلاته على فكرة إمام زملكاوي
وسام : حبيب مامي ايوه كدا
خلاص اعمل حسابك كل المتشات هنتفرج سوي والفريق الكسبان فينا هيحكم على الخسران
حسام : حلو اوي الكلام دا يا ام ميدو بس يا رب تبقى قدو
- بس على فكره انا مش عبيط فين باس ورد الفيس ؟
وسام : مصمم يعني ؟
حسام : اه طبعا
وسام : طب بس انا في بنات كتير بتكلمني و بيتبعتلي رسايل وصور
حسام : انا مالي بالبنات ؟
وسام : اومال انته عاوز الباس ورد ليه ؟
حسام : عادي لازم اخودها مش انا جوزك
وسام : ماشي يا حسام خد الباس ورد مش مشكله بس بالله عليك ماتردش على ولا رساله من اللي هتجيلي عشان متكرهش الفانز فيه
حسام : حاضر حاتي بقى
وسام : حاضر
**** ( بقلم : هند محمد ) ****
( وتاني يوم )
علياء : ايه اخرك كدا ؟
ميريهان : الهانم يا ماما هي اللي اخرتني قال ايه لازم عشان بكره العيد اعمل لها لسته بأسامي الناس اللى هتاخد اللحمه بكرا وعوزانا بكرا نيجي بدري
وسام : ومقولتلهاش ليه انك مسفره
ميريهان : مانا قولتلها ويارتني ما قولت
علياء : ليه عملتلك ايه ؟
ميريهان : شغالتلي نغمت الحرمان وفضلت تبكي وتولول على عربيتها المسروقه
وسام : ههههه وايه العلاقه السفر بالعربيه المسروقه ؟
ميريهان : ما هي كانت بتسافر بالعربيه ، وعماله تولول بقى على الاقساط بتاعت العربيه
علياء : سبكم من الرغي دا قومه يلا ننضف الشقه
وسام : ما هي نضيفه يا ماما
علياء : فين نضيفه دي ، دي كلها تراب
ميريهان : وسام يا حبيبتي هنتكلم ونتعب قلبنا وفي الاخر هنضف ، يبقى نشتغل واحنا سكتين احسن
وسام : حاضر انا هقوم اعمل النيش
ميريهان : وانا هنضف الاوض
علياء : وانا هدخل اعمل المطبخ والفطار عشان المغرب قرب ياذن
( كل واحده منهم عملت حاجه و وسان بتعمل النيش بيتر اتصل بيها )
بيتر : الو
وسام : الو ازايك ؟
بيتر : الحمد لله ، كل سنه وانتي طيبه
وسام : وانت طيب وبخير وسلامه يا رب
بيتر : اخبار الخروف ايه ؟
وسام : ماجبناش السنادي عشان لؤي مش معانا فا بابا قال هينزل يشتري لحمه و يوزعها وخلاص
بيتر : امممم أكيد باباكي لوحدو مش هيقدر على الدبح والحاجات دي لوحدو
وسام : اه لؤي هو اللي كان بيقف مع الجزار و يوزع هو على الناس وكدا
بيتر : طب مين دلوقتي هيوزع مع باباك
وسام : جميل اللي شغال في المكتب
بيتر : امممم تمام
اه صح اختك عملت ايه مع صاحبت الجمعيه ؟
وسام : ولا حاجه هتعمل ايه يعني ؟
بيتر : انا ممكن اخلص لها حوار الخدمه العامه دا
وسام : ايه دا بجد يعني هتنقلها مكان تاني ؟
بيتر : لا هخلص لها الورق بقولك يعني كائنها خلاصت الخدمه خالص
وسام : بس كدا يبقى يبقى وسطه و محسوبيه ؟
بيتر : لا دي اسمها تعاون و خدمه من اخ لأخته الصغيره ، هو انا مش زي اخوكي انتي و مريهان ولا ايه ؟
وسام : الله عالم يا بيتر والله انا بحبك اد ايه
بيتر : مش اكتر مني على فكره ، يلا قوليلي اختك اسمها ايه بالكامل
وسام : معاك ورقه وقلم ؟
**** ( بقلم : هند محمد ) ****
حسام : دي هتسافر بكرا يا بابا
حسن : مسفره ؟ لوحدها ؟
حسام : لا مع العيله
حسن : اه طيب هترجع امته ؟
حسام : بعد العيد
حسن : طيب قولها ان انا وامك عوزين نشوفها و كمان عزمنها على العشا
حسام : طب يا بابا مش نروح نخطبها الاول ؟
حسن : لا نتعرف عليها وهي تتعرف علينا الاول ، ولا ايه ؟
حسام : خلاص اللي تشوفه ، حاضر هقولها
**** ( بقلم : هند محمد ) ****
ولاء : فضلتو تقولولي استني استني لحد ما الجامعه بعد العيد و ومنزلتش جبت لبس و حاجات
أمل : احنا في ايه ولا في ايه ، مش كنا ملبوخين في مشاكل اخوكي
و جوازته
ولاء : بصي عشان تبقى عارفه انا بعد ما ارجع من الساحل هنزل اشتري وماليش داعوه بحد مش هستني وسام ولا ميريهان
أمل : اعملي اللي تعمليه متخوتنيش
ولاء : مالك في ايه زعلانه ليه ؟
أمل : هو صعب عليا يا ولاء العيد يعدي عليا كدا و أخوكي مش معانا ؟
ولاء : طب علاء معانا هنا في البلد و ممكن بتليفون تقوليلو تعاله هيجي ، اومال عمتي علياء تعمل ايه اللي لؤي مش عارفين هو فين ولا بيعمل ايه ولا هيرجع امتى ؟
أمل : ربنا يصبرها دانا لو مكانها وابني اتخطف و سفره الفضاء كدا كنت اموت ، دا سبحان الله اللي مصبرها
**** ( بقلم : هند محمد ) ****
وسام : عشا ؟
لا صعب هقول لبابا ايه ؟
حسام : عادي قوليلو معزومه على العشا فيها ايه ؟
وسام : ما هو هيسألني مين عزمك ومين دول وعزمينك ليه
حسام : قوليلهم الحقيقه ، وقوليلهم اني هاجي اخطبك بعد العزومه دي
وسام : قولتلك قبل كدا مش هقول حاجه لبابا و ماما غير و انا واثقه انك جاي البيت
حسام : الله طب انتي ايه اللي مخليكي مش واثقه ؟
وسام : باباك و مامتك عوزين يعزموني على العشا عشام يشفوني ويتعرفه عليا ، فا وارد جدا معجبهمش ساعتها بقى اعلق بابا وماما وافرحهم وبعد كدا انكد عليهم ؟
حسام : انتي شكاكه كدا ليه و مش واثقه فيه ليه ؟
وسام : حسام من فضلك متضغطش عليا
انا اتجرح ماشي ازعل مش مشكله انام معيطه مش اشكال لاكن ماما وبابا لا
حسام : للدرجادي شيفاني سمسمه ؟
انا راجل اوي على فكره ولما بقول الكلمه هي الكلمه
وسام : ماشي تمام مختلفناش بس مش هقول حاجه لماما وبابا غير وانت معاك باباك و مامتك و جايين في الطريق
حسام : الطريق ؟
اه صح انتي عنوانك ايه انا لحد دلوقتي معرفش انتي سكنه فين ؟
وسام : مانا قيلالك اني سكنه في مدينة نصر
حسام : هي مدينة نصر دي اوضه وصاله دي كبيره جدا
وسام : وانته جاي تخطبني هبقى اقولك العنوان
حسام : دا عدم ثقه ولا ايه ؟
وسام : دا غموض ههههههه
وبعدين يا حسومتي لو انا مش واثقه فيك يبقى اديك الباس ورد بتاع الفيس بتاعي ليه ؟
حسام : فكرتيني صحيح ؟ انتي تعرفي عمرو مدبولي منين ؟
وسام : ايه اد انت داخلت على الاصدقاء ؟
حسام : اه طبعا و لقيتك ضايفه ناس كتير اوي
تعرفي منين عمرو دا بقى ؟
وسام : ما عمرو دا جوز بنت عمتي
حسام : بنت عمتك اللي مسفره مع لؤي ؟
وسام : اه هي دي مانا معنديش بنت عمه غيرها
حسام : طب علاء صفوت ؟
وسام : دا ابن خالي
حسام : سبحان الله هههه
وسام : ليه هو انت تعرفهم ؟
حسام : اه اعرفهم
وسام : تعرفهم منين ؟
حسام : عمرو كان صديق من ايام الجامعه
وسام : عمرو كان جامعة القاهره و انت الجامعه الامريكيه ازاي بقى كنتم اصحاب ؟
حسام : ااااا كنا اصحاب في الااااا
وسام : شكلك هتكدب ، لو هتكدب يبقى متقولش
حسام : اوك
وسام : اوك ايه ؟
حسام : مش هقول
وسام : ماشي برحتك ، انا هقفل بقى عشان عندي مشوار طويل بكرا
حسام : ايه دا انتي اللي بتسوقي ؟
وسام : لا اختي اللي بتسوق او بابا بس يعني ممكن اسوق واريحهم شويه
حسام : طيب خلاص
تصبحي على خير
وسام : وانتي من اهل الخير ، الو الو استني
حسام : ايه خير ؟
وسام : انت تعرف علاء منين ؟
**** ( بقلم : هند محمد ) ****
إمام : كدا بقى العفش هيوصل 5 يوم العيد
مها : انت متأكد ان العفش اللي احنا اخترنه هو دا اللي هيجي
إمام : اه يا تيته طبعا
حسن : طب لو معجبناش الحاجه ندبس فيها ؟
إمام : الله يا جدو مش حضرتك اللي قولت نشتري من على النت
حسن : مانا مستعجل
إمام : متقلقش الحاجه هتطلع حلوه ان شاء الله
مها : ان شاء الله ، المهم الاجهزه
إمام : كلو بالكرتونه والضمان متخفيش ، بصو انتم قلقانين عشان اول مره تشترو الحاجات دي اون لين بس تعرفه بره في امريكا والدول الاروبيه كلو بيشتري اون لين محدش بينزل يلف على المحلات
حسن : لا الواحد لازم يمسك الحاجه كدا ويتأكد من الخامه
إمام : لا ما باره الخامه بتخضع لقياسات وشروط الجوده
حسن : بس احنا في مصر
إمام : طب الغي الاولدرات ؟
حسن : لالا خلاص احنا وبختنا بقى
مها : يلا نقوم ننام عشان الطياره بكرا بدرى إمام : تصبحو على خير
حسن و مها : وانت من اهل الخير
