الحلقة { 54 }
عمر : انتي هتفضلي قعدة كدا ؟
ميريهان : طب اعمل اية ؟
عمر : انزلي قدمي على دراسات عليا
ميريهان : لا
علياء : هو ايه اللي لأ ، هو بكلريوس التجارة اللي انتي واخداه دا هيعملك ايه ؟
ميريهان : ماما انا خات عهد على نفسي بعد ما اخلص الجامعه مذاكرش تاني أبدا ، انا ما صدقت خلاصت
عمر : لازم تطوري نفسك الجامعه واللي انتي دارستيه فيها دا مش كفايا لسوق العمل
ميريهان : لا برضو مش عاوزه اذاكر تاني
وبعدين كفايا عليا الخدمه العامة اللي انا بعملها دانا طالع عيني
عمر : كلها كام شهر و تخلصيها وهتيجي تشتغلي مش هتلاقي شغل
ميريهان : أدعيلي انت وماما وربنا هيكرمني وهلاقي شغل
عمر : ولو مالقتيش هنعمل ايه ساعتها ؟
ميريهان : حاجه من انتين
علياء : اللي هما أيه ؟
ميريهان : واحد ' ان حضرتك تصرف عليا ودا العادي والطبيعي
عمر : امممم و الحل التاني ؟
ميريهان : اتجوز واتستت في البيت وبرضو جوزي يصرف عليا
علياء : تموتي كدا في الانتخه و الرحرحه
ميريهان : طلعالك يا لولو يا قمر
عمر : ههههه اكفي القدره على فمها
علياء : ها ها ها يتدلق الفول منها
ميريهان : هههههه حلوه يا لولو
**** ( بقلم : هند محمد ) ****
صابا : بسرعه كدا يا بابا هتسافر
عزت : انا كنت عاوز استناكي لما ترجعي بس شغلي وشغل جوليا مش هنقدر نسيبه اكتر من كدا
صابا : طب تعالي السخنه قضي معايا كام يوم
عزت : مره تانيه ، انا طيرتي الساعه 11
صابا : اوك يا بابا بدل شغلك مش هقدر أقولك حاجه
عزت : انا هكلمك على طول كل يوم
صابا : ماشي يا بابا
عزت : حصلك اي مشكله او حصل اي خلاف مع علاء كلمي حسام على طول
صابا : حاضر يا بابا انت عارف انا ماليش غير حسام
عزت : تمام اشوف وشك بخير السلام عليكم
صابا : عليكم السلام ( وقفلت المكلمه )
علاء : ( قاعد جنبها وفارد دراعه وراها على الكنبه اللي هما قعدين عليها )
- ايه موضوع حسام دا ؟ باباكي عاوزك تكلمي حسام ليه ؟
صابا : اصله مسافر وبيقولي لو احتاجت حاجه أبقى اكلم حسام
علاء : حسام ؟ وانا ايه ؟ هو ابوكي نسي انك اتجوزتي ؟ يعني لو عوزتي او احتاجتي أي حاجه المفروض انك تطلوبيها مني ؟
صابا : عادي يا علاء
علاء : لا مش عادي ، لازم تعرفي انك مراتي وانا اللي المفروض اكون العفريت اللي طلعلك من الفنوس اللي يحقق كل طلباتك و اومرك
صابا : هههه عفريت ؟ لا متقولش كدا انت زي القمر
علاء : بجد يا بت شيفاني قمر ( وراح محاوطها بدراعو و قرب منها جدا )
صابا : ( وهي بتبص في عينه ) اه طبعا بس ايه بت دي ؟
علاء : بت و وست البنات كمان هو انتي اي حد
دانتي صبصوب يا بت
صابا : ههههه بتحبني بجد ؟
علاء : هو انا كل شويه اثبتلك اني بحبك ؟
اجبلك صحه منين انا ؟ ههههه
صابا : هههه والله ما اقصد كدا على فكره
علاء : بس انا اقصد
ما تيجي
صابا : اجي ايه ؟
علاء : ماتيجي ونجيب مليجي ؟
صابا : لا انا عاوزه بنوته واسميها فيولا
علاء : نجيب فيولا نجيب فلورا المهم نجيب حاجه
**** ( بقلم : هند محمد ) ****
عمر : ها كلمتي عمرو على السفر ؟
وسام : اه يا بابا و كلمت خالو كمان وقالو اوك نروح مطروح
عمر : الله ليه مش قولنا الساحل
ميريهان : نغير يا بابا
وبعدين مطروح فيها خروج وفسح غير الساحل اللي طول الوقت بنبقى على البحر وبس
عمر : بس هنروح مطروح هنقعد فين ؟
وسام : في اي فندق يا بابا او نأجر شقه كبيرة
علياء : اهو البنات حلو المشكله
عمر : احنا لسه هنحجز و نأجر
وسام : متقلقش انا اعرف واحده من الفانز بتوعي عندهم شركة سياحه هخليهم يحجزولنا
عمر : ولزمتها ايه الجمايل بس
وسام : ليه هما هيحجزولنا ببلاش ما كلو بفلوسنا
عمر : طب هتحجزي فندق وغرف ولا شاليه ولا شقه ؟
وسام : مش عارفه
علياء : احجزي شقه كبيره عشان نقعد برحتنا بس متكنش في عماره في الدور العالي
ميريهان : ومتكنش بعيد عن البحر
وسام : ماشي حاضر
عمر : طب ما تكلمي الست اللي قولتي عليها
وسام : لا مش دلوقتي
علياء : الساعه 10 ونص قومي كلميها قبل ما الوقت يتاخر عيب
وسام : لا على 12 كدا
عمر : ليه كدا طيب ؟
وسام : معلش يا بابا خليه يتربى
عمر : هو مين يتربى ؟
وسام : ايه انا قولت ايه
عمر : قولتي خليه يتربى
وسام : لالا دانا اتلخبط ، بص احنا نتعشا و و نشوف كدا وبعد كدا هبقى اكلم الست دي
**** ( بقلم : هند محمد ) ****
( و أمام المطار )
حسام : هتوحشني يا خالي والله
عزت : وانت كمان ، خلي بالك من صابا ها
حسام : في عيني متخفش
جوليا : لازم تجلنا اسبانيا حسام
حسام : ان شاء الله هجلكم
مايكل : باي
حسام : باي
عزت : السلام عليكم
حسام : عليكم السلام
( بعد ما عزت و جوليا و مايكل سافره وحسام ركب عربيته وراجع على البيت حسن كلمه )
حسن : السلام عليكم
حسام : عليكم السلام ، حبيبي واحشني
حسن : وانت كمان ، عمال اكلمك من بدري خطك مشغول على طول ليه ؟
حسام : بكلم واحد صاحبي
حسن : ههههه صاحبك برضو ولا صحبتك ؟
حسام : ههه والله يا بابا انت ظالمني
حسن : شوف أزاي ، المهم عاوزك تروح الشقه تشوف مهندس الديكور عمل ايه
حسام : حاضر
حسن : وكمان روح المحل اللي اشتاريته شوف الراجل خرج الكراكيب و الحاجه بتعته ولا لا
حسام : حاضر
حسن : وعاوزك تروح تشوف شركه حلوه كدا عشان توردلنا المعلابات
حسام : حاااضر
حسن : اه كنت هنسى ، متنساش تروح تدفع مصاريف إمام امك بتفكرك بتاعت المدرسه
حسام : حاضر
حسن : هو كلو حاضر حاضر ، انت فين وبتعمل ايه ؟
حسام : انا في العربيه و مروح على البيت
حسن : طيب انا هقفل و لما تروح ابقى كلمني عشان اقولك على كام حاجه كدا تعملها
حسام : هو لسه فيه حاجات هعملها ؟
حسن : اه طبعا ، كلمني اول ما توصل
حسام : حاضر سلام
( حسام روح على البيت وفضل قاعد كل شويه يشوف الوسام اون لين ولا لا )
**** ( بقلم : هند محمد ) ****
وسام : ( في اوضتها و قفله الباب عليها ) اكلمه ولا لا
انا تقلت كتير اهو وهو لف عليا مدينة نصر كلها عشان يدور عليا
وكمان جبلي ورد
لا انا همسك العصايا من النص العقل بيقول كدا انا هفتح الموبايل وهسيبه هو يكلمني اه صح كدا ( فتحت الموبايل و باقت اون لين فيس وواتس )
ايه دا كل دي رسايل باعتهالي واتس وفيس
- وسام انا اسف
- وسام ردي عليا
- وسام بحبك والله انا بتعذب من غيرك
- وسام انا مش هزعلك تاني وحيات ابني
- ارجوكي ردي عليا
هااااا دا بيتصل
؛ امسكي نفسك كدا وردي بثقه ها متخلهوش يشوف نفسه عليكي
- الو
حسام : اخيرا رديتي ؟
وسام : مش انت السبب
حسام : انتي اللي فهمتيني غلط ؟
وسام : لا بقى انت اللي فهمتني غلط الاول لما فهمت كلامي على إمام ان دي قسوة مرات الاب
حسام : طب ماأنتي قولتيلي يا غبي
وسام : وانت قولتلي يا متربيه
حسام : طب مانتي قولتيلي صح صح وسبتيني و مشيتي ولما جيت اكلمك قولتيلي يا حمار
وسام : مش انت اللي شدتني ووقعتني وبتقولي ضعيفه
حسام : والله ما شديتك دا انا لسه بمسك دراعك وقعتي
وسام : "
"
"
حسام : طب متزعليش انا عصبي و مش بحب حد يقف قصادي راس براس
وسام : وانا مش تابع يا حسام ومتعودتش اقول حاضر واسكت على الاهانه والمعايره
حسام : طب خلاص معلش
وعلى فكره انا لا بعيرك ولا باهينك ، والله انا مش كدا خالص
وسام : بص انا مش بحب النكد و عشان كدا هنسى اللي حصل و كأن محصلش حاجه بس بشرط
حسام : ايه هو ؟
وسام : كل واحد فينا يتعلم من اخطائه وميكررهاش تاني
حسام : ايوه بقى كدا احبك و احطك في عيوني
وسام : عيونك و بس ؟
حسام : عوزاني احطك فين تاني ؟
وسام : في عيونك و في قلبك و في دماغك كمان
حسام : انتي عاوزه تحتاليني بقى ؟
وسام : ههههه لا انا عاوزاك تحبني و اكون رقم واحد عندك
اغلي واحده عندك
حسام : انتي وشطرتك بقى وريني هتحتلي قلبي وعقلي ازاي
وسام : هتشوف
اه صحيح كنت هنسى
مش انت عندك شركة سياحه ؟
حسام : اه
وسام : عوزاك تحجزلي شاليه كبير او شقه كبيرة في مرسى مطروح على العيد
حسام : ااااااا صعب اوي يا وسام لان كل الفنادق محجوزه
وسام : طب شقق او شاليه
حسام : لكام فرد طيب ؟
وسام : استني لما اعد
4 و 4 و 5 و 1 = 14
حسام : ياااه 14 دي العيله بقى
وسام : اه احنا كل عيد او اجازه كبيره بنسافر سوي احنا وخالي وعمتي وطبعا عيالهم معانا
حسام : معاكم بقى رجاله ؟
وسام : بابا و خالي و علاء ابن خالي و دا متجوز يعني اطمن ، و عمرو و دا برضو متجوز
حسام : تصدقي انا ليه معارف نفس الاسم علاء و عمرو
بس عمرو دا كان صاحبي
وسام : زي بدر كدا
حسام : لا بدر دا كان توأم روحي الله يرحمه
وسام : هو مات أزاي
حسام : هقولك ( فضل يحكلها على بدر لحد ما الساعه باقت 2 )
وسام : ياااه كل دي زكريات ؟
حسام : مش من واحنا أطفال ، بس بعد ما منال ماتت مقدرتش بقى افضل في الشقه و نقلت شقه تانيه
وسام : حسام انا نفسي اشوف منال ابعتلي صورتها
حسام : حاضر ( وبعت لها الصوره ) الصوره دي بعد ما اتجوزنا بسنه تقريبا
وسام : انت بتهزر ايه دا دي طفله دي كام عندها كام سنه دي ؟
حسام : 17 سنه
وسام : وهو انت اتجوزتها وهي 16 سنه ؟
حسام : اممممم
وسام : حسام انا الفضول هيقتلني قولي حكايتك بقى من طقطق لسلام عليكم
حسام : عاوزه تعرفي ؟
وسام : اه دانا هموت واعرف
حسام : استنيني بكرا في نفس المعاد واحكيلك ايه حصل
وسام : ههههه انت بتقلدني ؟
حسام : اخد بطار الفانز الغلابه اللي انتي بتبيتيهم على نار يا عيني
وسام : طب احكيلي حته صغيره
حسام : تدفعي كام
وسام : لسه شاريه كرت ب 25 هشحنهولك
حسام : هههههه لا انا مش عاوز فلوس
وسام : طب عاوز ايه ؟
حسام : عاوز اشوفك بكرا
وسام : لا انسى بابا بقى ينزل معايا المكتب مش هعرف أزوغ منه
حسام : يعني مش هشوفك تاني ؟
وسام : مش عارفه بقى مش هعرف ازوغ منه
حسام : اتصرفي بقولك وحشاني وهموت وأشوفك
وسام : طب احكيلي حته كدا عشان اتشجع واعرف ازوغ من بابا
حسام : احكيلك يا ستي ااااا
والله مش عارف ابدء منين
وسام : من البدايا ، انت عرفت منال ازاي ؟
حسام : ابويا اللي عرفهالي انا ماكتش اعرفها
يوم 1999/12/31 ابويا كلمني الصبح وقالي لازم اروحله البلد
قولتله مش هقدر قالي لازم تيجي لحسن البلد هتغرق في بحر دم مش هنخلص منه لسنين قدام
وسام : بحر دم ؟ ليه هو انت عليك تار رلا ايه ؟
حسام : بسم الله ما شاء الله انتي عرفتي منين ؟
وسام : كلامك باين اوي على فكره ، المهم قول بقى وبعدين
حسام : قولتلو انا هحتفل بالالفيه الجديدة في الهرم ومش هقدر أجي
قالي لازم اجي و الا مش هيحصل طيب
فا لما لقيتو بيتكلم بجد فا سافرت في اول قطر من غير حتى ما اقول لماما ووقتها بدر كان معايا مرضاش يسبني لوحدي
روحت البلد انا وبدر لقيت البلد كلها مستنيه في المحطه بالسلاح
وسام : ياااه وبعدين ؟
حسام : الى القاء في الحلقه القادمه
وسام : لا قول بقى بجد
حسام : قبليني بكرا هقولك
وسام : بقى كدا ماشي ، طيب انا هحاول كدا اقبلك بس مش هتاخر
حسام : اوك ، وانا هشوفلك موضوع مرسى مطروح دا
وسام : اوك
حسام : اه معاكي اطفال ؟
وسام : اه 3
حسام : اوك انا هنام بقى لحسن من امبارح مانمتش
وسام : وايه مسهرك ؟
حسام : عيونك اللي مسهراني
وسام : ههه
حسام : بحبك اوي
وسام : وانا كمان بحبك
تصبح على خير
حسام : وانتي من اهل الخير
**** ( بقلم : هند محمد ) ****
( وتاني يوم في المكتب )
عمر : مالك يا وسام ؟
وسام : في حاجات عاوزه اروح اشتريها
عمر : حاجات ايه ؟
وسام : لبس للعيد عاوزه اجيب جزمه و كمان كام طرحه كدا و اجيب حاجات عشان السفر
عمر : هتجيبي الحاجات دي منين ؟
وسام : من المول اللي ورانا
عمر : شويه وهنروح تبقى تروحي انتي واختك
وسام : انا لسه هروح البيت واطلع السلم و انزل تاني ، ما بالمره يا بابا وانا في الشارع كدا تروح واجي بسرعه
عمر : طيب روحي بس متتأخريش
- معاكي فلوس ؟
وسام : بصراحه لا
عمر : طيب خودي دول
وسام : ربنا يخليك ليه يا رب هات بوسه
**** ( بقلم : هند محمد ) ****
حسام : ايه اخرك اما بقالي ربع ساعه
وسام : عقبال ما لقيت حجه اقولها لبابا
حسام : كنتي وحشاني اوي
وسام : ( بكسوف ) وانت كمان كنت واحشني
حسام : يلا بينا عشان نتغدا
وسام : لا انا قولت لبابا اني هشتري حاجات فا لازم اشتري عشان مطلعش كدابه
حسام : يعني هنعمل ايه ؟
وسام : هتلف معايا على المحلات
حسام : ماشي حاضر
وسام : ( وهما بيتمشه في المول ) قولي بقى حكايت امبارح
حسام : حبيبتي انا عاوز اتكلم معاكي افهمك وتغهميني اللي فات هحكهولك بس مش دلوقتي
وسام : انت بتشتغلني يا حسام بتحنسني ؟
حسام : ههههه لا و الله بس انا عاوز احب وسام اعرفها
وبعدين انا عاوز اجي اخطبك
وسام :ايه دا بجد طب احلف ؟
حسام : والله اومال انا بتعرف عليكي ليه ؟
وسام : اه بقى انا عاوزه اعرف ليه ؟
حسام : عشان اتجوزك
وسام : بجد ؟
حسام : هتفضلي متفاجأه كدا كتير ؟
وسام : انا اصلي يعني مش
حسام : ايه ؟
وسام : بصراحه حسه انك غامض و في حاجات كتير عنك معرفهاش
حسام : لو على منال انا يا ستي اتجوزتها وهي 16 سنه زي ما قولتلك ماكنتش اعرفها فضلت سناتين عايش معاها على ان احنا اخوات عشان لسه صغيره لما بقت 18 سنه اتجوزنا من اول شهر حملت وبعد 9 شهور إمام جه وبعد كام شهر هي الله يرحمها وانا بقى فضلت زي مانتي شايفه كدا لوحدي بس هي دي الحكايه
وسام : دي الخطوط العريضه انا عاوزه التفاصيل
او بلاش تفاصيل ممكن شويت اساله كدا
حسام : اتفضلي
وسام : ايام ما كنتم اخوات كنت بتعاملها ازاي ؟
حسام : مش فاهم
وسام : يعني كنت مهتم بيها ولا كنت بتهملها و فين وفين لما تسال عليها ؟
حسام : ( وعينه في الارض ) لا كنت بهملها
وسام : طب هسالك سؤال وترد بصراحه
- ضربتها قبل كدا ؟
حسام : "
"
"
وسام : امممم الاجابه واضحه ، طب كام مره ؟
حسام : والله كنت بصالحه بعدها
بعد ما كنت بعمل كدا كنت ادخل و اصالحها على طول وكنت اخدها واشتريلها كل حاجه نفسها فيها
وسام : ضربتها كتير ؟
حسام : لأ يعني اااااا
وسام : هي كانت بتحبك ؟
حسام : امممم جدا
- وسام انا والله مش وحش بس انا مشكلتي ان مش بحب حد يقف قدامي ، ولا يزعل ماما وهي كانت دائما هي وماما يتخنقه و أكيد انا مش هزعل امي عشانها
بس لما كنت اكون انا وهي لوحدنا كنت برضيها
وسام : انت كدا هتخليني اخاف منك
حسام : انتي حاجه تانيه ، انتي غيرها
انا اخترتك انتي لاكن هي مخترتهاش
وسام : "
"
"
بص انا مش عاوزه اعرف حاجه و متحكليش حاجه ، انا كل اللي يخصني ان هي الله يرحمها ام ابنك
انا مش عاوزه اخاف منك ولا اتعقد من تجربتك معاها ، لان هي حاجه وظروف جوزكم حاجه وانا حاجه تانيه
حسام : هو دا الكلام ، احنا ولاد النهارده
