الحلقه { 72 }
( دخل المكتب حسن وحسام و كانت مها معاهم واقفه ومحتاره )
حسن : قولي يا حسام انت بتحب وسام ؟
حسام : ايه السؤال دا
حسن : رد عليا بس بتحب وسام ؟
حسام : اه بحبها
حسن : وهي بتحبك ؟
حسام : اه طبعا بتحبني
حسام : يعني لو طلبت منها تستناك سنه او سناتين وبعد كدا تتجوزها هتقبل .؟
حسام : سناتين ؟ ليه دا كلو ؟ هكون نفسي مثلا ولا هحوش فلوس الشبكه ؟
حسن : لا هتتجوز واحده تانيه بنت ناس ادب واخلاق و فوق دا كله بنوته مكملتش 23 سنه و عمرها ما حبت ولا اتخطبت و ارتبطة دا غير انها سليمه و صحتها حلوه
هتتجوز ميريهان سنه ولا اتنين و انا بنفسي هروح واخطبلك وسام و تتجوزها زي مانت عاوز
ها قولت ايه ؟
حسام : حضرتك عوزني اتجوز واحده تانيا معرفهاش ولا بحبها عشان اتجوز واحده بحبها ؟ طب ليه ؟
حسن : عشان وسام ربنا يشفيها و يعفيها ممكن تجبلك عيال عيانين زيها
حسام : لا مش عشان اعقتها عشان انت عاوز تمشيني على مزاجك وانا مستحيل اعمل كدا مش ممكن اجرحها ، ودا مسموش جرح دا اسمه دبح
حسن : طيب تعالي بس شوف ميريهان و بعد كدا نتكلم
حسام : انا مش هشوف حد ( وسابهم وخرج مها جريت وراه )
مها : حسام حسام استنى رايح فين ؟
حسام : رايح في داهيه ( ومشي و رزع الباب وراه )
مها : عجبك كدا عجبك ؟
حسن : بكرا تعاليلي السوبر ماركت و شوفي ميريهان دي قمر أزاي مش اللي انتي مختراها دي ، دي 30 سنه هو من همه اتجوز أد أمه ؟
**** ( بقلم : هند محمد ) ****
ميريهان : ههههه واقوله اجبلو ايه يقولي فكري انتي
عمر : لو اخد انه يطلب منك حاجات بره الشغل مش هتخلصي
ميريهان : ما عشان كدا اتحججت بيك قولتله بابا عصبي و بيزعق لما بتاخر و ممكن توصل انك تمنعني من الشغل
علياء : ههههه يا نصابه
ميريهان : مانا اعمل ايه انا مش ناقصه طلبات انا لسه هنظملو عيد ميلاد حفيدو هو ناس تحتفل و ناس تتفحت
عمر : جدعه يا ميريهان ميتخفش عليكي
( وصلت وسام من باره )
وسام : السلام عليكم
الجميع : عليكم السلام ايه اخرك كدا الساعه 8
وسام : معلش بقى الفرح والبنات وقفنا نرغي و نتكلم
عمر : كان معاكم رجاله ؟
وسام : عادي يا بابا مش فرح لازم يكون فيه رجاله
، انا هقوم بقى عشان يا دوبك اكتب الحلقه
علياء : مش هتكلي ؟
وسام : لا كالت و شربت شاي و عصير وحاجه ساقعه و ايس كريم كمان
عمر : هو في فرح بيوزعه فيه ايس كريم ؟
وسام : اااا لا طبعا دانا وانا جايه طلبت معايا ايس كريم
ميريهان : مجبتليش معاكي زعلانه منك
وسام : معلش بكرا الجمعه نبقى نروح نشوف عمتي و ولاد موني و ناخدهم وناكل سوي
عمر : ياريت دانا حتى زهقت من قعدت البيت
وسام : خلاص انا هكلم عمرو وهتفق معه واخليه يجي هو والولاد وعمتي
علياء : وكلمي خالك صفوت كمان بقلنا كتير متجمعناش
وسام : ماشي حاضر ، بعد ازنكم عشان الحق الوقت
عمر : خلصي الحلقة وتعالي اقرهالي
وسام : بس كدا ، عيوني
**** ( بقلم : هند محمد ) ****
( حسام ماشي بالعربيه مش عارف يروح فين ولا مركز اصلا العربيه ماشيه بيه لفين فضل ماشي كتير لحد ما العربيه وديتو على الديسكو اللى كان بيسهر فيه هو و بدر والشله بتاعت الجامعه الامريكيه ، ركن عربيته و نزل دخل الديسكو )
