الحلقة { 50 }
وسام : ايه يا ربي الراجل الخلل دا
عاوزني اروح الساعه 7 طب هقول لبابا ايه ؟
ولو نزلت افرض عمرو قال هاجي معاكي
لا انا مش هروح ، بس دا بيقول بيحبني ، ولسيو شافلي الكف و قالي هتجوز رجل بدين وهو فعلا بدين ، طب اعمل ايه دلوقتي ، يا ترى جايبلي هدية ايه ؟
_ انا هقول لبابا اني هروح الاستشارة بتاعت دكتور البرد ، وانزل واروحله
صح كدا
بس هو فين رولز كافيه دا ؟
لما اشوف على جوجل
علياء : ( من باره ) الاكل يا ويسو عملالك الرنجه اللي بتحبيها تعالي بقى
وسام : ( وهي بتكلم نفسها ) رنجه ؟ هروح اقابل حسام وانا ضاربه رنجه ؟
دا هيبقى منظري و رحتي ياكي خالص
**** ( بقلم : هند محمد ) ****
( وعلى السفره )
علياء : خودي بصل يا وسام مع الرنجه
وسام : ليه يا ماما رنجه النهارده انتي مش عارفه اني بحبها ؟
علياء : طيب يا حبيبتي عشان كدا عملتها ، وقولت بالمره الولاد و عمرو وعمتك بيحبوها
عمرو : انا عن نفسي لو كالت رنجه كل يوم مش هزهق
عمر : انا كمان مش هزهق
ميريهان : ما تاكلي يا ويسو انتي بتسنسني أملي اللقمه كدا
وسام : اصلي عندي برد و بعدين انا راحه الاستشاره كمان شويه
عمرو : الليمون اللي في الرنجه مفيد للبرد هيقضي عليه اضربي اضربي
وسام : طب بص انا هاخد كام حته كدا في طبق و هنزل اروح الاستشاره و اجي اضرب بقى و انتقم بس سبولي طبق البصل دا
أم موني : روح معاها يا عمرو
عمرو : اكيد طبعا انا برضو هسيبها تروح لوحدها ؟
جنى : وحاجات المدرسه مش حضرتك وعدتنا تجبلنا ادوات المدرسه النهارده
فاطمه : وانا المفروض ابدء درس الانجليزي الاسبوع دا ولازم اجيب شنطه للدروس
عمر : هي كمان الدروس بقى يتجبلها شنطه ؟
عمرو : اه والله يا عمي و بكام مش اقل من 60 جنيه
فاطمه : لا انا مش عاوزه ام 60 دي انا عاوزه واحده زي صحبتي روداينا جابتها ب 370 بس حلوه اوي وجمده وتستحمل
علياء : 370 جنيه ؟
فاطمه : اه طبعا
مصطفى : وانا كمان
عمر : الحمد لله ان انا عيالي كبرو وخلاصت بدري
وسام : صلي ركعتين شكر بقى هههه انا هقوم البس عشان الدكتورة ( وقامت داخلت اوضتها )
عمر : 😎 هههه دانا المفروض ادبح بقى و اطلع حاجه لله ، بس هدبح ايه ايه ايه هدبح جنى 😈
جنى : 😠 ليه وهو انت شايفني معزه
الجميع : 😅😅😅😅😅😅
**** ( بقلم : هند محمد ) ****
حسام : ( وصل الكافيه وبدء يستني وسام وطلب نسكافيه☕ وفضل يقلب في الموبايل 📱 )
**** ( بقلم : هند محمد ) ****
( واقفه قصاد الدلاب ومحتاره تلبس ايه وبعد ما استقرت على اللبس اخدته من الدلاب و في لحظه وسام باصت في المرايه وكلمت نفسها ) انتي هبله يا بت ؟
يقولك انزلي قبليني تنزلي تقبليه ؟
لالا انتي لازم تتقلي كدا وتبقى عقله بدل ما يقول مدلوقه عليه و ما صدقتي
اه خليكي نصحه ، بس كدا ممكن يفتكرني اني بطنشه ومش مهتميه بيه ؟
- الاهتمام بعد كدا الاهتمام مش من اول معاد يا عبيطه ، انا مش هروح اه صح كدا
بس دا جايبلي هديه يا تري جابلي ايه ؟
- وهو انا بتاعت هدايه يعني هيكون جايب ايه يعني لالا مش هروح وبعدين انا مش ممكن اقرطس بابا ابدا
( وخرجت من اوضتها )
**** ( بقلم : هند محمد ) ****
علياء : ايه دا ملبستيش ليه ؟
وسام : مقدرتش اسيب الرنجه
عمرو : ( بخبث ) يعني الرنجه هطير ما تلحقي الاستشارة
وسام : لا هضرب رنجه بالليمون مش انت قولت مفيد للبرد
ميريهان : مالك يا عمرو
عمرو : انا لا والله مفيش ( وبص لوسام بابتسامه من تحت لتحت )
( كل من أم موني و عمر وعلياء فهمه نظرة عمرو لوسام انه بدء يعجب بيها و بيحاول يقرب منها ولاكن عمرو ماكنش قصده كدا خالص لانه حاسس ان في حد في حياة وسام بس هو مين طبعا عمرو مايعرفش )
ميريهان : وسام انا هروح مع عمرو والولاد نجيب حاجات المدرسه تيجي معانا ؟
وسام : لا مش قادره انا هاكل و أنام
أم موني : روحي يا وسام عشان تبقو مع بعض مفيهاش حاجه
وسام : مش هقدر والله عاوزه انام
عمرو : تعالي معانا لو مش وراكي مواعيد ؟
وسام : لا مش ورايا بس مش قدره انزل السلم تاني 3 ادوار
عمر : خلاص يا جماعه سبوها برحتها
ميريهان : طب انا هقوم البس
