اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الحلقة { 28 } حسن : ههههه انا قولت كدا برضو عشان كل الستات بتحب تشخلل - بس انا ليه سؤال كدا بس خايف تتكسفي ، بس لازم اساله عشان رحتك مها : سؤال ايه دا ؟ حسن : ااااا مرتبة السرير عاوزه قطن ولا سفينج ؟ مها : 😨 أيه ؟ **** ( بقلم : هند محمد ) **** علياء : ( داخلت الاوضه و معاها صينيه فيها اكل ) والله اللي بتعمليه دا حرام يا وسام وسام : ( وهي قدام اللاب على المكتب ) عجبك الفصلان اللي انا فيه دا ؟ علياء : فصلان ايه هو انتي تلاجه ؟ خودي عملتلك جلاش باللحمه المفرومه صوابع اكتبي كلمتين وكولي كدا اتسلي وسام : يا ماما انا كدا بفصل والله مش بعرف اركز علياء : انتي محسساني انك بتكتبي فيلم ليوسف شاهين وسام : الله يرحمه دا لو كان عايش كنت انا وهو عملنا احلى شغل بس نقول ايه بقى الله يرحمه علياء : المهم المهم كولي الجلاش و اشربي العصير دا عصير فراوله اللي بتحبيه وسام : حاضر يا ماما أبوس ايدك بقى سبيني عشان الحق اكتب علياء : حاضر بس كولي اجبلك مخلل يفتح نفسك وسام : والله هعيط 😢 علياء : لا متعيطيش 😂 بس كولي ، عشان تلحقي تتغدي قبل ما ابوكي يجي وسام : ماما والنبي متشغليش بالك بأكلي انا لما اجوع هقوم افتح التلاجه واكل ولا حتى اعمل لنفسي اكل علياء : يا حبيبتي انا ليه مين غيرك انتي واختك اخلي بالي منكم ، ( وقعدة على السرير و سارحت ) " " " وسام : مالك سرحانه في ايه ؟ علياء : عمتك كلمتني من شويه وكانت بتعيط وسام : ليه كدا عيانه ولا ايه ؟ علياء : لا خايفه من عمرو وخايفه على الولاد وسام : ليه خايفه ليه من عمرو ؟ علياء : خايفه يتجوز على موني ويجيب للعيال مرات أب وسام : هي هتشيل هم الموضوع دا من دلوقتي ، دي موني لسه مسفرة علياء : الراجل المتجوز مش بيستحمل مراته تغيب عنه ، ولو غابت بيحاول يدور على بديل وسام : دي الرجاله الزباله اللي بيدورو على بديل ، لاكن عمرو لا أسمعي مني ، عمرو بيحب موني ومش هيتجوز عليها دلوقتي علياء : يعني ممكن يتجوز عليها بعد فترة ؟ وسام : والله يا ماما دي حاجه ترجع لعمرو بقى و لقوة حبه لموني ، لو بيحبها اوي ممكن يصبر سنه لو بيحبها اوي اوي ممكن يصبر سناتين علياء : سناتين بس 😯 ؟ وسام : يمكن اكتر ويمكن أقل ، دا يرجع لقوة تحمل وحب عمرو لموني علياء : طب ولو حصل و قال عاوز اتجوز هنعمل ايه وقتها ؟ وسام : بصي متقدريش البلاء قبل وقوعه ربنا يستر علياء : والله انا ناري نارين يا وسام و خايفه برضو ولاء تدخل الجامعة وتقابل حد تحبه وتتجوزه وتنسى لؤي وسام : ماما لو الانسان بيحب بجد مستحيل ينسى الحب دا لان الحب احساس والاحاسيس مش بتتنسي عشان هي بتتحس بالقلب والمشاعر مش بالعقل ، العقل اه ممكن ينسى لاكن القلب عمره ما ينسى الشخص اللى سكنه وملاه حب علياء : انتي بتجيبي الكلام دا منين يا وسام هههههههه وسام : اهو بقى الكلام بيجي لوحده علياء : هههههه الوحي بينزل عليكي وانتي قعده هههههه وسام : لا متقدريش تقولي وحي لان الوحي دا من ربنا بينزل على الانبياء والرسل لاكن انا ممكن تقدري تقولي هسهس مش وحي علياء : هسهس ؟ عليكي كلام غريب وسام : المهم سبيني بقى اكتب الحلقه عشان ابدع والهسهس يشتغل علياء : حاضر هقوم بس كولي حلو ها ولا احمرلك بطاطس مقرمشه تتسلي فيها جنب الجلاش ؟ وسام : ماما انا نفسى في ورق عنب وكرنب علياء : بجد ، طب والله لأدخل اعملك ( وسابتها وراحت على المطبخ ) وسام : الحمد لله عرفت اخرجها واشغلها عني بتاع 3 او 4 ساعات اكتب الحلقه انا بقى
