الحلقة { 45 }
بيتر : الو يا فنانه
وسام : الو يا فندم
بيتر : ايه فندم دي ؟
وسام : مش بتقولي فنانه يبقى لازم اقولك فندم
بيتر : اهاااااا طب لو قولتلك زي ما بيقلولك ويسو هتقوليلي ايه ؟
وسام : ههههه بصراحه يا بيتر اسمك صعب اوي ميتدلعش خالص
بيتر : بتول بتقولي على طول بتورتي
وسام : بتول بتقولك على طول ؟
بيتر : اااا اقصد الله يرحمها ويقدس روحها كانت بتقولي على طول بتورتي
وسام : اها تمام ماشي يا بتورتي هههههه
بيتر : انتي كان الموبايل بتاعك مشغول ليه ؟
وسام : كنت بكلم حسام عشان اعرف قصته واكتبها
بيتر : حسام مين ؟
وسام : مش انا قولتلك ان من فتره في واحد كلمني اسمه شريف عرفه وعاوزني اكتبله فيلم ؟
بيتر : اه بس انتي قولتيلي انهم طلعو نصابين ؟
وسام : والله اعلم بقى معرفش بس انا بيتهيقلي مش متأكدا
بيتر : طب مالو حسام دا يعني بتكلميه ليه ؟
وسام : اصل انا عاوزه اكتب روايه جديده بس مش في دماغي فكره ولا موضوع فاكتبت على البيدج بتاعي لو حد عاش قصة حب أو شايف ان حياته تنفع تتعمل روايه يبعتلي على الخاص
بيتر : وهو حسام دا بعتلك على الخاص ؟
وسام : لا مش بالظبط بس هو بعت رساله وقالي انا عشت قصة حب عاوزه تعرفيها كﻻميني وساب رقمه ، انا بقى لما غلب حماري و مش لقيه فكره جديده قولت اكلمه وخلاص
بيتر : انتي هبله صح ، اي حد كدا تكلميه مش تعرفي دا مين الاول ؟
وسام : وانا هعرف دا منين يا بيتر حد قالك اني بفتح المندل ؟
بيتر : طب يا ام لسان طويل قوليلي اسم بسلامته ورقم تليفونه وانا هجبلك تاريخ امه
وسام : ( بسخريه ) هههه وانته هتعرف تجيب تاريخ امه منين حضرتك شغال في السجل المدني ؟
بيتر : لا في المخابرات يا خفه
وسام : ههههههههه صدقتك انا كدا
بيتر : ههههه انا اعرف امين شرطه في مجمع التحرير ممكن يجبلي الفيش بتاعه ومعلومات عنه
وسام : ماشي خد الرقم و اسال
**** ( بقلم : هند محمد ) ****
عمر : وسام أتأخرة صح ؟
علياء : اه دي الساعه داخله على 8
عمر : كلمي اختك يا مي شوفي ايه أخرها
ميريهان : حاضر يا بابا
عمر : مالك زعلانه كدا ليه ؟
ميريهان : حسه بالذنب ، حسه اني شغاله عند ناس بتسرق و بتستحل أمول الغلابه ومش عارفه اعمل حاجه
علياء : اقولك روحي انقلي نفسك و اعملي الخدمه دي في اي مكان تاني
عمر : هي لسه هتتنقل ، تقضي الفتره بتاعتها بالطول ولا بالعرض و خلاص
- حد يكلم وسام يشوفها ليه أتأخرة
ميريهان : انا سامعه صوت الباب بره بيتفتح
و سام : انا جيت
الجميع : حمدالله على السلامه
عمر : ايه اخرك كدا ؟
وسام : حسيت ان البرد زاد عليا فا روحت كشفت
علياء : اه احسن وكتبلك ايه ؟
وسام : كل الادويه دي شوفه 5 علب دواء
ميريهان : هقوم اجبلك اكل عشان تاكلي قبل الدواء
وسام : ماشي وانا هقوم اغير
عمر : المكتب اخباره ايه ؟
وسام : العربيه السودا الدايو جات النهاره و تمام الحمد لله الراجل اللي كان مأجرها الحمد لله محافظ عليها
و العربيه المتسوبيشي اتاجرة النهاره لمدة 4 ايام
عمر : و العربيه النوبيره ؟
وسام : لا دي لسه بكرا الإجار هيخلص ونستلمها
عمر : طيب الحمد لله
**** ( بقلم : هند محمد ) ****
أمل : يعني ايه الخميس الجاي كتب كتابك و دخلتك ؟
علاء : يعني يوم الخميس هتجوز
صفوت : كدا منك لنفسك ، حد قالك ان ابوك وأمك ماته ؟
علاء : انا مش عارف انتم مكبرين الموضوع ليه ، انا واحده حبيتها وحبتني واتفقنا على الجواز وهنتجوز فين المشكله ؟
أمل : المشكله ان انا ابني الوحيد هيتجوز وانا معرفش حاجه عنها حتى مشوفتش شكل اللي هيتجوزها
علاء : بسيطه تعالي هما عزمنا بكرا على العشا هي وأبوها ومرات أبوها جوليا
صفوت : جوليا ؟ دي مصريه دي ؟
علاء : لا اوكرانيه بس ايه يا بابا ياااالهويييي بتنور لوحدها
أمل : يا رب ابني هيموتني نقصه عمر يا رب انا عاوزه اجوز البت بعد كدا اموت مش مشكله بس مش عاوزه اموت مفقوعه من واحد بارد زي دا
علاء : انا بارد ، دا بدل ما تفرحيلي
صفوت : نفرحلك ؟ نفرح ازاي
علاء : انا عاوز افهم فين المشكله ؟
صفوت : انت كل دا مش فاهم فين المشكله ؟
علاء : لا خالص
انا حبيت واحده وهتجوزها و ابوها موافق والفرح يوم الخميس فين المشكله ؟
صفوت : طب والشقه والعفش
علاء : مانا قولتلكم هتجوز في شقتها وعلى عفشها بس اوضت النوم اللي غيرناها انا جبت واحده جديده
أمل : كمان جبت اوضة النوم من غير ما تقول ؟
علاء : هو انا عيل صغير كل خطوة هاخد الاذن ؟
صفوت : ليه هو انت عدمت ابوك و امك ؟
علاء : بابا انا مش بحب الكلام الكتير دا اللي مالوش فايده انا هتجوز يوم الخميس تمام ، تصبحو على خير بقى عشان بكرا هنزل اشتري الشبكه و اروح احجز القاعه اللي هعمل فيها الفرح
صفوت : وهتعمل الفرح فين ؟
علاء : فى الفور سيزون
