الحلقة { 52 }
( وتاني يوم في المكتب بتاع بيتر )
بيتر : يا بنتي متدلقيش كدا ، عشان ميتنططش عليكي
وسام : فين مدلوقه دا انا عملت حاجه ؟
بيتر : مش بتقولي كل ما تعملي خطوه تبعتيلو تقوليله ؟ دا اسمه ايه ؟
وسام : اااا اسمها متابعه
بيتر : متابعه ؟ ليه انتي مترقبه ؟
وسام : يوووو بقى ، مانا اول مره بقى ارتبط بجد يا بيتر ومعرفش
بيتر : وسام الحريري اللي كاتبه روايات و قصص كلها حب و ارتباط و مشاكل متعرفش تعمل ايه ؟ انتي هتستعبطي ؟
وسام : النظري حاجه والعملي حاجه تانيه خالص
بيتر : عملي و نظري ؟ دانتي ناقص تقوليلي ادبي وعلمي ! هي ثانويه عامه يا وسام ؟
وسام : طب قولي اعمل ايه و انا اعمل
بيتر : لازم تتاكدي من حقيقة مشاعرو و كمان لازم تتاكدي انك هتقدري تكملي معه و هتقدري على عيوبه اللي هي الغيره و العصبيه دي
وسام : ما في الخطوبه بقى هعرف الحاجات دي
بيتر : العيوب تعرفيها في الخطوبه لاكن حقيقة مشاعرة وتمسكه بيكي لازم تعرفيها وتتأكدي منهم الاول قبل الخطوبه
- ولا عاوزه تدخليه بيتك ويفضل خارج داخل ولما يزهق يخلع و قتها بقى ابوكي و امك يكونو اتعشمه و فرحه ولما يخلع يزعله ؟
وسام : والله يا بيتر انا خايفه من كدا برضو ، شيله هم بابا و ماما اوي
بيتر : خلاص يبقى لازم تتاكدي من مشعرو الاول
وسام : طب ودي اعملها ازاي ؟
بيتر : انك تختفي يومين تلاته عنه وتشوفي بقى هيتهبل عليكي ويفضل يدور عليكي ولا مش هيفرق عندو
وسام : طب و اختفي ازاي ؟
بيتر : ( خبط عليه عسكري ) خليكي معايا ثانيه يا وسام
-ادخل ؟
العسكري : عزب باشا عاوز حضرتك
بيتر : حاضر ، روح انت وخد الباب في ايدك
العسكري : حاضر
بيتر : ايوه يا وسام ، معلش هقفل معاكي دلوقت وهكلمك تاني
وسام : في حاجه ولا ايه ؟
بيتر : اه الباشا بيندهلي
وسام : باشا مين هما مش لغو البشاويه ؟
ييتر : سلام يا رغايه دلوقت هقولك بعدين سلام
وسام : طب خلص مع عزب باشا دا و تعاله قولي اختفي ازاي ؟
بيتر : انتي عرفتي منين انه اسمه عزب ؟
وسام : من اللي كان بيكلمك دلوقت انا سمعه بيقولك عزب باشا
بيتر : دانتي ودانك سالكه بقى
وسام : ههههههه
**** ( بقلم : هند محمد ) ****
بيتر : ( واقف ومشبك ايدو قدام مكتب عزب باشا ) تحت امرك يا فندم ؟
عزب : ايه دا يا بيتر ؟ ( وماسك في ايده ملف )
بيتر : دا التقرير اللي مطلوب مني لوسام الحريري يا فندم وفيه كل تفاصيل حياتها هي وأسرتها
عزب : دا بتسميه تقرير بتقدمه لجه امنيه ؟
ممكن تقولي التقرير دا انت بتقدمه لمين
بيتر : لحضرتك يا باشا
عزب : وبدل ما هو ليه ، ممكن تقولي انا هستفيد ايه لما اعرف ان ست وسام بدائة تحب واحد اسمه حسام
هستفيد ايه لما اعرف ان علاء ابن خالها اتجوز وهي محضرتش فرحه لان عندها برد
هستفيد ايه لما اعرف ان اختها بتتهم الست صاحبة الجامعيه الخيريه انها حراميه ؟
هستفيد ايه لما اعرف ان اخو وسام سافر حنتوسه ، ألا قولي هو فين حنتوسه دا ؟
بيتر : دا كوكب حضرتك
عزب : كوكب ؟ هي الناس دلوقتي باقت تسافر كوكب ؟
انت مش عارف تكتب حتت تقرير يا بيتر ايه خبت ولا ايه ؟
بيتر : يا فندم وسام دي ينت عاديه جدا و اهلها ناس في حالهم وابوها راجل ماشي جنب الحيط مالوش في اي حاجه
عزب : ولما عمرو اديب يقول وسام بتقول مين اللي رخص الدم المصري دا يبقى ايه ؟
بيتر : طب ما هي متغاظا عشان اخوها ؟
عزب : متغاظه ؟ اه متغاظه ؟
- طب لما تكون صفحتها متكملش 20 الف عضو و في زمن قياسي بقى نص مليون دا يبقى ايه ؟
بيتر : اصل القصص بتاعتها حلوه
عزب : القصص بتاعتها حلوه ؟ ولا رجليها حلوه ؟
انا مالي بالقصص والحوارات دي انا عاوز اعرف انتمائها ايه البت دي تبع ايه ؟
بيتر : مش تبع حاجه دي هي اصلا مش ماتبعه اخبار دي هي من الشغل للبيت ملهاش داعوه بحاجه
عزب : انا هعتبر التقرير دا مجاش و بكرا يكون عندي تقرير تاني مذكور فيه انتماء البنت دي لايه و ايه هي اراها السياسيه و هل هي مع النظام ولا لا
بيتر : حاضر يا باشا
عزم : قدامك 24 ساعه اتفضل
بيتر : بعد ازنك
**** ( بقلم : هند محمد ) ****
جميل : بصي العربيه دي ب 19 الف وممكن نخلص ب 17
وسام : بس انا معاييش يكمل مش معايا غير 8 لالا ممكن اوصلهم 10
جميل : طب اقولك ما تيجي نشارك بعض
وسام : نتشارك ؟ "
"
"
ومالو ماشي موفقه بس انته ادفع النص وانا النص و الإجار يتقسم بيني وبينك ماشي
جميل : ماشي ، بس الحج عمر ؟
وسام : مش هنقوله دلوقتي لما نثبتلو ان المكتب شغال و كل العربيات شغاله نبقى نقوله
جميل : ماشي ، ااا بقولك عندي واحد جاري عندة عربيه لانس وكان عاوز يأجرها اكلمه و ناخد منه العربيه نأجرهلو ؟
وسام : بس دي مسؤليه ؟
جميل : ماتخفيش ما كل المكاتب بتعمل كدا ، والله ما تخافي
وسام : طب دا هياخد كام في الشهر ؟
جميل : مش بالشهر بالنسبه ، يعني مثلا هو ليه نسبه واحنا نسبه و اخر الشهر نشوف العربيه عملت أجار اد ايه وكل واحد ياخد نسبته
وسام : اه حلو اوي النظام دا وكل عربيه برزقها بقى
بس هنعمل النسب ازاي ؟
جميل : التلت والتلتين
وسام : ومين بياخد التلت ومين التلتين ؟
جميل : المكتب التلتين و صاحب العربيه التلت
وسام : مش كتير احنا التلتين ؟
جميل : مش بندفع مرتبات و كمان بنزين وصيانه و غسيل وجراج ؟
وسام : اه صح ، طب ماشي موفقه
جميل : يعني اكلم صاحب العربيه المتسوبيشي ويجي يكتب عقد الأجار ؟
وسام : الله مش كانت لانوس ؟
جميل : ما هما عربيتين لأتنين اعرفهم
وسام : ماشي وكمان العربيه اللي هنشتريها سوي يبقو 3 عربيات
اهو كدا نشغل المكتب ونعمل فيه حركه بدل ماحنا بنش كدا
**** ( بقلم : هند محمد ) ****
حسام : ازايك يا عروسه فينك ؟
صابا : الحمد لله انا في السخنه
حسام : اه يا عم انتي بتتمشي على البحر وانا مفحوت في الشركه
صابا : كام يوم بس يا حسام اتفسح مع حبيبي شويه
حسام : ماشي يا ستي اكمل فحت انا لوحدي عقبال ما ترجعي بالسلامه ، ماشي يا قمر سلام
صابا : سلام
علاء : هو متعود يكلمك كل يوم ويسأل عليكي ؟
صابا : اه طبعا حسام دا اخويا مش بس ابن عمتي ، ماما لما ماتت كنت لسه في اعدادي بابا كان بيسافر كتير و كنت على طول عند عمتي مها وكنت العب مع حسام واخرج معه و كنت اذاكر معه
علاء : طب بدل ما كنتم على طول مع بعض متجوزتوش ليه ؟
صابا : عشان كل واحد فينا حب حد ، هو اتجوز وخلف
علاء : وانتي ؟
صابا : برضو حبيت بس مكملتش وسبني
علاء : ليه سابك ؟
صابا : عشان غبي و كانت كرمته اغلى مني عنده فا بعدنا
علاء : اممممم ، فكك من الذكريات ملهاش فايده ، احنا ولاد النهاردة
صابا : هههه عندك حق ، ما تيجي ننزل البحر
علاء : يا سلام يا ريت يلا بينا ( قلع التيشيرت ورمه على الرمل ومسك ايد صابا ) يلا بينا يا عسولتي
صابا : ( شبكت اديها في ايدو ) يلا يا حبيبي
**** ( بقلم : هند محمد ) ****
حسام : بقالك 30 دقيقه اف لين ليه ممكن اعرف ؟
وسام : كنت في الحمام
حسام : وبتعملي ايه في الحمام ممكن تفهميني ؟
وسام : هاهاها بعمل ايه في الحمام بعمل كافيه لاتيه
حسام : انتي بتهزري ؟
وسام : ما سؤلك غريب بصراحه ايه اللي بعمل ايه في الحمام دي
حسام : ردي يا وسام كنتي بتعملي ايه في الحمام نص ساعه
وسام : اقولك طيب الحقيقه بس متقرفش ؟
حسام : اقرف ؟ لا مش هقرف كنتي بتعملي ايه ؟
وسام : كنت بعمل فطيره بالشكولاته 😅
حسام : هههه يابنتي اتكلمي جد شويه
وسام : بقولك ايه انت لما بتدخل الحمام بتعمل ايه ؟
حسام : "
"
"
وسام : سكت يعني
حسام : ماشي يا غلابويه ، انا خلاصت الشغل و جايلك تنقابل فين ؟
وسام : هنتغدا سوى زي امبارح ؟
حسام : اه لو معندكيش مانع
وسام : لا طبعا معنديش ، طيب تعرف الحديقه الدوليه ؟
حسام : اه طبعا اعرفها
وسام : خلاص تنقابل عند البوابه تمام ؟
حسام : ماشي بس هنتغدا ايه ؟
وسام : انت عزمتني امبارح انا هعزمك النهاردة
حسام : موافق ، بصي اول ما اوصل عند الكرته هقولك عشان تروحي
وسام : ماشي تمام
انت في العربيه ؟
حسام : اه في الطريق اهو
وسام : تيجي بالسلامه ، إمام عامل ايه ؟
حسام : الحمد لله ، خد ماما و بابا وراحو يلعبو بولينج امبارح بابا كان هيضربه ههههه
وسام : ليه ؟
حسام : خد منه 500 عشان يدخل البولينج وهما خارجين طبعا لازم يدفعو المشروبات اللي شربوها فا دفعه 300 جنيه هههههه
وسام : ياااه ليه حق ينفخه
بس باباك بيشتغل ايه ؟
حسام : صاحب املاك ، ارض زراعيه و مزارع عجول وفراخ وحاجات كدا
وسام : تعرف انا نفسي اوي اعيش حيات الريف دي بين الغيط والزرع والحيونات
حسام : لما نتجوز نقضي شهر العسل في البلد
وسام : بيتكم حلو في البلد ؟
حسام : بيت ؟
انا ابويا عايش في فيلا هناك
وسام : ما شاء الله ثواني يا حسام ها
حسام : في حاجه ؟
وسام : هحاسب بس ثواني
