الحلقة { 77 }
وسام : ولا ايه يا حسام ؟
حسام : في ايه يا وسام انتي بتقلبي يا بت انتي ملبوسه ؟
وسام : لعلمك انا جوايا ناس كتير لبساني فعلا و اقدر اتقمص شخصية أي حد
تحب اتقمصلك شخصية مين ؟
حسام : ااااا شخصية ماما
وسام : أممممم ماما هي صعبه شويه عشان مشفتهاش غير مره واحده بس تمام ثواني كدا ثواني
حسام : خودي وقتك الاشاره وقفه اصلا هههه
وسام : "
"
"
# ( بدأت تتقمص مها ) حسام انت ايه اللي لبسه دا ؟
حسام : هههه ايه قميص وبنطلون ؟
وسام : هااا شعقول مش لابس فنله هااااااا تحت القميص ليه كدا بس ؟
حسام : هههههههههه ههه ههه
وسام : يووووو يووووو يوووووو
حسام : في ايه بس ؟
وسام : الساعه باقة 1 و الطريق زحمه
حسام : وسام الله اكبر عليكي اصحي يا حبيبتي اصحي خرجي أمي من جواكي
وسام : ( وفي ثانيه تقمصة حسن ) مالها أمك يا حسام مالها مش دي اللي سهرة عليك وكبرتك ولا خلاص عشان كبرت وطولت وبقى معاك قرش خلاص عيارك هيفلت و مش هنقدر عليك ؟
حسام : وسام انا كدا هخاف منك والله اسبلك العربيه و انزل انا بخاف انتي قلبتي على ابويا كدا ليه ؟
وسام : هههههههه ( بدلع و بربشه ) عجبتك ؟
حسام : والله انتي ست الكل كلهم ( ومسك إديها باسها ) بحبك اوي
وسام : وانا كمان ، يلا بقى وديني نشوف الشله بتعتك
حسام : مش هتنبسطي معاهم بلاش احسن
وسام : ليه يعني ؟
حسام : يعني أصل هما بنات تفها كدا و دمغهم فاضيه دا غير انهم يعني ااااااا ااا كلاس اوي
الاتنين باباهم رجال اعمال و
وسام : وانا بيئه و مستوايا يعر صح ؟ و مش هعرف اتواصل معاهم صح ؟
حسام : والله ما أقصد بس القعده هتبقى مش حلوه
وسام : انا اللي اقرر مش انت ولا انت بقى خايف اكشف العلاقه اللي بينك وبيت الست شهد اللي كانت متصوره معاك في شقتك و رفعه الصوره على فيسك ؟
حسام : والله ما حصلش حاجه دي مجرد صوره وبعدين زي ما قولتلك هما دمغهم متحرره اوي تحسي انهم اوروبيين شويه
وسام : لو هما دمغهم اوروبيه انا دماغي من امريكه اللاتينيه
حسام : طيب انزلي وصالنا هكلمهم يجولنا ونتغدا سوي فوق
وسام : ايه دا انت جايبني فين ؟
حسام : هنطلع نقعد في شقتي شويه نلعب جيمز نتفرج على فيلم اااا اي حاجه وبالمره تطبوخيلي عشان ادوق طبيخك
وسام : 😕 انت بتتكلم بجد ؟
حسام : اه فيها ايه ؟ انتي مش بتثقي فيه ؟
وسام : مش هي دي الشقه اللي ضحكت عليا وقولتلي طارق العريان مستنيني ؟
حسام : اه يلا عشان تشوفيها وكمان تقوليلي رأيك عشان هنتجوز فيها
وسام : لا طبعا مستحيل اطلع معاك لوحدنا
حسام : انتي خايفه مني ؟ ليه يعني هعملك ايه ؟
وسام : هههه يا خبر لا يا سومه انا مش خيفه منك خالص انا خايفه عليك والله
حسام : من ايه ان شاء الله ؟
وسام : يعني انا زي مانت عارف بنوته ومتجوزتش قبل كدا وانت راجل كنت متجوز اخاف تقع الفاس في الراس و تروح بقى لأبويا وتعيطلو وتقوله بنتك ضحكت عليا وساقتني حاجه اصفره و غررت بيه ووعدتني بالجواز وانا ماكنتش واخد خوانا و تجبرني اصلح غلطتي واعترف بالواد
وطبعا انا مستجيل اقبل اتجوز واحد قبل يطلع شقه مع بنت ابدا وكمان حامل في الحرام
حسام : ( قاعد متنح ) ااااا هو هو ، هو مين اللي بيحمل الراجل ولا الست ؟
وسام : بص في الزمن المهبب دا تتوقع اي حاجه مفيش حاجه مضمونه حرص على نفسك ربنا يستر عليك وانت ابيضاني كدا وعينك ملونه
حسام : ههههههههههه طب اعمل فيكي ايه دلوقتي يا عسل انتي ؟
وسام : اتصل بالشله وشوفهم فين ويلا نروح الساعه 1ونص الوقت بيجري
حسام : حاضر عيوني
**** (بقلم : هند محمد ) ****
شهوند (مس الماس ) : أيه دا يا إمام ؟
إمام : أيه الناتج غلط ؟
شهوند : لا الناتج صح بس الطريقه والخطوات غلط ؟
إمام : مش مهم الخطوات المهم الناتج واني احل المساله صح
شهوند : بس الخطوات عليها درجات وانت كدا مش هتاخد الدرجه كامله ؟
إمام : "
"
"
شهوند : 10 من 20 عشان الخطوات غلط
إمام : بس يا مس مفيهاش حاجه لما احل بطريقه مختلفه المهم اوصل الناتج الصحيح
شهوند : في الامتحان نموزج إجابه لو الحل اللي انته حطه زي اللي في النموزج مش هتاخد الدرجه
إمام : سوري بقى انا معترض
شهوند : انت بتعلي صوتك ؟
بكرا تجيب ولي امرك
إمام : ايوه بس
شهوند : مفيش بس أقعد مكانك
**** (بقلم : هند محمد ) ****
أم موني : اه ياني
بطه : مالك يا تيته ؟
أم موني : تعبت يا بطه مابقتش اقدر اقف على البتجاز ولا الحوض
بطه : طب ابقى استني لما ارجع من المدرسه وهبقى اسعدك
جنى : وانا كمان اسعدك انا ممكن املي الازايز واحطها في التلاجه أرتاحي انتي
أم موني : ههههه الازايز يعني هي دي العويصه الصعبه عندك اللي هتتعبني ؟
جنى : اللي بعرف اعملو بقى
أم موني : ماشي يا حبيبتي
جنى : اه صح مش انا حلمت بماما امبارح ؟
عمرو : ( وهو بيحط الاكل على السفره ) بجد انا كمان حلمت بيها أمبارح
أم موني : يا حبيبتي يا بنتي ، نفسي احلم بيها هي انا كمان
مصطفى : تعالو ناكل طيب انا جعان
عمرو : ( قعدو كلهم على السفره ) حلمتي بأيه يا جنى ؟
جنى : حلمت ان كانت الدنيا بتمطر والمطره كتير ومغرقه الشارع و فاجأه سمعنا صوت حد بيصوت جامد و الصوت بيقرب وفاجاه وكلنا بنبص على السماء والمطرة لقينا ماما نزلت وقعة في البلكونه
أم موني : اللهم صلي على النبي المطرة خير
طب عرفين يا ولاد انا حسه ان موني عايشه
عمرو : وانا كمان حاسس ان موني عايشه
بطه : طب حلمت بايه يا بابا ؟
عمرو : اااا ايه حلمت أن موني جات وكانت وحشاني اوي
كلو بقى الاكل هيبرد
أم موني : يا رب انت عالم بالحال
