الحلقة { 80 }
سمسون : خلاص عاوزه تروحي معاهم يبقى لازم تشربي المشروب دا
موني : يا سلام بس كدا عيوني هات ( من غير ما تفكر شربت المشروب )
لؤي : يا بت يا غبيه استني مش تعرفي ايه دا ؟
موني : مش مهم المهم نرجع السفينه
تيشو : انته شربتها ايه ؟
سمسون : دا تركيبه هتخليها زايي بالظبط
موني : زايك ؟ زايك زايك أزاي يا سمسون ؟
سمسون : زايي و مقاسي كدا
موني : يا سوادي ، مقاسك ازاي يا سمسون يعني انا هبقى عملاقه زيك كدا ؟
سمسون : ايوه عشان اقدر اتجوزك واخليكي كلوزر
ريماس : يعني ايه كلوزر ؟
سمسون : زوجة الارشدوك تبقى كلوزر
لؤي : يعني انتي يا موني هتبقى سيدة الكوكب الاولى
- حولي ترجعي اللي شربتي رجعي بسرعه سمسون : ( مسكه من قفه ورفعه وقاله بغضب ) انت بتفكر ليه ؟
لؤي : افكر ليه ؟ اومال اعمل ايه ؟
سمسون : متفكرش بدل ما هخليك زي الحناتيس
لؤي : انا اصلا متخلف دانا عبيط دانا امي بتبعتني اجيب حاجات من البقال الفلوس بتقع مني
الارشدوك : ( شاف موني بتحاول ترجع اللي شربته ) ها ها ها متحوليش يا موني لان التركيبه دي زي السحر بتمشي فى الدم والعروق اول ما تنزل العمده
موني : ليه تعمل فيه كدا ليه تأذيني كدا ؟
سمسون : بلعكس انا هخليكي تمتلكي كل حاجه انتي هتبقى زوجتي يعني هتمتلكي معايا الكوكب
تيشو : ( بصوت واطي جنب موني مش مسموع للارشدوك ) متقلقيش اكيد في حل
كارينا : اكيد التركيبه دي ليها علاج مضد او حاجه متخفيش
لؤي : هو حضرتك مش هتنزلني ولا انت مرتاح كدا ؟
سمسون : ( نزله براحه على الارض ) اجهزه عشان تروحه السفينه وتجبولي الصور
ريماس : في مشكله احنا متعرفش نروح لان المكان اللي نزلنا فيه احنا بعدنا عنه
سمسون : فكرين اي علامه او اي حاجه جنب السفينه ؟
لؤي : ايوه كان في جبل بيعكس اشعة الشمس زي ما تقول كدا جبل من ماس
سمسون : تاني بتفكر تاني
ريماس : عشان نعملك الاسلحه لازم نفكر
- دا غير ان احنا لازم نشوف اسلحتك اللي معاك عشان نطورها وكمان نعملك الاجدد منها
سمسون : بس انتم كدا هتعرفه قدرات الجيش
ريماس : دا في مصلحتك ولعلمك انت مش هتكسب حاجه لما تحولنا وتخلينا زي الحناتيس بتوعك لان احنا ممكن نتطور الكوكب و نحوله يبقى زي امريكا
سمسون : ايه امريكا دي ؟
ريماس : هنروح السفينه نجبلك الصور و هوريك يعني ايه و كمان هجبلك جهاز هيخلينا نعملك اقوى اسلحه
سمسون : موافق ، وانا هبعت معاكم اللي يامنكم ويوصلكم و يرجعكم
موني : اه اه اه لؤي الحقني انا حاسه اني بتنفخ
لؤي : الله يخرب بيتك انت ادتها كرتزون ولا ايه ؟
سمسون : لتالت مره بتفكر انت ايه مبتتعلمش
**** (بقلم : هند محمد ) ****
حسام : ( بيجري على المشايه و وسام وقفه جنبه و مسكالو الفوطه ) اه خلاص مش قادر
وسام : عاش يا وحش فاضلك 4 دقايق وتقفل التايم المفروض اجمد
حسام : مانا جامد اهو
( وبعد ال4 دقايق ) اه يا قلبي اه مش قادر
وسام : يا خبر ايه العرق دا كلو خد نشف خد
حسام : ( اخد الفوطه ونشف عرقه ) انتي هتفضلي كدا ما تعملي حاجه مفيده
وسام : اعمل ايه طيب مش عارفه
حسام : بصي المشايه متعبه دي فرهدتني
وسام : اممم ما واضح انك مفرهد
حسام : روحي لدي مرني ايدك
وسام : اه دي حلوه بس تعاله اظبطها ( قعدة على الجهاز و مسكة بإديها الاتنين ) ايه دي دي جمده اوي
حسام : دي على 50
وسام : 50 ايه ؟
حسام : كيلو طبعا
وسام : لالا دي تقيله اوي و بعدين انا بلعب عشان الفتنس مش عشان اعمل عضلات
حسام : يا واد انت يا بتاع الفتنس ( وقرب منها يبوسها )
وسام : ( بعدت عنه ) حسام احترم نفسك
حسام : احنا مش بنحب بعض
وسام : نحب بعض اه نستهبل مع بعض لا
حسام : يعني بعد الجواز مش هنستهبل ؟
وسام : ( بدلع ) لا بعد الجواز هنستهبل و هنستعبط و هنتجنن وهنبقه اخر عباسيه
حسام : طب ما ما اي حاجه كدا ربنا يكرمك دانا غلبان
وسام : تعرف لو قربت مني والله هتندم
حسام : ( بسرعه ثبت اديها في الجهاز اللي هي مسكاه ) ههههه انا عاوز اندم ( وقرب يبوسها ) يلا بقى وريني هندم ازاي
وسام : كدا برضو بتستقوى عليا
حسام : مش انتي اللي بتقولي هندم يلا بقى ندميني
وسام : حسام بقى متخلنيش اخاف منك
حسام : بوسه واحده
وسام : قولتلك لا واوعي ايدي بتوجعني
حسام : خلاص اهو سبتك ( بعد عنها ) انتي الخسرانه
وسام : تعاله هنا رايح فين ؟
حسام : ( بغلاسه ) عاوزه ايه يا فصيله انتي ؟
وسام : تعاله اعملي الوزن 50 كيلو تقيل عليا
حسام : حاضر مرمطيني زي مانتي عاوزه مرمطي
اعمل كام كيلو يا مستبده
وسام : اخف وزن عندك كام ؟
حسام : 5 كيلو
وسام : مفيش اقل ؟
حسام : لا مفيش
وسام : طيب ظبط على 5 كيلو
حسام : خفيف اوي 5
وسام : لا هو الفتنس بيبقى 5 بس
حسام : ماشي اهو جربي كدا
وسام : اه اهو كدا جميل
حسام : هروح انا بقى
وسام : وهتروح فين ؟
حسام : هنا همرن الباي والتراي عشان اقدر اطلع بيكي السلم
وسام : ماشي عاش
**** (بقلم : هند محمد ) ****
عاصم : ( في البريك ) بس دي موزه اوي
إمام : مش قولتلك ، وطيبه اوي يا عاصم
عاصم : اه ما هي شكلها
إمام : اقولك حاجه
عاصم : قول ؟
إمام : انا حاسس ان وسام دي شبه ماما في كل حاجه
لو ماما كانت عايشه كانت هتكون زيها كدا في طيبتها وحنيتها
عاصم : بص متأمنش اوي كدا انها طيبه ممكن تكون بتمثل عشان تتجوز وبعد ما تتجوز انكل حسام تظهر على حقيقتها
إمام : انت هتقول زي جدو
عاصم : ليه انت جدك مش بيحبها ؟
إمام : لا وعاوز يجوز بابا واحده تانيه
عاصم : وحلوه التانيه دي ؟
إمام : مشوفتهاش لسه اصلها بتشتغل عند جدو في السوبر ماركت
