الحلقه { 71 }
( في كوكب حنتوسه )
موني : اعتقني بقى انا تعبت دانا غنتلك كل الاغاني اللي حفظاها
الارشدوك : خلاص كفايا غناء احكيلي عن الكوكب بتعكم شكله مورده احكيلي كل حاجه
موني : ليه
الارشدوك : عشان اعرف انتم تمتلكو ايه ؟
موني : وهتستفيد ايه لما تعرف ؟
الارشدوك : ادينا بنتعرف ههاهها هها
موني : اه بنتعرف [ وهي بتكلم نفسها "" نصيبه يكون عاوز يغزو الارض و يبهدلنا لا دي امريكا تدمره قبل ما يلمس الارض ولا كوريا الجنوبيه هو النواوي اللي عندها شويه ولا ليه كوريا و امريكا هي رجالت مصر راحت فين داحنا رجالت الصاعقه عندنا الله اكبر ممكن تاكلة صاحي ]
الارشدوك : انا بقى كنت خايف من كدا
موني : ايه اااا خايف من ايه بس ؟
الارشدوك : ( بشر و جديه ) من تفكيرك سكوتك دا بيدل انك بتفكري ، ( بغضب و حزم ) وانا معنديش حد في كوكبي بيفكر غيري انا فاهمه ولا لا ؟
موني : انا متخلفه اساسا و معايا شهادة معملت اطفال ، انا مش بعرف افكر
الارشدوك : يبقى توصفيلي كوكب الارض
موني : بس كدا حاضر عيوني يا سمسون
بص يا روحي الكوكب بتعنا عامل زي الكوره والكوكب بيتقسم ل 6 قرات و كل قاره بتتقسم لدول كتير و كل دوله بتتقسم لمدن أو ولايات أو محافظات حسب كل دوله و كل ولايه بتتقسم لشوارع و ميادين و كل ميدان او شارع بيتقسم لعمارات و بيوت و كل بيت بيتقسم لشقق في منها شقق عاديه و شقق دوبلاكس بس هو دا كوكب الارض فهمت
الارشدوك : ااااااا طبعا فهمت بس في حاجه كدا مش فاهمها
موني : ايه هي ؟
الارشدوك : يعني ايه كوره
موني : يا سوادك يا موني ، مش عارف الكوره ؟
الارشدوك : لا
موني : هههههه دي لعبه حلوه اوي ، ما تيجي نلعب كوره بدل القعده اللي هتجبلنا كوساح دي
الارشدوك : يعني ايه كوساح
موني : هههه والمصحف انت راجل قرطاس وانا هظبطك ، بص اندهلي شان شان عشان عاوزه اطلب منه كام حاجه كدا و هفرجك على حتت متش كوره هيروشك من السعاده
**** ( بقلم : هند محمد ) ****
تيشو : انتم مجانين ازاي نحلق شعرنا ؟
خ : عادي مانا حلقه شعري اهو
ريماس : انا مستحيل احلق شعري
ف : عشان تخرجم من البيت هنا لازم تحلقه دي أوامر الارشدوك
لؤي : اوامر الارشدوك دي عليكم انتم مش علينا احنا
و : انا مقدرش اخرج بيكم وانتم بشعركم كدا
لؤي : نتحجب يعني ؟
ث : ومش بس تحلقه شعركم لا لازم كمان تقلعه زينا كدا
ريماس : لا لا انتم بجد شعب مقهور ولازم تثورو على الوضع اللى انتم فيه دا
ت : احنا مش فهمين منك حاجه
لؤي : لا تفهمونا ولا نفهمكم ، وانتم يا جزم محدش ينطق حرف خلينا نقابل الحكيم دا ونخلص عشان نمشي من هنا
تيشو : نمشي من هنا ازاي و موني
لؤي : انا خلاص عقلي هيقف مش قادر افكر
و : هاااا تفكر ؟ اوعى تفكر لحسن الارشدوك يعدمك
كارينا : و انت تعرف فين قصر الارشدوك ؟
و : طبعا اعرف
لؤي : طب يلا تعاله ودينا بسرعه
و : لا مقدرش اخرج دلوقتي لان الشمس اختفت
لؤي : ليه ؟
خ : الارشدوك مانع حد يخرج من بيته بعد غياب الشمس
ريماس : اومال هتودونا عند الحكيم ازاي ؟
ث : هنوصف لكم الطريق وتروحه انتم لاكن احنا مستحيل نخالف اوامر الارشدوك
ريماس : الارشدوك الظالم بيستعبدكم وبيستغل ضعفكم عشان يسرق خير الكوكب و بينتهك كل حقوق الانسان وانتم مستسلمين
ت : ههههه دي بتقول ايه دي
لؤي : بس بس ، حد فيكم يجي يوصلنا للحكيم
ف : منقدرش
تيشو : انا بترجاكم
ث : ولما نتعدم انتم هتنفعونا ؟
ريماس : متخفوش لو ساعدتونا احنا هنساعدكم وهنخلصكم من الارشدوك الظالم
ف : لا احنا مش هنسمع كلام ناس شريره و ارضيين زيكم
لؤي : احنا اشرار ؟
ف : ايوه مش انتم بتفكره تبقو اشرار
واحنا مش هنسمع كلام ناس بتفكر
لؤي : طيب طيب ، هو الحكيم دا ساكن بعيد ؟
ث : لا مش اوي
لؤي : خلاص اوصفولنا واحنا نروح
