الحلقة { 75 }
( وفي كوكب حنتوسه )
سمسون : راحت فين ؟
موني موني
أم الارشدوك : اكيد هربت
سمسون : هربت ازاي ازاي موني موني
( بغضب وعصبيه ) سات ، شان شان انتم فين
شان شان : ( دخل يجري وهو مرعوب ) أومرك فاخمت الارشدوك
سمسون : فين موني ؟
شان شان : مش عارف
سمسون : دورو عليها اقلبو القصر عليها ولازم تجيبهالي فاهم ؟
شان شان : حاضر فاخمتك ( جري شان شان وهو مش عارف يعمل ايه ولا يدور فين )
سمسون : انتي عارفه موني فين ؟
أم الارشدوك : لا معرفش
سمسون : انا لو لقيت موني وعرفت انك السبب في اختفأها هخليكي تندمي
أم الارشدوك : انا معملتش حاجه انا معرفش هي فين
**** (بقلم : هند محمد ) ****
سكسكه : تعالي انا ههربك تعالي
موني : طب انتي مصلحتك ايه انك تهربيني ؟
سكسكه : انا خايفه عليكي ، انتي صغيره و اد الصابع الصغير و احنا كبار ممكن واحنا ماشيين ندوس عليكي
انا مثلا ممكن مشوفكيش وانا ماشيه دا غير اني ممكن ابلعك
موني : يا نصبتي تبلعيني ليه هو انا برشامه ؟
سكسكه : انا احسن حاجه هخرجك من القصر وانتي امشي وحولي تهربي بعيد
موني : ابعدي عني انا مش ههرب ههرب هروح فين دا سمسون هيهد عليا الدنيا
سكسكه : انتي هتهربي ولا ابلعك واخلص منك ؟
موني : تعرفي لو بلعتيني هنزل بطنك وافضل اقطع فيها و هموتك من جوه
وزي ما قولتي انا صغيره وانتي كبيره يعني مش هتخنق ولا هيجرالي حاجه وهفضل اقطع فيكي من جوه
سكسكه : طب اخلص منك ازاي ؟
موني : وتخلصي مني ليه هو انا مرات ابوكي ؟
سكسكه : انا مرات ابويا اتقتلت و امي اتقتلت
موني : الانتين شكل ابوكي وشه فقر
سكسكه : و أبويا مالو
موني : ما كل ما يتجوز مراته بتتقتل يبقى فقر ولا مش فقر ؟
سكسكه : دي اوامر الارشدوك
موني : اومر ازاي يعني ؟
سكسكه : اي واحده تتجوز و تخلف اكتر من 2 تتقتل
موني : 😲 يا لهوي ليه ؟
سكسكه : عشان متخلفش كتير
موني : وفيها ايه لما تخلف كتير دا حتى العيال عزوه ؟
سكسكه : اوامر الارشدوك هنا كدا محدش يخلف اكتر من 2 واللى بتخلف اكتر من اتنين تتقتل
موني : ( بخبث ) دا الارشدوك دا ظالم اوي
سكسكه : اوي داحنا متمرمطين ، المهم يلا عشان اهربك من هنا
موني : (عشان تحاول تكسب ودها وحبها ) انا حبيتك اوي يا سكسكه ، انا مش ممكن اهرب و اسيبك
سكسكه : انا خلاص عايشه مع أم الارشدوك وتحت حمايتها
موني : احنا غلابه يا سكسكه والناس الكبار
دول ملهمش امان
سكسكه : ( شالتها وقربتها من وشها ) تقصدي ايه ؟
موني : اقصد ان انتي وانا والضعفاء اللي زينا اللي الارشدوك بيحكمه علينا ويتحكمه فينا لازم نأمن شرهم
اه يا سكسكه يا اوختش اسمعي مني لازم تامني نفسك مع اللي فوق و مع اللي تحت عشان لو اللي تحت سابوكي اللي فوق ينجدوكي و لو اللي فوق سابوكي اللي تحت يشقطوكي
سكسكه : كلامك صح انتي بتفكري صح ؟
موني : بس بفكر في الخير مش قصدي شر
ولو كنت بفكر في الشر كنت خليتك بلعتيني و كنت قطعتك من جوه في بطنك و حتى لو هربتيني بره القصر انا ممكن الارشدوك يلقيني وساعتها هقول انك انتي اللي هربتيني
سكسكه : بس ااا ام الارشدوك اللي قالتلي اعمل كدا ؟
موني : يعني انتي لو وقفتي قصاد الارشدوك و أمه و قولتي أمك اللي قالتلي كدا ، هي بقى هتعترف و تنجدك ولا هتنكر ؟
سكسكه : اكيد هتنكر عشان هتخاف منه
موني : شفتي بقى مين بيفكر في الشر ، انا ولا أم الارشدوك ؟
سكسكه : طب هنعمل ايه دلوقتي ؟
موني : بصي يا سكسكه من النهارده انا وانتي نكون سر واحد و نساعد بعض ماشي ؟
سكسكه : ماشي بس هترجعي أزاي للارشدوك بعد ما انا خطفتك كدا ؟
موني : حد شافك وانتي بتخطفيني ؟
سكسكه : لا
موني : يبقى رجاعيني عند الارشدوك وانا هتصرف
سكسكه : هتقوليلو ايه يعني ؟
**** (بقلم : هند محمد ) ****
