الحلقة { 43 }
عمرو : مالك يا مي في ايه بتعيطي ليه ؟
ميريهان : بابا يا عمرو الحقنا تعاله بسرعه
عمرو : عمي عمر مالو ؟
ميريهان : وهو راجع من الصلاه عربية خبطته واحنا دلوقتي رايحين المستشفى وراء الاسعاف
عمرو : ( بقلق وتوتر ) طيب انا انا هجلكم حالا متخفوش
ميريهان : كلم خالو صفوت كمان قوله عشان انا مش قدره اتكلم
عمرو : طب بطلي عياط هيبقى كويس ماتخفيش ، هي وسام فين ؟
ميريهان : هي اللي بتسوق العربيه جنبي اهو عاوزها ؟
عمرو : لا خليها تركذ في الطريق وانا هقفل و هكلم عمي صفوت وهتصل بيكى تاني اشوفكم روحته مستشفى اية سلام دلوقتي
**** ( بقلم : هند محمد ) ****
عزت : اهلا اهلا حبيبتي
صابا : وحشتني يا بابا اوي
عزت : وانتي كمان ، مش تعرفينا ؟
صابا : دا علاء يا بابا خطيبي
علاء : علاء صفوت رجل اعمال بتاجر في الملابس الحريمي الجاهزة وعندي معرض و كمان قريب هفتح مكتب للجمله ان شاء الله
عزت : اااا انا مفهمتش حاجه بس على العموم مبروك
علاء : الله يبارك فيك يا عمي
عزت : انت عندك اهل ؟
علاء : اه طبعا انت فاكرني لاقيط ؟
عزت : هههههه لالا انا اقصد ااا بابا وماما موجودين
علاء : اه الحمد لله وليه اخت كمان صغيره راحه اولى سياسه واقتصاد
عزت : واو هايل ، خليها تتفوق في الجامعه وانا ممكن اخليها تشتغل في اي سفاره او في الخارجيه
علاء : شكل حضرتك واصل وليك علاقات كتير
عزت : الرجل الناجح لازم يكون له علاقات مع كل المستوايات والطوائف
علاء : وستات ورجاله طبعا
عزت : اه طبعا ، شكلك عرفتي تختاري المرادي يا صابا
صابا : يعني حبيت علاء ؟
عزت : لسه بس عاجبني دماغو
صابا : متزعلش يا علاء اصل بابا صريح
علاء : لا مش زعلان بالعكس ، وبعدين هو عجبتو دماغي يا مسهل شويه كدا وهيحبني كولي
عزت : هههههههه لا وكمان دمه خفيف
علاء : دانا عسل بس اصبر لما تعرفني
عزت : قولي اخر نكته
**** ( بقلم : هند محمد ) ****
( في المستشفى )
أم موني : مالو عمر يا علياء طمنيني ؟
علياء : ( وهي بتعيط ) وهو خارج من الجامع عربيه خبطته
عمرو : طب هو فين دلوقتي ؟
ميريهان : في العمليات عشان عندو كسور و أشتباه في ارتجاج في المخ يا حبيبي يا بابا 😢
صفوت : ☝ وحدو الله هيبقى كويس ان شاء الله ، ياما حالات بتبقى مدشدشه وبترجع زي الفل متخفوش
علياء : ربنا معه يا رب ، يا رب دانا من غيرو ماسويش حاجه
أمل : متعمليش في نفسك كدا ، ادعيلو
ام موني : يا رب قومه بالسلامه يا رب عمر ابن امي وابويا دا اخويا وماليش اخ غيرو
عمرو : هي وسام فين ؟
ميريهان : نزلت الحسابات
عمرو : طيب انا هنزللها
( لسه عمرو هيخرج من الاوضه لقى وسام داخله وعينها حمره جدا و متبهدله عياط )
- وسام دا انا كنت جايلك
وسام : كنت بدفع فلوس تحت الحساب
علياء : ايه اخرك كدا ؟
وسام : كنت بسحب فلوس من atm باره المستشفى وفين وفين لما لقيت
صفوت : طب كنتي استني لما نيجي
وسام : يا خالو هي الحسابات هتستني داحنا اول ما داخلنا المستشفى قالولي عاوزين فلوس
أمل : هي المستشفيات الخاص كدا
عمرو : ( قرب من وسام وبصوت واطي ) اي فلوس يا وسام او اي حاجه محتجاها قوليلي
وسام : متشكره يا عمرو ، الحمد لله انا معايا فلوس وكمان انا معايا الفيزه بتاعت بابا ومعايا الحساب وكلمت السر بتعته
عمرو : بس برضو قوليلي اي حاجه تحتاجيها هو انا مش زي أخوكي ؟
وسام : انت مش زي اخويا ، انا اخويا فعلا وربنا عالم
صفوت : الدكتور خارج اهو ( كلهم جريو عليه )
الجميع : طمنى يا دكتور الله يخليك
الدكتور : هو الحمد لله كنا شكين ان في ارتجاج بس الحمد لله مفيش
المشكله في كسر في الساق و خلع في المفصل الكتف و مفصل الفخد
علياء : طب و كدا ايه مش هيمشي تاني ؟
الدكتور : المفاصل هنردها بس احتمال ميقدرش يمشي بشكل طبيعي زي الاول هيحتاك مشايه او عكاز طبي
وسام : المهم هيقدر يمشي ؟
الدكتور : لو استمر على العلاج الطبيعي هيمشي ان شاء الله
ميريهان : طب انا عاوزه اشوف بابا
الدكتور : هو في العنايه دلوقتي لان كان في نزيف داخلي والحمد لله سيطرنا عليه
الجميع : الحمد لله
**** ( بقلم : هند محمد ) ****
موني : شايف النجوم يا لؤي ؟
لؤي : سبحان الله واحنا على الارض بنشوفها بعيد اوي
واحنا في الفضاء برضو النجوم بعيده
موني : تعرف لما كنت بزعق للعيال كنت اقول يا رب خدني مكان بعيد عشان ارتاح من العيال ، مكنتش اعرف ان ربنا هيستجيب كدا مني
لؤي : يجيكي ويحط هليكي طب ادعي تترقي ولا تتجوزي ولا اي حاجه
موني : هههههه اتجوز طب مانا متجوزه ؟
لؤي : ومالو ما الشرع محلل اربعه
موني : ههههههههههه يا مجنون
**** ( بقلم : هند محمد ) ****
جوليا : انت اسمر لماما ولا لبابا ؟
علاء : لا لبابا تحبيي تشوفي صورته ؟
جوليا : اها يا ريت
علاء : هو دا بابا ودي ماما و دي اختي ولاء
جوليا : ليه ماما بتعتك لبسه حجاب و اختك لا ؟
علاء : عشان امي ست كبيره ومحترمه
عزت : طب ما اختك يعني مش محترمه ؟
علاء : ادعيلها ربنا يهديها
_ انا نسيت اكلمهم اطمنهم اني وصلت
صابا : يا خبر تلاقيهم قلقنين عليك
علاء : طب هقوم اكلمهم بعد ازنكم ( وقام دخل البلكونه )
جوليا : علاء كيوت مش زي حسام
عزت : وكمان تفكيرو متحرر مش معقد
صابا : ودا اللي عاجبني فيه ، وحسه انه هيريحني
عزت : طب كدا اتفق معه على الجواز ولا محتاجه تفكري ؟
صابا : لا يا بابا مش هفكر انا عاوزه علاء
عزت : خلاص تمام انا هتكلم معه لوحدنا
**** ( بقلم : هند محمد ) ****
حسن : كدا اشتاريت الشقه والسوبر مركت
إمام : طب هنوضبهم ازاي ؟
حسن : متعرفش شركة ديكور تعملنا الاتنين وتخلصنا ؟
إمام : ادورلك على النت يا جدو
حسن : هو كل حاجه على النت كل حاجه ؟
إمام : بص يا جدو كل حاجه وأي حاجه هتلاقيها على النت
حسن : طب انا عاوز اغنيه كدا انا وستك كنا بنحب بعض عليها
إمام : بس كدا اغنيه ؟ دي اسهل حاجه ؟
عاوز اغنية ايه و انا انزلهالك دلوقتي
حسن : طب بفلوس ؟
إمام : لا ببلاش
حسن : عاوز اغنية انا بعشقك انا
إمام : بتاعت مين دي ؟
حسن : ميادة الحناوي ، انت متعرفهاش ؟
إمام : ولا عمري سمعت عنها
بس هجبهالك
**** ( بقلم : هند محمد ) ****
