اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الحلقة { 15 }
علياء: لا علاء هيخطب بكرا
وسام : علاء ؟ ، وهيخطب مين ؟
علياء : أمل بتقولي واحده عرفها على النت
وسام : ( بفرحه وحماس ) طب والله فرحتيني ، أخيرا واحده جابت رجله ؟
ميريهان : أنتي فرحانه ؟
وسام : طبعا ـ أخيرا هيدخل قفص الزوجيه ونرتاح من غروره ، يا شيخه دا فاكر نفسه أخر ديك في مصر ههههههههههه
عمر : بس يا رب تكون البنت دي كويسه
وسام : كويسه مش كويسه المهم يتجوز ، تعرفو لو علاء أتجوز هيبطل اللي بيعملو مع خالو صفوت دا وهيشيل مسؤليه
علياء : بس أخرتها هيتجوز واحده من على النت
وسام : على اساس هي عرفته من الجامعه ؟ ، ما هو بالنسبه لها برضو هي عرفته من على النت ، وبعدين يا ماما احنا 2017 يعي النت دا وسيله الناس تعرف بعض بيها
والناس تشتغل بيها
والناس تتعلم عليها
النت بقى يدخل في كل حاجه
علياء : أمل كانت بتقول نروح معاها أنا وأنته يا عمر
عمر : وصفوت ماقليش ليه ؟
علياء : مكسوف منك
وسام : ليه يعني هي العروسه وحشه ؟
ميريهان : انا نفسي أروح أوي
علياء : لما نروح ونتعرف على الناس الاول نبقى ناخدكم
عمر : أنتي عاوزه تروحي ؟
علياء : اه بصراحه عاوزه أشوف سكلها ايه دي اللي جابت رجل علاء بسرعه كدا
وسام : أكيد حلوه وموزه اخر حاجه اللي تخلي علاء يجري عليها كدا
علياء : هيبالحلاوه ، بالاخلاء والادب
ميريهان : لا والصراحه علاء قمه في الادب هههههههههه
وسام : يا عيني عليها العروسه دي هتلبس لبسه
**** ( بقلم : هند محمد ) ****
