الحلقة { 47 }
حسن : حسام انت نايم ؟
حسام : لا يا بابا كنت باخد شور في حاجه ؟
حسن : اه كنت عاوزك في موضوع كدا
حسام : نعم يا بابا
حسن : بكرا ان شاء الله لما نرجع من الفرح بتاع بنت خالك انا عاوزك تاخد إمام تباتو باره
حسام : اخد إمام و ابات باره ليه ؟
حسن : هو ايه اللي ليه ؟ يعني انت مش عارف ان انا و أمك هنرجع لبعض بكرا
حسام : يعني انت وماما ترجعو لبعض وانا والواد الغلبان نروح فين ؟
حسن : انا برضو اللي هقولك تروح فين ما تروح في اي مكان مانت تعرف اماكن كتير روح اي فندق ولا عند اي حد من اصحابك
حسام : طب ما تيجي نقلبها
حسن : هو ايه اللي هنقلبها ، امك ؟
حسام : لا طبعا مش ماما
انا اقصد تاخد ماما وتباتو انتو باره او حتى تستفره يومين كدا في اي مكان يومين تشمه هوا
حسن : صح والله فكره ، انا عاوز اروح حته هدوء بس تكون قريبه
حسام : تروح الوحات
حسن : بقولك قريبه تروح تحدفني اخر الدنيا
حسام : اااااا تروح الجونه ؟
حسن : قريبه دي ؟
حسام : اه جدا
حسن : ماشي اروح بس عاوز اوضه بقى في فندق 5 نجوم و لا اقولك عاوز جناح
حسام : عيني ، هحجزلك حالا انت وماما
حسن : يخليك ليه يا رب
**** ( بقلم : هند محمد ) ****
( والصبح على الفطار )
ميريهان : منك لله اشوف فيكي يوم يا حرميه ياللي نتشكي ، اللهي تموتي محروقه يا بعيده
وسام : متدعيش عليها حرام عليكي
ميريهان : بقولك غيرت عربيتها وجابت 4×4 عمر : وانتي مين قالك ان صاحبت الجامعيه جابت العربيه من فلوس التبرعات
ميريهان : اومال هتجبهم منين من ميراث ابوها
علياء : لالا يا مي لا انا مربتكيش تتكلمي بالاسلوب دا عيب تقولي الكلام دا وتتكلمي بالطريقه دي
ميريهان : مش قادره اشوف الغلط قدامي يا ماما وافضل سكته
دا ابنها بتدفعلو اد كدا في الجامعه بتعته عشان جامعه خاصه وكمان لسه راجع من تركيا كان بيتفسح تقدري تقوليلي جاب الفلوس دي منين
وسام : انا مش عارفه ازاي واحده حرميه زي دي تكون مسئوله عن ايتام
ميريهان : بصى هي اه بتصرف على دار الايتام مش بقول مبتصرفش وبتساعد ناس غلابه كتير ولاكن لو قولنا واحد مثلا بيتبرع ب10 الف جنيه هي بتاخد 7 و تصرف من الباقي على الايتام والغلابه
عمر : مش انتي بلغتي اللي اسمه بيتر دا يا وسام ؟
وسام : اه يا بابا بس هو مجرد امن في مدينة الانتاج الاعلامي مش في مركز يعني
علياء : قولو حسبي الله ونعم الوكيل و خلاص
وسام : انا هنزل بقى سلام
عمر : طيب ما تتأخريش
وسام : حاضر
علياء : برضو مش هتيجي معايا الفرح ؟
وسام : لا هفضل مع بابا خودي مي
ميريهان : طب البس ايه يا ويسو انا محتاره ؟
وسام : ( بحيرا ) ااااااا الفستان السيلفر × اسود
ميريهان : اه دا بيبقى عليه حلو اوي ، بس هاخد منك الشنطه السيلفر الصغيره بتعتك
وسام : ماشي خوديها
علياء : طب وانا البس أيه ؟
وسام : البسي الفستان الابيض اللي جبناه من صن ستي
علياء : ياااه دانا كنت نسياه دانا ملبستوش خالص
وسام : اي خدمه ، عاوزين حاجه اجبها وانا جايه ؟
الجميع : سلمتك
**** ( بقلم : هند محمد ) ****
