الحلقة { 86 }
( طلع حسن وعمر والمهندس وميريهان الشقه و وسام وحسام وقفين على السلم )
وسام : أنت ايه جابك ؟
حسام : ( باص لوسام بحب وبأهتمام ) وحشتيني جيت أشوفك ، أنتي عارفه مقدرش يعدي يوم من غير ما أشوفك ؟
وسام : ( بوت واطي وبغيظ ) وحيات طنط ، أنت هتستهبل ؟
حسام : "
"
وسام : متسكوتش كدا متغظنيش ، أنت ايه جابك ؟
حسام : انا عشان أكون جنبك مستعد أعمل أيه حاجه
وسام : يعني عشان تكون جنبي ، ممكن تتجوز أختى ؟
حسام : اه ممكن
وسام : ما هو يا عبط يا أما جنان ، أنت تطلع تاخد أبوك وتمشو ومشوفش وشك تاني فاهم ولا لأ ؟
حسام : أنتي ليه مش عاوزه تفهمي أني بحبك ؟
وسام : يا سنيني السودا اللي بشوفها منك يا زفت أنت ، طيب بتحبني أتجوزني أنا ، هتتجوز أختي ليه ؟
حسام : "
"
"
"
وسام : حسام أرجوك متعملش فيه كدا متعذبنيش
علياء : أيه دا يا ولاد أنتم وقفين كدا ليه ؟
حسام : ااااااا دانا كنت طالع وبقول لوسام أطلعي الاول هي مش راضيه
علياء : طيب يلا نطلع كلنا
وسام : طب أسبقوني أنتم انا هعمل تليفون وجايلكم
علياء : هتكلمي مين هو دا وقته ؟
وسام : هكلم عمرو
حسام : ( بغيره ) عمرو مين ؟
وسام : ( بصتله بقرف ) و أنت مالك ( وسابته وداخلت شقتها وقفلت الباب )
حسام : ( وقتها حس بالحراج جدا خصوصا أن علياء وقفه )
علياء : معلش يا حسام هي وسام لسنها طويل وبتاخد على الناس بسرعه ، متزعلش
حسام : لا عادي حضرتك ، زي أختى الصغيره
علياء : ربنا يكملك بعقلك ، يلا نطلع نشوف أتفقه على أيه
حسام : أتفضلي حضرتك الاول
علياء : كلك ذوق ( وطلعه الشقه )
**** ( بقلم : هند محمد ) ****
وسام : زي ما بقول لحضرتك كدا حسام و عمي فوق وجيبين مهندس ديكور عشان يوضب الشقه
مها : لا بقى دول اتجننه الاتنين
وسام : انا عارفه أنك بتحبيني ومترضاليش الوضع دا أرجوكي أبعدي حسام عن ميريهان ، أو لو هو بجد بيحبني يكلم بابا و يقول له الحقيقه وانا بابا متفاهم جدا هو وماما
