الحلقه { 67 }
صابا : اااا انا اااا انا ااااا
علاء : انتي ايه انجزي انا مصدع وحيات ابوكي
صابا : ( بدلع قربت منه و لفت اديها حولين رقبته وقالتله ) انا حامل
علاء : ( باندهاش ) حامل ؟ احنا لحقنا
صابا : ( باسلوب زي الاطفال ) ايه يا عولاء مش فرحان ؟
علاء : الحمد لله رزق من ربنا بس يعني انا كنت عاوز استمتع بيكي شويه قبل ما تحملي و تتخني و يبقى ليكي كرش كدا
صابا : ههههه والله انت تجنن وعسول ،
تعرف يا علاء اجمل حاجه فيك ايه ، لالا اجمل حاجتين فيك ايه ؟
علاء : ( حاضنها جامد وقال لها في ودنها وبوشوشها ) عارف ان انا جامد اوي صح
صابا : هههههههههه لا مش بس انك جامد أوي
علاء : طب اجمل حاجتين فيه أيه ؟
صابا : ان اللي في قلبك على لسانك ، تحس ان لسانك مفهوش فرامل هههههه
علاء : امممم ما اصل انا صاريح ، طالع لأبويا في الحته دي .، الحاجه التانيه ؟
صابا : انك دمك زي العسل و عسوله اوي
علاء : انا اللي عسوله أومال انتي أيه دانتي زلابيه يا بت يا صبصبوب
صابا : ههههههه
علاء : اعملي حسابك بقى انا عاوز بت
صابا : مش عاوز واد يشيل اسمك ؟
علاء : لا انا عاوز بنوته زلابيه كدا زي امها
صابا : حاضر هجباك بنوته
علاء : امممم انتي حلوه ليه كدا هو للحمل بيحلي كدا ؟
صابا : اه طبعا دا حتى مش حطه سكر خالص
علاء : طب ليه مش حطه سكر
صابا : ههههه لسه مصرفناش التموين ههههههههه
علاء : ههههه لا دانتي هتنفسيتي بقى طب تعالي انا هوريكي
**** ( بقلم : هند محمد ) ****
عمر : مالكم يا بنات قعدين كدا ليه ما تقومه تنامه ؟
وسام : لا هنفضل جنبك
ميريهان : انا لو عوزت انام هنام على الكنبه هنا
علياء : ليه بس يلا كل واحده تروح اوضتها
وسام : خلينا نيمين معاكم عشان لو عزتم حاجه
عمر : هنعوز ايه العشا و اتعشينا و المياة وجنبنا هنعوز ايه تاني
علياء : قومه يا حبيبي نامه احنا كمان هنام
وسام : انا مش هيجيلي نوم وانتم لوحدكم
عمر : لوحدنا ايه دي الحيطه في الحيطه اللي جنبي دانا لو فتحت شباك هبص عليكي
ميريهان : بصراحه بقى انتم وحشنا اوي وعاوزين ننام في حضنكم
علياء : ههههه وهو انتي صغيره يا مي ؟
ميريهان : اه صغيرة دانا ممكن اعيط واخاف من العو يطلعلي في الضلمه
عمر : وانتي يا ويسو
وسام : مانا برضو ممكن نفس العو يطلعلي في نفس الضلمه
انا بقول ننام جنبكم الليلادي
علياء : جنبنا فين يا بنات دا السرير صغير
ميريهان : ( قامت وحشرت نفسها بينها وبين عمر على السرير ) اهو دا والله السرير شرح وبرح ، تعالي يا ويسو تعالي
وسام : داخلت هي كمان ونامة بين ميريهان و عمر ) اه والله شرح وبرح هو السرير دا يا بابا متر و 50 ؟ هههههه
عمر : لا يا لمضه متر و 60
وسام : طب كويس ال10 سم نفعه برضو
علياء : ( طبطبت على البنات ) ربنا يخليكم ليه
عمر : انتي خدي ميريهان في حضنك وانا هاخد وسام في حضني
ميريهان : ايوه يا عم حبيبت بابا راااشه هههههه
وسام : من شر حاسد اذا حسد
عمر : ربنا يبركلي فيكم و يطمني عليكم يا رب
وسام : ويخليك لينا انت وماما يا رب
