الحلقة { 59 }
وسام : ها يا عمرو موافق ولا لا ؟
عمرو : موافق على ايه يا ويسو بس ، هي حكايتي انا و موني تنفع تكون قصة حب ؟
انا وهي جوازتنا كانت عاديه جدا ؟
وسام : عاديه من وجهة نظرك بس من وجهة نظري ونظر موني لأ انتم عشتم قصة حب و كفاح كبيره
عمرو : طب التفاصيل والمعلومات و اخواتي ؟
وسام : بص انا هتصرف هحط حاجات من عندي وهغير الاسماء و كمان هحط احداث من عندي بس المضمون هيبقى ثابت
عمرو : ايوه بس انا ماحبش اسم مراتي يتكتب في قصه والناس تقراها
وسام : متبقاش غيور يا عمرو وبعدين لما موني ترجع وتعرف ان اتعملها قصه هتفرح اوي
عمرو : طب المهم يعني متأفوريش ها انا بغير على مراتي
وسام : متقلقش دانا هخلي موني فتات احلام كل شاب و هخليك انت فارس احلام كل فتاه
عمرو : ماشي يا ويسو اكتبي برحتك
وسام : ماشي يا عمرو متشكره اوي اوي
السلام عليكم
عمرو : عليكم السلام
**** ( بقلم : هند محمد ) ****
حسام : انتي بتهزري صح ؟
صابا : اهزر ايه يا حسام ؟ يعني انا هتبلي على وسام ؟ طب ليه ، غيرانه منها مثلا ؟
بالعكس والله الكام يوم اللي قضتهم معاهم في الساحل و الله مش شفت من حد غلطه
خصوصا وسام .
مها : يعني منزلتش البحر ؟
صابا : والله ما نزلت ، حتيلي مصحف احلف عليه
حسام : انتي كلمتيني واتس و سالتك وانتي قولتيلي بتعوم مع اختها وولاد بنت عمتها
صابا : والله ما حصل امتي دا ؟
حسام : يابنتي لما كنت بقولك ان بابا مش موافق على وسام
صابا : ومش موافق عليها ليه ؟
حسام : الواتس اهو يا صابا عشان انا مش كداب و لا بيجيلي تهيوئات اتفضلو اهو
صابا : ( بعد ما قارت الرسايل ) انا مكتبتبش كدا ولا قولت الكلام دا والله العظيم ( فتحت شنطتها وجابت موبايلها ) اهو شوف الواتس بتاعي اهو مفهوش الكلام دا
مها : الله طب أزاي دا
حسام : الرسايل فعلا مفيش الله ازاي الكلام دا ؟
صابا : ممكن نسكت ونفكر شويه بس قبل ما افكر ، انت اصلا تعرف وسام منين دانا سألتها بنفسي وكلمتها عنك وقالتلي انا معرفش حد اسمه حسام
حسام : متعرفش حد اسمه حسام ازاي ؟
مها : انا مش فهمه اي حاجه
صابا : ما انا اول ما روحت الساحل انا ماكنتش اعرف ان وسام دي اللي هي وسام الحريري اللي بتكتب القصص تاني يوم بقى عرفت فا قولت اجر معاها صحبيه عشان و اعرف بقى هي مرتبطه ولا لا و الحاجات دي يعني
فا كلمتها عنك يا عمتي انتي وحسام وقولتلها انها هي اللي كسرت رجلك
فا هي قالتلي محصلش
قولتلها ازاي محصلش دا حسام قالي انك تعرفيه و انك انتي اللي كسرتي رجله فا هي قالتلي انا معرفش حد بالاسم دا
حسام : لا اله الا الله ، لا انا كدا مخي ساح
من الاول بقى الله يرضي عليكي عشان البت دي شكلها عندها فقدان في الذاكره
**** ( بقلم : هند محمد ) ****
إمام : بس يا جدو احنا لازم نقسم الجراج دا حلو عشان يبقى سوبر ماركت خطير
حسن : إيدي على كتفك ، شوف نقسمه أزاي وانا معاك
إمام : بص هنا نعمل قسم المعلابات و ، وهنا المنظفات ، وهنا الخضار و الفواكه ، وهنا بقى اللحوم والدواجن والسمك
حسن : طب ليه بعيد كدا ؟
إمام : عشان الريحه يا جدو السمك واللحوم وكدا بتعمل ريحه مش حلوه
جمال : ( بواب العماره ) السلام عليكم
حسن : عليكم السلام
جمال : انا جمال بواب العماره حضرتك اللي اشتاريت الجراج
حسن : اهلا بيك اه انا وان شاء الله هيبقى سوبر ماركت فيه كل حاجه
جمال : بس يعني كلو في دور واحد كدا ماخاتش الدور اللي فوق ليه يا حاج ووسعت على نفسك
إمام : مش الدور اللي فوق شقق سكانيه ؟
جمال : هي شقق اه بس لو الحاج اشتراها وفتحهم على بعض و كبر السوبر ماركت هيبقى حلو وبعدين انتم برضو محتاجين كام اوضه كدا للإيداره والحسابات وكدا وكمان المخازن والجراج مش هيكفي لدا كلو
حسن : اه صح يا جمال عندك حق
طب هي الشقق اللي فوق بكام ؟
جمال : الشقه الواحده ب 300 الف تمليك والدور فيه 3 شقق و الدور اللي فوق كلها شقق مش مسكونه لسه ماجالهاش صاحب النصيب بس انا لما شفت حضرتك وشك سمح كدا قولت لما اقولك يمكن يبقى فيها خير وحسنه
حسن : اه "
"
"
طب ماشي فين صاحب العماره ؟
جمال : هو المفروض يجي كمان ساعه
حسن : ها يا إمام رايك ايه اشتري الدور اللي فوق بالمره و نبتدي كبار ولا كدا إحنا حلوين ؟
إمام : بص يا جدو اللي بيبتدي كبير بيفضل طول عمره كبير
حسن : خلاص على خيرت الله
نستنى صاحب العماره
