الحلقة { 38 }
الفصل الاول
#حب_لا_يموت
الابطال ؛:
بيتر : ظابط بالشرطه المصريه ، 33 سنه وسيم ويتمتع بروح المرح و وخفت الدم ، ما يميزه حبه لباتول التي كانت اول حب يدق قلبه وسياظل اخر حب
باتول : 31 سنه دكتورة عيون ( رمد ) تعمل في مستشفى و مجمع طبي خيري صباحا وفي المساء في العيادة الخاصه بها
.
بيتر وباتول عرفه بعض من 7 سنين و حوله كتير انهم يتجوزه وبعد محولات مع الاهل اللي كانو رفضين بسبب شغل بيتر اللي طول الوقت بيعرضه للخطر ولاكن باتول تمسكت ببيتر وبعد معركه الحب دي تنتهي بانتصار حب بيتر وباتول و اليوم فرحهم
،،،،،،
ام باتول : لوووووولي ، اخيرا يا ربي شفت بنتي عروسه
باتول : اه يا ماما معلش كنت محجره شويه بس اهو الحمد لله
ام باتول : كلو من ابوكي اللي مش عجبه بيتر
باتول : ماما انا دلوقتي في الكوافير يعني ناقصلي الاستديو والاكليل واتجوز و العذرا ما تجيبيلي سيرة اللي فات
ام باتول : بس انا خايفه من ام بيتر ، هي مش بتحبك
باتول : معلش بكرا ربنا يهديها وبعدين انا هعرف اخليها تحبني
ام باتول : يعني هتعملي ليها ايه ؟
باتول : هعمل لها عمل على ضهر جمل
**** ( بقلم : وسام الحريري )****
**** ( بقلم : هند محمد )****
ام بيتر : عمال تحنتف في نفسك و تحلق في دقنك وترش اشي برفنات و وتدهن كريمات على ايه هتتجوز هيفاء وهبي ؟
بيتر : اجمل واحلى من هيفاء على فكرة
أم بيتر : يا واد دي حوله وكارته يا واد وعامله شعرها كراتين
بيتر : والله لو كانت حطه فيه نفتالين وفنيك هتجوزها يعني هتجوزها
ام بيتر : يا بيتر اسمع كلامي لو اتجوزتها مش هتعرف تخلص منها تاني هتلبسها طول عمرك دنيا واخره
بيتر : ماما انا اخترت باتول وبحبها وهي بتحبني
أم بيتر : ابوها راجل رخم وكل شويه هيطلع عينك
ابو بيتر : ارحمينا بقى ارحمينا هو عاوزها و راضي بيها و بأبوها سبيه برحته
ام بيتر : برحته ؟ ماشي يا حنا ماشي ، اللي بيشيل قربه مخرومه بتخر على دماغه وعلى دماغ أبوه
- بت يا سالي تعالي انا وانتي ننزل الشنطه الكبيره من فوق الدلاب
أبو بيتر : ليه عوزاها دي كلها هدوم امي الله يرحمها ؟
ام بيتر : انا ناويه البس الفستان اللي امك كانت لبساه في الاكليل بتاعنا
بيتر : طب ليه كدا طيب مانا جبتلك فستان سوارية
ام بيتر : لا مانش لابسه غير العبايا السوده بتاعت ستك عشان انا عارفه انها جوازه سودازي جوزتي من ابوك
سالي : يا ماما باتول كويسه ومحترمه وكفايا انها دكتوره
أم بيتر : عشنا وشفنا دكتورة عيون حوله
**** ( بقلم : وسام الحريري )****
**** ( بقلم : هند محمد )****
( كلام ام بيتر لم يغير في نفس بيتر اي شئ بالعكس زاده حب ولهفه على حبيبته باتول مر الوقت و كأن الدقائق ساعات حتى جاء موعد الاكليل الذي كلل زواج بيتر وباتول بالورود والياسمين ، وبعد الاكليل ذهبو الي قاعة الفرح لكي يحتفلو بين الاهل والاصدقاء و الاحباب )
بيتر : ( وهو يتمايل ويرقص على أغاني الحب وبين يديه معشوقته باتول ) << ده اللى كان نفسى فيه لو تيجى صدفه تجمعنى بيه فرصت عمرى اضيعها ليه مش معقول عينى ادام عينيه ده اكتر م اللى حلمت >>
♡♡♡
ابو باتول : مبسوته انتي وبنتك ؟
ام باتول : اه الحمد لله كفايا ان بيتر بيحبها وهي بتحبه
أبو باتول : بكرا تجيلك مضروبه وغضبانه من بسلمته
ام باتول : يا ساتر عليك ، متفولش في وشي
أبو باتول : انا وفقت بس عشان خاطر ابونا لاكن والله ما كنت هوافق لو كان هو وامه عملو اللالي
أم باتول : يا راجل اتقي الله دا بيتر جاب شقه وفرشها و جاب كل اللي قولنا عليه غير الشبكه عاوز ايه تاني ؟
ابو باتول : مانا ماكنتش بخلف بنت واحيده واكبرها واخليه دكتورة وفي الاخر اجوزها ظابط حياته على كف عفريت
ام باتول : استغفر الله الاعمار بايد الله هو حد ضامن عمره ، تصدق انك راجل نكدي وانا هسيبك وهقوم افرح مع اخواتي وبنتي وسع كدا وسع ( وسابته وقامت ترقص )
ابو باتول :ماشي يا بيتر انا هوريك أيام سودا
♡♡♡
باتول : ( وهي بترقص اسلو بين ايد وحضن بيتر ) بيتر حبيبي
بيتر : نعم يا روحي
باتول : انت فرحان زي مانا فرحانه ؟
بيتر : فرحان دي كلمه صغيره على اللي انا فيه انا هطير من السعاده
باتول : انته قلبي و عيوني
بيتر : انتي اللي روحي وعقلي ( وشالها من على الارض وفضل يلف بيها وسط تسقيف وتشجيع من كل المعازيم وشويه بعد تقطيع التورته والعشا بيتر و باتول ركبو الطياره ووصله الاقصر )
**** ( بقلم : وسام الحريري )****
**** ( بقلم : هند محمد )****
( اول ما داخلو الغرفه وهما لسه بالفستان الابيض والبدله )
باتول : ( قعدت على طرف السرير وعدلت الفستان ) ياااه الساعه 5
بيتر : ( قعد امامها على الكنبه المقابله ) كان يوم طويل اوي
باتول : امممم تعرف انا اول مره ابعد او انام بعيد عن ماما
بيتر : لاااا انتي كبيره دلوقتي يعني انسي ماما وبابا ، ( قام وقرب منها وقعد جنبها ) من النهارة مفيش غير بيتر وبس
باتول : انته بتقرب كدا ليه ؟ لالا انا مابحبش كدا
بيتر : يا بت هقلعلك الطرحه
باتول : لا مش عاوزه اقلعها
بيتر : طب افكلك السوسته ؟
باتول : لا انا هنام بالفستان
بيتر : ليه بقى ؟
باتول : كدا انا عاوزه كدا
بيتر : امممم يا بركت دعاكي ياما
باتول : مالها امك ؟
بيتر : سامع دعاها في وداني ، اصل امي دي دعاها مستجاب
باتول : امممم طب انا عاوزه انام
بيتر : نامي يا اوختش نامي ، طب اقلعي الجزمه
باتول : لا هنام بالجزمه
