الحلقة { 83 }
لؤي : انا مش عارف اعمل ايه ترجع تاني ازاي
نيرو : عشان ترجع لازم
زيوس : نيرو اسكت
لؤي : ويسكت ليه لازم يقول دي لازم ترجع مصر دي متجوزه و مخلفه 3 وانا مقدرش ارجع من غيرها
نيرو : الحل الوحيد عشان ترجع انها تشرب مسحوق الخنافس المغلي
لؤي : ( بأستغراب ) مسحوق أيه يا نيرو ؟
نيرو : الخنافس
لؤي : ( بقرف ) خنافس ؟ لا خليها عملاقه أحسن دا على الاقل الطول هيبه
**** ( بقلم : هند محمد ) ****
سابا : انا مش عارفه أقرر أكون مع مين ؟
تيشو : هي دي محتاجه حيره وتفكير ؟ اكيد لازم نكون مع موني ولؤي
كارينا : بس ريماس عاوزه تسيطر على الكوكب كلو
تيشو : أحنا مالناش مكان هنا وكل حياتنا في كوكب الارض , انا لازم أرجع انا عندي ابني الرضيع ولازم أرجعله
سابا : وانا كمان عاوزه أرجع
كارينا : يعني هنسيب ريماس هنا لوحدها ؟
تيشو : مستحيل طبعا ولازم ترجع معانا
سابا : وأفرضي أصرت على مخططها ومارضيتش ترجع
تيشو : يبقى مش قدمنا غير حل واحد أن نعمل في ريماس زي ما أتعمل مع لؤي وموني عشان يجو معانا
كارينا : تقصدي نخدرها ؟
تيشو : أيوه ، بس المهم دلوقتى نصلح السفينه و كمان موني ترجع زينا تاني
سابا : هي بقى حجمها بقى قد أيه دوقتى ؟
تيشو : انا اخر مره شفتها كانت قد تمثال رمسيس كدا
**** ( بقلم : هند محمد ) ****
موني : ( في الجناح بتاعها وعماله تعيط ) اه يا موني أه يا حلوه يا منمنه ، كدا الزمن يلف عليكي وتبقي عملاقه
دا انا لما كنت بحمل و وزني يوصل 80 كيلو عمرو كام بيتريق عليا ، أومال لو شافني دلوقتى هيعمل أيه ؟
دا مش بعيد يجيلو سكته قلبيه وانا طول تماثيل معبد الاله أمون ، يا سوادك ياموني يا سوااااادك
كان : أسفه فاخمتك بس أنتي ليه زعلانه ؟
موني : انا مش زعلانه انا مقهوره يا كان مقهوره
كان : دانتي هتبقى كلوزر يعني الكلمه منك أمر في الكوكب كلو
موني : يابت بقولك انا متجوزه متجوزه
كان : جوزك ولا الارشدوك ؟
موني : "
"
"
لا عمرو , دا عمرو دا عندي بالدنيا
