اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الحلقة { 17 } وسام : الو حسام : الو السلام عليكم وسام : عليكم السلام حسام : مدام وسام الحريري معايا وسام : ااااا أه انا وسام ، مين حضرتك ؟ حسام : انا حسام حسن وسام : ( بفرحه ) كبتن حسام حسن بتاع الكورة حسام : هههه ااا لا انا حسام تاني ماليش داعوه بالكورة بصراحه انا مكلمك عشان اول حاجه طبعا القصه اللي بتكتبيها تحفه وجميله بس فيها عيب صغير وسام : عيب ؟ ايه هو بقى العيب دا ؟ حسام : انا شايف انك مطلعه بيت العيله وحش اوي وكلو عيوب والناس بتطفل على بعض ومفيش خصوصيه مع أن الحقيقه ان مفيش أجمل من بيت العيله ، الاخوات تبقى جنب بعض قلبهم يبقى على قلب بعض ويكونو ايد واحده وسام : الكلام اللي حضرتك بتقوله صح جدا فعلا ولاكن في ناس كدا القصه اللي انا بكتبها دي احدثها عاشتها واحده بجد وكان اخوات جوزها بيعملو كدا فعلا حسام : تمام بس المفروض متعمميش لان التعميم غلط ومش معني ان في نموزج سئ يبقى هي دي القاعدة ، لازم النمازج كلها تبقى مذكوره وتخلي الناس تختار عاوزه بيت العيله اللي كلو مشاكل ولا بيت العيله اللي كل واحد قلبه على التاني وسام : امممم تمام فهمت وجهة نظرك وهحاول اظبط الموضوع دا حسام : اشكرك انك قبلتي نقدي من غير ما تزعلي وسام : لا وهزعل ليه هو الحق والصراحه بتزعل ؟ حسام : برافو عليكي ، طيب دا بالنسبه للموضوع الاول ، الموضوع التاني بقى وسام : خير أيه هو الموضوع التاني حسام : ممكن تكلمي أمي وهي هتقولك عليه ؟ وسام : اه طبعا اكلمها عادي حسام : واضح انك اجتماعية اوي وسام : المفروض اني مشروع نجمه ولازم اكلم الفانز بتوعي حسام : تمام ، ماما معاكي مها : ( اخدت الفون بتاع حسام ) الو وسام : الو ازي حضرتك مها : انا الحمد لله ، انا معجبه بيكي اوي ، ومتبعاكي من زمان وسام : متشكره اوي حضرتك ، قريتيلي ايه بقى ؟ مها : كل الروايات كلها قرتها وسام : طب الحمد لله يا رب تكون عجبتك الروايات مها : تحفه تحفه كلها جميله - متزعليش من رأي حسام هو كدا مش بيعجبه العجب وسام : لا هو عنده حق فعلا بيت العيله مش كلو وحش فيه وفيه ، وارجع واقولك المهم الناس واخلقها وتفكرها مها : بيعجبني فيكي عقلك يا وسام عشان كدا انا وحسام قولنا نجرب نكلمك وناخد رأيك وسام : رأيي ، خير في أيه ؟ مها : بصى الحكايه باختصار ، انا وابو حسام مطلقين من 25 سنه والسبب خناقه بيني وبين امه و وقتها ضربني وعمل فيه حاجات كدا مستحملتهاش واطلقنا وبعد العمر دا كلو وبعد 25 سنه عاوز يرجعني و انا رفضه ومش عاوزه وسام : طب هو مش كويس يعني اخلاقه مش كويسه ؟ مها : الحق لله هو كويس ومحترم بس انا اللي مش عاوزه عشان هو ضربني جامد وفضل امه عليا وسام : عاوزاني اقولك كلام العقل ولا اي كلام وخلاص ؟ مها : لا كلام العقل انتي دلوقتي طرف محايد لا معايا ولا معه وسام : تمام اوي لو فرضنا لو مرات ابن حضرتك بتتخنقي معاها تفتكري ابنك هيكون مع مين صف مراته ولا صفك انتي ؟ مها : " " " لا كان بيبقى في صفي انا وسام : طب لو هو كان جه في صف مراته حضرتك مش كنتي هتزعلي ؟ مها : ( بصوت مخنوق ) اه فعلا وسام : يبقى جوز حضرتك عمل الطبيعي انه وقف مع مامته مها : بس دا ضربني وهني وسام : كنتي عاوزه يهين امه ويضرب امه بدالك ؟ ترضيها مها : لا طبعا ، بس كان ممكن يتصرف بذكاء ويهدي الموضوع مش يضربني وسام : لو وجع الضرب لسه وجعك افتكري الايام الحلوه اللي عشتوها سوي اكيد هي هتداوي الوجع دا ولو الذكريات الحلوه دي مقدرتش يبقى اعمالي حساب ان الراجل بقالو 25 سنه بيتمناكي وعاوز يرجعك وانتي رافضه - اعتقد انه بيحبك وبيحبك اوي كمان ،هو اتجوز فترة ال25 سنه دول واحده تانيه ؟ مها : ( بحيره ) لا متجوزش وسام : يبقى اكيد بيحبك ومتمسك بيكي - وحضرتك كمان لسه بتحبيه مها : انا لا طبعا دانا لما بشوفه بحس بخنقه وسام : اكيد الخنقه سببها حبه اللي جواكي واللي حضرتك كتماه في قلبك ومش راضيه تظهريه حولي تسمحيه على غلطته ومتضيعيش الحب دا ، لان الحب لو ضاع مفيش اي حاجه هتعوضه مها : هو انتي كام سنه يا وسام ؟ وسام : انا 30 سنه مها : يا بخت جوزك بيكي وسام : ههههه لا انا مش متجوزه مها : مش معقول ، العقل دا كلو واكيد انتي زي القمر ومتبقيش متجوزه طب ليه ؟ وسام : النصيب بقى مها : هو انا ممكن اشوفك ؟ وسام : تشوفيني ؟ مها : اه انا دورت على صورك على الفيس مالقتش خالص ، بجد نفسي اشوفك وسام : اااا طيب انا هبعتلك صورتي بس متوريهاش لحد ، شوفيها وامسحيها على طول مها : خلاص اتفقنا وسام : اوك هقفل معاكي وهبعتلك الصوره **** ( بقلم : هند محمد ) ****
