حسام : خلاص يا ماما وسام راحت مني خلاص ، يعني انا رضيت انها تكون قصاد عيني بس وحتى دا هتحرم منه ، انا ليه بيحصل معايا كدا
مها : أنت مش رضيت تكون وسام قصاد عينك ، أنت كنت عاوز وضامن انها هتفضل قصاد عينك ، أنت مشيت على كلام حسن أنها هتفضل قعده و انها محدش هيبصلها ولا هيرضي بيها ، وكنت اناني في اختيارك ، أنت أخترت ميريهان
حسام : يا ماما وقتها ماكنتش اعرف أنها بتخلف ، قولتلك التحليل أتلخبطة
مها : لو كنت متمسك بيها كنت اتجوزتها الاول ولما الحمل يتأخر وقتها تروح تتجوز عليها ، مش تتجوز وتخلف وتعيش حياتك وعاوزها تستناك لما تبقى تفتكرها وتحن عليها وترجع لها
_ حسام حبيبي انا مربتكش على كدا ، انا ربيتك على أنك تكون سبب سعادة اللي حوليك ربيتك تساعد كل الناس مش أناني كدا
