الحلقة { 40 }
( تليفون بيتر رن )
بتول : مين بيرن ؟
بيتر : اكيد ماما هي اللي بترن وتقفل ، عشان انا خط وهي كرت
بتول : ما تعمل لها باقه زي ماما
بيتر : امي رغايه ميكفيهاش باقه 700 جنيه
بتول : هههههه ، خلاص كلمها بدل ما تستعوقك
بيتر : بدل أيه ، تستعوقني جبتيها منين دي ؟
بتول : يا خرابي عليك ما بخدش منك غير تريقه
بيتر : اكلم امي و اخلص اكل وهفضل اديكي لحد ما تزهقي اصبري بس
بتول : طب والله أنت مش مؤدب عيب كدا نقي كلامك
بيتر : الله انا قولت حاجه انا قولت هديكي
بتول : طب تقصد ايه بهديكي دي ؟
بيتر : هديك في السقف تمحر اديك في الجيركن تركن اهو اي حاجه و خلاص ، صفي نيتك يا بتول وبلاش دماغك تحدف شمال
- انا هكلم امي وابويا وانتي كلمي ابوكي وامك بالمره عشان هنقفل الموبايلات بعد كدا
بتول : بدل ما يقلقه علينا
بيتر : لالا مش مهم
**** ( بقلم : وسام الحريري ) ****
**** ( بقلم : هند محمد ) ****
ام بيتر : عجبك ابنك بييقولي اطمنى انا كويس
أبو بيتر : وفيها ايه دي ما بيطمنك اهو
أم بيتر : لا دانت مش فاهم بقى ابنك يقصد انه خلاص مبقاش محتاجني وكفايا عليه مراته ، على رأي المثل ربي يا خايبه للغايبه
سالي : يا ماما بيتر بيقضي شهر العسل وهو مش شهر شهر دا هما 10 ايام مش اكتر وعاوز يكون في هدوء ويستجم مع مراته مفيهاش حاجه
أم بيتر : يعني هو يستجم وينسى امه ؟
**** ( بقلم : وسام الحريري ) ****
**** ( بقلم : هند محمد ) ****
ام بتول : مفيش حد بينسى امه وأبوه بس هما عرايس وعاوزين يفرحه ببعض
أبو بتول : انا قولتلك بيتر هياخد بتول مننا و هيخليها متعرفناش وانا وانتي هنفضل لوحدنا كدا
أبو بتول : لالا متقولش كدا ، بيتر متربي ومحترم بس هما عرسان وعوزين يفرحه ويحسه انهم لوحدهم
فتكر زمان لما اتجوزنا ، انا وانت سافرنا وكان زمان مافيش موبايلات و لما كنت اقولك عاوزه اكلم ماما كنت تقولي ما هي امك في البيت يعني هتكلميها تعملي بيها ايه كلميني انا يا قلبي ، فاكر ولا نسيت ؟
أبو بتول : فاكر ما هو الزمن دوار اليوم ليك وبكرا عليك ، بس انا مش هسكت ولو بيتر قفل الموبايل انا هكلمه على تليفون الفندق
ام بتول : انت معاك رقم الفندق ؟
ابو بتول : لا بس هجيبو من الدليل
**** ( بقلم : وسام الحريري ) ****
**** ( بقلم : هند محمد ) ****
( وفي الاوضه )
بيتر : وأنا جنبك حبيبي بجد مش عارف أقولك ايه معاك الوقت بيعدي ما احسش بيه
بتول : تعرف أنت صوتك احلى من تامر
بيتر : انتي ماعرفتيش اني معروض عليا اغني بس انا مش عاوز
بتول : ليه بقى ؟
بيتر : عشان انا صوتي وقلبي وعقلي بتاعك أنتي وبس ، مينفعش حد تاني يسمع صوتي و يستمتع بصوتي غيرك ولا ايه ؟
بتول : صح عندك حق
بيتر : مالك
بتول : مفيش
بيتر : طب مش هنام بقى عشان بكرا هنصحي بدري عشان نتفسح
بتول : حاضر بس شويه
بيتر : لا دلوقتي عشان يعني اااا ايه ؟
بتول : ايه ههههه
بيتر : هنقضيها أيه ؟
كل مره بشوفك فيها بابقى نفسي ايه
بتول : ايه ايه ؟
بيتر : اجيلك اقولك انك كلك عندي بالحياة طب ايه ؟
بتول : ههههههه
**** ( بقلم : وسام الحريري ) ****
**** ( بقلم : هند محمد ) ****
( والصبح )
بيتر : عروستي قومي بقى
بتول : سبني انام شويه
بيتر : هو احنا جايين ننام قومي بقى
بتول : طب انزل المطعم انت وانا جايه وراك
بيتر : رجلي على رجلك ، مينفعش اسيبك وانزل ، لازم أامنك
بتول : تأمني ليه هو انا شخصيه ذو خلفيه سياسيه هههههه
بيتر : لاااا اهم انتي ذو خلفيه رومانسيه وعاطيفيه و زوجيه و اااااا ( قرب عشان يبوسها )
بتول : خلاص هقوم هقوم ( وشالت الغطى )
- تصدق مش قادرة أقوم
بيتر : بقى كدا ؟ طيب امري لله ( شالها ووصلها لحد الحمام ) ها هركن هنا ولا ادخل جوه
بتول : لا دا كدا حلو اوي
نزلني
بيتر : تدفعي كام
بتول : اللي انت عاوزه
بيتر : عاوز بوسه
بتول : واحده ؟
بيتر : اللي يجي منك انا راضي 2 او 3 كدا يعني كلو من كرم اخلاقك
بتول : بيتر انا بحبك أوي
بيتر : وانا بمووووت في عيونك
**** ( بقلم : وسام الحريري ) ****
**** ( بقلم : هند محمد ) ****
( بيتر وبتول قضو اجمل 10 ايام في عمرهم دلع وضحك و لعب وسهر ، لاكن للاسف الاجازه خلصت ورجعو على القاهره واتفقه يتغده عند ام بيتر و يتعشه عند ام بتول عشان يروحه بيتهم ويبتدو بقى حياتهم )
أم بيتر : انا طول اليوم واقفه اعمل لكم الاكل
بيتر : مانا عشان كدا جيت اول ما رجعنا
بتول : تسلم ايدك يا ماما الاكل يجنن
ام بيتر : الحمد لله انه عجبك
سالي : بعد الاكل تعالي اوريكي الحاجات اللي اشتارتها من المول يا بتول
بتول : لبس ولا ايه ؟
سالي : اه ، وحاجات للبيت
بتول : اول ما اخلص اكل هقوم اتفرج
أم بيتر : انا وسالي طبخنا وتعبانين طول اليوم ، بعد الاكل قبل ما تتفرجي ادخلي المطبخ وأغسيل الطبقان و اعملي شاي
بيتر : ما في غسالت اطباق يا ماما نحطهم وخلاص
أم بيتر : لا مش بتنضف يا ريتك ما كنت اشتارتهالي في عيد الام
بتول : مفيش مشكله يا ماما اول ما نخلص اكل هدخل اشطب المطبخ انتي تامريني يا حبيبتي حاضر
أم بيتر : يحضرلك الخير يا حبيبتي
( وبعد الغدا بتول غسلت الاطباق و عملت الشاي) اتفضل يا بابا ، اتفضلي يا ماما
أبو بيتر : ( شرب منه ) امممم جميل تسلم ايدك
بتول : تسلملي يا رب يا بابا
ام بيتر : دا خفيف عامل زي المياه متقلتيش الشاي ليه ؟
بتول : عشان احنا لسه متغديين والشاي مضر
ام بيتر : انا معرفش اشرب الشاي خفيف كدا
بيتر : طب تحطلك شويت شاي نشفين ؟
أم بيتر : لا اعمليلي شاي تاني وحطيلي معلقتين و ربع سكر
بتول : حاضر عيوني يا ماما انتي تقولي وانا اعمل حاضر
( ودخلت عملتلها الشاي )
بتول : ماما حبيبتي انا مش هعرف اظبط السكر المعلقتين وربع فا جبتلك السكر باره
بيتر : ههههههخ
**** ( بقلم : وسام الحريري ) ****
**** ( بقلم : هند محمد ) ****
( وعند أم بتول )
بيتر : دا مش رقاق يا ماما دا مزيكا
أم بتول : يعني عجبك ؟
بيتر : دانا بفكر اخد باقي الصينيه معايه وانا مروح
بتول : على فكره انا بعرف اعمل اكل وصينية الرقاق دي انا باخد فيها دكتوراه
بيتر : تسلم اديكي يا قلبي ما اكيد هتطلعي شطرة زي ماما ، شدي بقى عشان نروح
أبو بتول : تروحه فين ، ومين هيكوي المكوى اللي جوه
بتول : مكوة ايه يا بابا
أبو بتول : انتي ناسيه اني مش بقدر اكوي عشان الغضروف ، وانتي اللي كنتي اللي بتكويلي هدومي قبل ما تتجوزي ، دلوقتي انتي اتجوزتي يبقى جوزك هو اللي يكوي
بيتر : مفيش مشكله يا عمي ، هات كل المكوى انزل اوديهالك للدراي كلين يكويها ويظبطها ويرجعهالك وعلى حسابي
أبو بتول : لا مابحبش اودي هدومي للدراي كلين
بيتر : ليه ؟
أبو بتول : مابحبش مكوي غريبه عن مكوتي تكوي هدومي بقرف
بيتر : حاضر يا عمي من العين دي بخار والعين دي مكوى
#سؤال النهاردة لو انتم مكان بيتر و بتول هتعملو ايه مع أم بيتر و أبو بتول ؟
**** ( بقلم : وسام الحريري ) ****
**** ( بقلم : هند محمد ) ****
ميريهان : دانا لو مكان بتول كنت مسكت كبايت الشاي و شربتها غضب عنها
عمر : تبقى مفهمتيش بتول عملت كدا ليه ، هي عاوزه تكسب ود حماتها ، بس بالمعمله الطيبه
علياء : فكرتني بستكم اول ما أتجوزت عملت معايا كدا بالظبط هههههههه فاكر يا عمر ؟
عمر : هههه اه فاكر لما عملتي لماما 5 شاي
وسام : ليه كدا طيب ؟
علياء : مانا ماكنتش بعرف أظبط السكر ومجاش في بالي اجبلها السكر باره
