الحلقة { 89 }
أم موني : هما البنات فين يا علياء ؟
علياء : جوه تعالي ندخل لهم
( جرس الباب رن )
صابا : اكيد دول عمتي وحسام
جنى : يبقى انا اللي هفتح انا بحب افتح للعرسان اوي
صابا : اشمعني يعني ؟
جنى : ( وهي بتجري على الباب ) عشان اتفرج عليه اول واحده
صابا : عسوله اوي يا علاء يا رب بنتنا تبقى زي جنى كدا
علاء : شكلك عاوزه تطلقي بدري
صابا : هههههه
جنى : ( فتحت الباب ) العريس جه العريس جه
الجميع : ( قام ووقفه يسلمه على حسام و حسن ومها و إمام طبعا ) اتفضلو اتفضلو
( بعد ما قعده )
صابا : ايه اخركم كدا ؟
حسام : ماما طبعا
مها : كدا يا حسام ماشي متشكره
حسن : ساعتين بتلبس يرضي مين دا بس
علياء : الله برحتها مش تاخد وقتها ، على مهلك وملكيش دعوه بحد
مها : لا مانا برحتي اوي وباسبهم هما يتكلمه
أم موني : الله فين العرايس طيب يا علياء ؟
علياء : جوه تعالي نجبهم تعالي معانا يا مدام مها وتعالي يا صابا
( قامه الاربعه وسابه الباقي قعدين )
صفوت : ( بصوت واطي ) ما تقومي معاهم يا أم علاء
أمل : ( بصوت واطي برضو ) هو حد كان حد عبريني وقالي تعالي وانا ماقمتش
صفوت : ما تقومي يا ولاء تشوفي اخواتك
ولاء : هما جايين يا بابا
عمر : انت بقى إمام ؟
إمام : ايوه يا عمو
عمر : لا عمو ايه انت تقولي جدو ، زي ما بتقول لجدو حسن كدا ، ولا ايه يا حسن
حسن : اه طبعا انت دلوقتي في حكم جده تمام
علاء : بس ايه الشياكه دي يا حسام
حسام : لا دا العادي بتاعي هههه
عمرو : الحق يتقال حسام طول عمره كل لبسه سنيه و مركات حتى الجزم
علاء : ما الحج حسن باين اوي انه صارف عليه حلو
ولاء : علاء متهزرش كدا حسام يزعل
حسام : لا انا مبزعلش من الكومديه
علياء : ( جات ومعاها البنات ) جبتلكم العرايس اهم مبروك يا ولاد ربنا يتمم بخير يا رب
أمل : امين يا رب لوووووولى
جنى : ايه الزغروطه الصغيره دي بصى تزغرطي كدا شوفي ( اخدت نفس عميق ) لووووووووووووووولى ، ها حلوه ؟
صابا : يا خراشي عليكي انتي سكر هتي بوسه اموه
( وبعد ما قعدو و حسام جنب ميريهان و عمرو جنب وسام )
حسن : طيب بدل اتجمعنا كدا يبقى نقرا الفاتحه
عمر : على بركت الله نقرا
صفوت : فتحت مين على مين المفروض نقرا فتحت الاخت الكبيره الاول
عمر : اي حاجه
حسام : الاخت الكبيره اللي هي مين ؟
مها : ( بفرحه وتحدي لحسن وحسام ) وسام اصل عمرو خطب وسام
حسام : ( اتصدم و من الصدمه فضل يبص لوسام وهو ساكت ووسام قعده باين عليها علامات الفرح والكسوف )
حسن : طب والله كويس كدا الفرحه باقت فرحتين
إمام : مبروك ( وقام باسها من راسها خلى حسام كان هيتجنن و لاكن تمالك اعصابه ) بجد فرحت لحضرتك اوي
وسام : شكرا يا حبيبي عقبالك
إمام : لا لما اكبر شويه
صفوت : يلا بسم الله
( الكل قرا الفاتحه بتاعت عمرو و وسام معادى حسام بس كان رافع اديه ، وقتها كان مصدوم و مش مصدق ان في لحظه كدا وسام اللي كان فاكر انها هتفضل قدامه طول الوقت ، تروح لحد تاني غيره وكل دا في ساعات معدوده )
ام موني : مبروك يا ولاد ( طلعت الخاتم من شنطتها ) خد يا عمرو لبس عروستك
خهد اسمع الكلام
عمرو : حاضر ( اخد الخاتم ) حاتي ايدك يا ويسو
وسام : ( مدت اديها وهي مكسوفه ) اتفضل
عمر : الله ايه دا دا خاتم ماما صح ؟
أم موني : والله الخاتم دا اغلى خاتم وقولت مفيش اغلى عندي من وسام ادهولها يوم فتحتها
وسام : يا حبيبتي يا عمتى ربنا يخليكي ليه
ميريهان : كدا برضو سحلانه منك يا عمتي
أم موني : متزعليش دانتي حبيبتي يا مي بس الخاتم دا بتاع العيله امي خادته من امها وانا خاته من امي وانا بقى بديه لوسام عشان ميخرجش من العيله ابدا
علياء : طب كنتي ادتهوني انا اخص عليكي يا أمينه هههههه
أم موني : ما انتي وبنتك واحد يا علياء هههه
صفوت : تقرا بقى فاتحة حسام وميريهان عشان نخلص
حسن : اه صح الكلام مالوش لازمه ( وبعد قرايت الفاتحه ) مبروك يا حسام مبروك يا ميريهان
ميريهان : الله يبارك فيك يا بابا حسن
حسن : ( ميل عليه وبصوت واطي ) ايه مالك مطلع الخاتم والاسوره اللي انت جايبهم
حسام : اه حاضر ( خرج الحاجه من جيبه ) هاتي ايدك
ميريهان : اتفضل
حسام : ( بدء بالاسوره وجه يقفل الاقفل من ارتباكه و صدمته مش عارف ولا شايف الفتحه بتاعت القفل )
ميريهان : ايه مالك ؟
حسام : مش عارف القفل صعب اوي
علاء : تحب تستخدم مساعدة صديق ؟
حسام : لا هحذف اجبتين
الجميع : ههههههههه
حسام : إمام نورلي بالموبايل بجد مش شايف
ميريهان : خلاص انا هلبسها خلاص عنك انا بعرف لوحدي ( ولبستها هي لوحدها )
حسام : ( مسك العلبه بتاعت الخاتم وجه يطلع الخاتم من العلبه فا وقع منه ) ايه دا وقع
علاء : مالك يا عريس انت متوتر ليه
حسام : والله انت اللي موترني يا علاء هههه
وسام : ههههه ابعد عنو يا علاء عشان محدش يتلكك بيك
علاء : انا قومت من مكاني يا اوختش انا في حالي اهو
مها : مش لاقى الخاتم ؟
حسام : لا مش عارف وقع فين ؟
إمام : شوف كدا تحت رجلك
عمر : براحه هتلاقوه ان شاء الله
حسن : هههه الله اكبر ان شاء الله هيتلاقى
جنى : انا شفت الخاتم بيجري تحت الكرسي بتاعك يا انكل
حسام : بجد ؟
عمرو : متأكدا يا جوجو ؟
جنى : اه طبعا
فاطمه : اه انا كمان شفته
علاء : طب هنشيل الكرسي ولا ايه ؟
إمام : تعاله نشيلو سوي
جنى : استنو استنو انا ايدي رفيعه انا هدخل ايدي كدا واجيبو وخلاص
( وتط جنى وجابت الخاتم ) هو دا يا عمو ؟
حسام : ايوه يا قمر هو شكرا
جنى : اتفضل ( وراحت قعدت جنب اخوتها ) ميريهان : اول مره تعملي حاجه مفيده يا جنى
جنى : لا دا عشان احنا في فرح و بابا هيتجوز ويسو حبيبتي
حسام : ( ساكت ومش عارف يعمل ايه )
مها : يلا يا حسام لبس خطبتك الخاتم مستني ايه ؟
حسام : ااااا لا مش مستني ( ولبس ميريهان الخاتم وباس إديها ) مبروك
ميريهان : الله يبارك فيك
وسام : ( بصوت واطي ) عمرو ممكن ازغرط عشان مي ؟
عمرو : اه طبعا
وسام : لووووووووووولى لوووووووووولى
ميريهان : يا حبيبتي ربنا يخليكي ليه ( واقمه وقفه هما الاتنين و حضنه بعض ) ربنا ما يحرمني منك ابدا
وسام : ولا منك يا قلبي
صفوت : ربنا يتمم بخير ونشوف عيالكم يا رب
عمر : يا رب نفسي يكون عندي احفاد كتير
وسام : ان شاء الله يا بابا
أم موني : طب مانت عندك اهو فاطمه ومصطفى و جنى
علياء : وإمام كمان ما هو يعتبر اخوهم برضو
عمر : انتم هتوقعوني في الغلط ولا ايه مع الولاد
عمرو : ما عاش ولا كان يا عمي اللى يوقعك في الغلط
حسن : قرينا الفاتحه والحمد لله نتكلم بقى في المهم
عمر : اللي هو ايه ؟
حسن : الفرح هنعمله امتى وفين ؟
عمر : طب لما الشقه تجهز ونشتري العفش
حسن : شيل موضوع الشقه والعفش الشركه هتخلصها بدري بدري المهم الفرح
قوليلي يا عروسه عاوزه مين يغني في فرحك
ميريهان : بص انا حلم حياتي عمرو دياب يغني في فرحي
جنى : لا دا وحش حاتي محمود الليثي احلى هو و بوسي
أم موني : يا بت انتي مالك اسكتي
حسن : سبيها براحتها طب والله لاجيب الاتنين عمرو ومحمود
مصطفى : بجد طب ما تجيب اوكا واورتيجا اصلي بحبهم اوي
حسن : بس كدا بسيطه ، واهو بالمره عمرو ووسام يتجوزه في فرح مع حسام و ميريهان
وسام : لا يا عمي انا مش هتجوز عمرو غير لما اطمن على ميريهان الاول
وبعد كدا اشوف انا اعمل ايه
عمرو : على الاقل نكون خلصنا امتحنات
علياء : اه عشان تاخدو العيال وتسفرلكم كام يوم
حسن : عندك حق والله ، قوليلي يا ميريهان تحبي تروحي شهر العسل فين ؟
ميريهان : اي مكان شرم او الغردقه او اي مكان
وسام : شرم ايه يا بنتي هي شرم هطير روحي تايلاند ولا مالزيا ولا تركيا
ميريهان : ايه رأيك يا حسام ؟
حسام : اللى تحبيه انتي
حسن : تركيا حلوه وقريبه
ميريهان : لا مانا شفت تركيا في المسلسلات التركي ، خلاص نروح تايلاند
