الحلقة { 39 }
ريماس : انا مصره اعرف انت عملت ايه ؟
لؤي : لازم يعني ؟
ريماس : ايوه
سوبا : قول لؤي ارجوك
كارين : عشان خطري لؤي
تيشو : ارجوك ايوها الفرعون الصغير قول سر الاتصال مجددا بالانتر نت
لؤي : عشان عيونكم ايوها الفاتينات هقول
موني : فاتينات ؟ اتقي ربنا داحنا متشعلقين في رضى الله
لؤي : في ايه يا موني ما البت بتقولي الفرعون الصغير ومحسساني اني امنحتب الخامس
موني : واشمعنى الخامس ؟
لؤي : عشان الحسد ههههه
ريماس : قول لؤي ازاي اعدة الاتصال ؟
لؤي : عاملت رستارت للراوتر
**** ( بقلم : هند محمد ) ****
عمر : افتحي الباب يا مي
ميريهان : حاضر ( فتحت الباب لقت ام موني وعمرو والولاد و مصطفى شايل علم الزمالك ) اهلا اتفضلو
عمرو : ازايك يا مي
ميريهان : الحمد لله ، ايه هتتفرجو على الماتش ؟
عمرو : اه طبعا ، ازايك يا عمي
عمر : الحمد لله ، ها متوقع كام كام ؟
وسام : بالله عليك يا بابا بلاش موضوع التوقعات دي عشان كل ما نتوقع بنخسر
عمرو : ههههههه بس احنا ورا النادي بتاعنا صامدون
وسام : اه طبعا صامدون ومكملون
مصطفى : طب يلا بقى ننزل عشان نروح نتفرج
عمر : تتفرج فين ؟
مصطفى : في القهوه
علياء : ليه يا حبيبي ما التلفزيون اهو
عمرو : ما هو مش متزاع على القنوات دي ، متزاع على قناه مشفره
وسام : الله اومال استديو التحليل اللي بقالة 4 ساعات دا ايه ؟
عمرو : لا دا اي هري كدا مالوش لازم
وسام : لا انا عاوزه اتفرج على الماتش
أم موني : أومال احنا جايين ليه ، انا قولت لعمرو ياخدك انتي ومصطفى وتتفرجي معاهم
وسام : حبيبتي يا عمتي ربنا يخليكي ليه
عمر : طب دا الماتش 8 ودلوقتي 7 قومي البسي عشان تلحقي الماتش من اوله
وسام : حاضر هقوم اهو
جنى : اجي معاكي اخطرلك اللبس انا زوقي حلو
وسام : يا سلام ماشي تعالي ، وتعالي انتي كمان يا بطوط
(قامت وسام هو والبنات )
عمرو : ما تيجي معانا يا مي
ميريهان : مانته عارف يا عمرو ماليش في الكوره
**** ( بقلم : هند محمد ) ****
حسام : رايح فين يا إمام ؟
إمام : هنزل انا واصحبي نتفرج على الماتش حسام : ماتش ؟ ليه هو انت بتشجع المصري ولا ايه ؟
إمام : انا زملكاوي يا بابا
حسام : 😡 خيانه ، ابني انا زملكاوي ، ليه متكونش اهلاوي زايي ؟
إمام : عشان الزمالك مدرسه لعب وفن وهندسه
مها : يووووو يوووووو يوووووو
إمام : في ايه يا تيته
مها : وسام مش هتنزل حلقه النهاردة وبتعتذر حاجه تقرف اووووف
حسام : يعني الواد طلع زملكاوي ومن ارض العدو وانتي يووو يوووو عشان ست وسام ؟
بجد بجد لك الله يا حسام
**** ( بقلم : هند محمد ) ****
( و في الكافيه )
وسام : خد يا مصطفى شكولاته 🍫
مصطفى : شكرا يا ويسو ( واخدها )
وسام : خود يا عمرو شكولاته 🍫
عمرو : كبيره اوي دي يا وسام انا ماليش في الشكولاته
وسام : والله انا كمان المفروض ما كولش شكولاته كتير عشان ماتخنش و اقدر امشي بس انا بقى بحبها
مصطفى : مش هي دي الشكولاته اللي انكل علاء جبهالك ؟
وسام : اه هي انت عرفت منين ؟
مصطفى : ماحبش اقول على مصادر معلوماتي
عمرو : ههههههه
وسام : ماشي يا لمض يا ساتر ، طب تاخد نصها وانا نصها يا عمرو ؟
عمرو : ماشي انتي نص انا نص
وسام : اتفضل
عمرو : شكرا
( أبتدى الماتش والكل قاعد مترقب )
**** ( بقلم : هند محمد ) ****
علاء : يعني مش بتتفرجي ؟
صابا : لا انا ماليش في الكوره
علاء : زايي بالظبط ، طب انتي مهتميه بأيه ؟
صابا : هو انت بتكلمني ليه ؟
علاء : ااااا عشان اااا اديكي رقم عمرو
صابا : لا خلاص مانا جبته
علاء : بجد ؟ طب واتكلمته بقى ولا ايه ؟
صابا : عمرو اتغير اوي يا علاء ، مش دا عمرو بتاع زمان
علاء : اه ما اصل الراجل لما يتجوز ويخلف بيتغير ، وعمرو بقى كان متجوز جوازه غريبه شويه
صابا : غريبه أزاي ؟
علاء : هو كان موظف جديد وكان مرتبه على قده يعني ماكنش حلته حاجه ، راح اتقدم لموني و اتجوزه في شقه صغيره تقريبا اوضه وصاله ومطبخ وحمام ، وواحده واحده هو اشتري شقه وفرشها كان بيشتغل بضمير وبعد الضهر بيشتغل وربنا كرمه من وسع بقى والحمد لله ، موني بقى فضلت معه ووقفه جنبه و عمرها ما قلتله هات كذا ولا كذا او راحت اشتكت و لا حاجه من دي ، بنو بيتهم واحده واحده على قدهم
صابا : اه ما عمرو اصله بيحب يتمرمط بيحب يكافح ، ومابيقبلش حد يديلو حاجه او يسعده علاء : انا بقى غير كدا خالص ، انا سالس كدا مش معقد زيه
صابا : يعني انت ممكن تتجوز في شقه بتاعت مراتك ؟
علاء : مش مهم الشقه بتاعت مين المهم اتجوز واحده تحبني واحبها ، واعيش معاها اجمل سنين عمرنا
صابا : طب و ممكن تخلي مراتك تشتغل ؟
علاء : اه طبعا اومال هتفضل قعده في البيت لالا انا بحب الست اللي بتشتغل عشان بتبقى مهتميه بنفسها كدا
صابا : دا على كدا ربنا بيحب لميس
علاء : لميس ، اسكوووووتي ، مش انا فركشت
صابا : هاااااا ليه ؟
**** ( بقلم : هند محمد ) ****
عمر : ايه اخركم كدا ؟
وسام : الحمد لله يا بابا على اخر 5 دقايق جبنا جون
عمرو : كان ماتش جامد اوي
جنى : بابا هو في بنات بتلعب كوره ؟
عمرو : اه في طبعا
علياء : عاوزه تلعبي كوره ؟
جني : لا عاوزه العب باليه
الجميع : ههههههه
**** ( بقلم : هند محمد ) ****
حسام : ( بئداء مدحت شالبي ) هااالا هااالا هالللا رجعلي 11 ونص دا مش بيت يا خوانا دي لكاندا
إمام :مش كنت بتفرج على الماتش
حسام : والتدريب اللي عندك بكرا في النادي يا بيه ؟ هتنام امتى وتصحي امتي ؟
إمام : بابا من امتى حضرتك بتكلمني في كدا ؟
مانا على طول باروح و باجي وحضرتك مش مهتم
حسام : بص يا إمام كل اللي فات دا حمادة واللي جاي حمادة تاني مفهوم ؟
إمام : اممممم مفهوم ، طب ممكن أعرف الخطوط العريضه بتاعت حمادة الجديد ؟
حسام : المذاكرة اولا ، والتدريبات ثانيا والوقت الفاضي انا هسمحلك تعمل اللي انت بتحبه بس بعلمي
اي خطوه تقولهالي
إمام : وأفرض حضرتك مش في البيت ؟
حسام : هو الواتس عملوه ليه؟
**** ( بقلم : هند محمد ) ****
( و تاني يوم على الفطار )
أم موني : طيبه وسام صح ؟
عمرو : اه جدا
أم موني : وبنت حلال ، والله انا مستخسراها في حد غريب
- انا لو مخلفه ولد كنت جوزتهالو
عمرو : ربنا يرزقها بأبن الحلال
أم موني : بس معتقدش عمر هيوافق يجوزها ايه حد ، يعني عشان رجلها يخاف عليها حد يعيرها بعد الجواز ولا حاجه
عمرو : والله انتم مكبرين الموضوع ، هي مفيهاش حاجه و اللي في رجلها دا شئ عادي
أم موني : يعني بينك وبيني كدا لو ليك اخ امك الله يرحمها كانت ترضى تجوزه وسام ؟
عمرو : اه طبعا المهم الاخلاق والتربيه والتدين
أم موني : له يعني تتحجب بسيطه تتحجب
عمرو : الدين مش حجاب يا ماما ، الدين فكر و عقيده و ايمان بالله ومعمله
أم موني : صح عندك حق
عمرو : انا هنزل بقى ، عاوزه اجيب خضار أيه وانا راجع ؟
أم موني : شوف نفسك في ايه وهاته
بس اهم حاجه هات طماطم و خيار
عمرو : خلاص تمام هجيب و انا راجع ، السلام عليكم
**** ( بقلم : هند محمد ) ****
علياء : انتي بتقولي ايه يا امل ؟
أمل : والله زي ما بقولك كدا ، و علاء متخانق مع صفوت انا قولت محدش هيحل بينهم غير عمر
علياء : هو خطب في ايه وفركش في ايه ومكملش يومين وعاوز يتجوز كمان ، طب مين دي بنت مين ولا عرفها فين وامتى ؟
أمل : والله قولنلو كدا انا وصفوت ، يقولنا انا اللي هتجوز مش انتم
**** ( بقلم : هند محمد ) ****
حسام : ماشي انتي اللي هتتجوزي مش احنا ، بس دا كان خاطب لميس ولسه مفركش معاها
صابا : عادي بتحصل
مها : يابنتي دا شكلو مش ملتزم ومش بتاع جواز واستقرار
صابا : بالعكس انا شايفه انه دماغه وافكاره حلوه ، مش خانيق زي باقي الرجاله ، مش معقد ، متحرر مش هيسيطر عليا مش هيجبرني على حاجه
حسام : انتي لحد اول امبارح كنتي بتكلميني على عمرو ، خلاص في يوم وليله كدا شبكتي مع علاء ؟
صابا : مش انت قولتلي انسي عمرو وفكري في واحد تانى ، اهو سمعت كلامك
مها : بصراحا انا لما شفته انا مرتحتلوش
شكلو لعبي و بتاع بنات
صابا : "
"
،
حسام : انتي عاوزه علاء عشان تفضلي جنب عمرو ، عشان علاء قريب عمرو صح ؟
صابا : ( ساكته وبتبص للارض )
حسام : بدل انتي ساكته كدا يبقى كلامي صح
انتي عاوزه تفضلي جنب عمرو وفي نفس الوقت تقوليله انا اهو انت رفضتني و قريبك اهو قبل بيه وانا هخليه اسعد واحد صح ؟
مها : لو كلام حسام دا صح يا صابا يبقى انتي بترمي نفسك في النار ، والنار دي مش هتحرق حد غيرك
**** ( بقلم : هند محمد ) ****
عمر : اسمع كلام ابوك
علاء : هو سبوع ، أسمع كلام امك اسمع كلام ابوك ، لا مش هسمع لان كلامكم بيجيب ورا
صفوت : يا عمر دا قليل الادب انا هتبرى منه وخلاص
عمر : استنى بس صلي على النبي
صفوت وعلاء : عليه الصلى والسلام
عمر : يابني دلوقتي انت هتتجوز فين انت لسه ماجبتش شقه
علاء : هي عندها شقه
عمر : يعني هتقعد مع ابوها وامها ؟
علاء : لا دي شقتها هي
عمر : اه يعني هي ابوها جايب لها شقه وهي عايشه مع ابوها وامها
علاء : لا امها مايته من وهي 12 سنه و و ابوها شغال سفير اسبانيا وهي عايشه لوحده في شقتها هي هي اللي شرياها
عمر : يعني هي عايشه لوحده ؟
علاء : اه والله يا عمي
وملهاش اخوات يعني زي ما بيقولو كدا بيضه مقشره ، لا هتقولي ماما ولا بابا ، انا وهي وبس وخلاص على كدا
صفوت : شفت يا عمر انا عاوز اتبري منه ليه ؟
عمر : والله عندك حق
علاء : بقى كدا ؟ ، طيب على العموم هسافر اسبانيا عشان اطلبها من ابوها وهنتجوز ونقضي شهر العسل هناك
صفوت : طب والشغل و المعرض ؟
علاء : مش انت متبري مني ؟ عيش بقى برحتك
عمر : عيب يا علاء متقولش لابوك كدا ، دا بدل مانت اللي تشيل الشغل و تريح ابوك ،؟ والله يا صفوت انا ساعات مابقدرش انزل المكتب ، وسام بقى هي اللي بتروح و هي اللي بتمشيه زايي وأحسن مني كمان
علاء : خلاص خلي وسام تيجي في اوقات الفراغ للمعرض و اهو معرض خالها مش حد غريب
عمر : ربنا يصبرك يا صفوت انا ماشي مروح صفوت : ماتسبنيش لوحدي معه لو مشيت هقتله
علاء : وتقتلني ليه ، انا هروح اشتري بدلت الفرح ، ولا اشتريها من اسبانيا احسن ؟
**** ( بقلم : هند محمد ) ****
علياء : ههههههههههه يا بارد
وسام : هههههه الله يكون في عونك يا خالو
عمر : اه والله ، الله يكون في عون صفوت و أمل
ميريهان : طب الفرح كدا بخ ، مش هيعمل فرح ؟
عمر : لما يرجع هيعمل فرح
علياء : والله انا خايفه على صفوت يحصله حاجه من الواد دا
عمر : ادعيلو بالهدايه يا علياء ، وحد يجبلنا العشا بقى انا متغدتش
علياء : هاااا 😯 يا حبيبي معقول لحد دلوقتي ؟
عمر : والله على الساندوتش اللي كالتو معاكي يا وسام في المعرض
وسام : ياااه من 2 ماكلتش
انا هقوم اساعد ماما عشان ننجز
عمر : لا خليكي انتي اقريلي الحلقه ، وانتي يا مي ساعدي ماما
ميريهان : حاضر بس بلاش تقري غير لما اجي
وسام : حاضر هقوم اجيب الفون من الشاحن
**** ( بقلم : هند محمد ) ****
حسام : ماما
"
"
،
مها : "
"
"
حسام : ماما
ماما
مها : شششششششس
حسام : بدل شششش يبقى الحلقه نزلت ، لما اقراها
**** ( بقلم : هند محمد ) ****
الفصل الثاني
#حب_لا_يموت
( الصبح )
بيتر : ( بيصحي باتول بورده ) باتول حبيبتي
بتوله ، بيتو
باتول : صباح الخير
بيتر : صباح النور على البنور ، ايه دا عروست البحور
باتول : هههههه
يعني مش زعلان
بيتر : اه عشان سبتيني ونمتي ؟ لا يا عمري مش زعلان ، هزعل ليه ، انا اصلا كنت مفرهض من التعب
باتول : هههههه سلمتك من الفرهضه يا عمري
بيتر : قومي بقى غيري عشان ننزل نفطر و طيران على الكرنك
باتول : انا كنت عاوزه اروح عند حتشبسوت الاول
بيتر : لا هو البرنامج الكرنك الاول
باتول : اوك ، هقوم اغير و اجيلك ثواني
بيتر : تحبي اسعدك ؟
باتول : لا انا كبيره وبعتمد على نفسي
بيتر : أممممم طيب ربنا يديكي الصحه
**** ( بقلم : هند محمد ) ****
**** ( بقلم : وسام الحريري ) ****
( و في الكرنك )
باتول : الله يا بيتر دي الاثار في الحقيقه احلى من الصور
بيتر : اه طبعا ، شايفه المسلات نفسي اعرف شالوها أزاي ونقلوها ازاي و رصوهم جنب بعض كدا
باتول : أكيد الفراعنه كان عندهم لودر
بيتر : دا اللي هو أزاي يعني
باتول : مش عارفه بقى ، تعرف انا كان نفسي اوي كنت اعيش زمن الفراعنه
بيتر : هههه كان هيبقى شكلك مسخرة ولا ابوكي كان هيبقى
باتول : مالو بابا بقى مش عجبك ؟
بيتر : دا حبيبى عمي سعد دا انا وهو فصيلة دم واحده
باتول : لا يا راجل ؟
بيتر : قدامي قدامي عشان نتفرج على الخرفان اللي هناك دي
باتول : اسمها اكباش مش خرفان
بيتر : وانا قولت خرفان يبقى خرفان فهمه ولا لا ؟
باتول : حاضر يا يس السيد خرفان
بيتر : لا بقى اكباش هههههه
باتول : يا رخم
**** ( بقلم : هند محمد ) ****
**** ( بقلم : وسام الحريري) ****
( وعلى العشا )
باتول : ايه السمك دا كلو
بيتر : حلو حلو عشان الفسفور بينفع في ليله زي دى
باتول : على فكره الفسفور مالهوش علاقه
بيتر : علاقه بايه ؟
باتول : ايه ؟ ال ااااا ولا حاجه
بيتر : لا مانا لازم اعرف ما ينفعش اعدي الموضوع كدا
ها بقى الفسفور مالهوش علاقه بايه ؟
( تليفون بيتر رن )
#تفتكرو مين بيتصل بيه ؟
