الحلقة { 61 }
وسام : ( واقفه ومستنيه ومتوقعه حسام ان هو اللي هيجلها ) اكيد حسام هو اللي هيجيلي عشان يصالحني بس انا مش هديله وش ، عشان يبقى يعرف يتصور مع البنات ويحط ايدو على وسطهم كتهم حش وسطهم كلهم بنات مايصه ، اومال لو كان موز شويه كانو عملو ايه دا طخين وشعرو خفيف ومفهوش غير عنين ملونه
يلا بعد احمد عز و عمرو يوسف و حسن الرداد مبقاش في موز خلاص بقى
إمام : 😁 انتي بتكلمي نفسك من اولها ؟
وسام : 😲 هاااا خضتني بسم الله الرحمن الرحيم ، انت مين ؟
إمام : انا إمام واكيد أكيد انتي وسام صح ؟
وسام : ( مسحتله على شعره و بأبتسامه وحب ) اه انا يا شقي ، عرفت اني وسام منين ؟
إمام : اول حاجه مفيش حد في الباركيج غيرك واقف
وسام : ( بصت يمين وشمال وورا وقدام ) تصدق صح ؟ امممم طب دا بالنسبه للحاجه الاولى ، الحاجه التانيه ؟
إمام : واقفه وبتكلمي نفسك ، واكيد مؤلفه زيك وبتكتبي قصص اكيد طول الوقت بتكلمي ناس مش موجوده طبيعي
وسام : صح جدا على فكره الموضوع دا
إمام : اه اه مانا عارف
وسام : انت شكلك لمض وهتتعبني ههههه
إمام : ( بخبث ) طب ليه يا بنت الحلال ، ايه رايك نكون ثنائي ونريح ونظبط بعض
وسام : ( بحيره مصتنعه ) اهااااه نظبط بعض طب والله حلو موضوع الثنائي دا
إمام : وشوفي القدر اللي جامعنا أمام و وسام
**** ( بقلم : هند محمد ) ****
حسن : إمام أيه اخرة كدا
مها : مش عارفه ، زمانه جاي
- حسن سونه وحياتي عندك تكون لطيف مع وسام
حسن : هو احنا جايين عشان اكون لطيف معاها ولا عشان نشوف اصلها وفصلها و تربيتها
مها : ماشي عندك حق بس بطريقه طيبه و فيها حنكه بلاش تكون ناشف و تحسسها انك واخد منها موقف
وحياتي يا حسن خليك سونه اللي انا بحبه و بموت فيه
حسن : خلاص يا ست الهوانم انتي تأمري وانا انفز
- دا إمام جاي أهو هو وهي وبيضحكم
حسن : ايه دا . ايه دا هي بتمشي كدا ليه ؟
مها : شششششش انا هقولك بعدين
حسن : بعدين ايه دي بتعرج
مها : بس بس لحسن تسمعك
إمام : احنا جينا
مها : حبيبتي حبيبتي كان نفسي اشوفك وأحضنك ( وحضنتها بحب وفرحه وباستها )
وسام : ( بفرحه وحب وبترقب برضو ) وانا كمان والله ، ( مدت إديها تسلم على حسن ) السلام عليكم
حسن : ( مد ايدو وسلم عليها وهو مصدوم ) عليكم السلام
اتفضلي ارتاحي
وسام : شكرا
( قعدت على التربيزه مربعه حسن في وشها و إمام على يمينها و مها على شمالها )
حسن : خير يا بنتي مال رجليكي ؟
وسام : ( بتردد ) رجلي ؟ مالها ؟
مها : حسن دي حادثه قديمه والداكتره عملولها عمليه و للاسف الدكتور كان حمار فا ساب أثر على قدم رجلها
وسام : ( استغربت من كلام مها بس معملتش اي رد فعل )
مها : انا زعلانه منك يا وسام
وسام : ليه بس ؟ خير ؟
مها : كل دا تأخير ؟ فين القصه الجديده
وسام : ان شاء الله هنزل اول حلقه يوم الثلاثاء
مها : يوووو يوووو يووووو لسه هستنى دا كلو ؟
وسام : هههههه معلش عشان بجمع معلومات كدا و تفاصيل
حسن : ايوه بخصوص التفاصيل ؟ بتجيبي التفاصيل منين ؟
وسام : تفاصيل القصص ؟
حسن : اومال تفاصيل نشرة الاخبار ؟
مها : حسن حبيبي بعدين اممممه متدايقهاش
وسام : لالا مفيش مشكله ، اااا بص هي بتختلف لو قصه حقيقيه زي مثلا قصة حكاية سمر كل التفاصيل انا واخداها من صاحبة الحكايه نفسها
لاكن القصص العاديه زي مثلا قصة فرق كبير دي كلها خيالي الشخصي والتفاصيل جبتها من الانتر نت كا معلومات و و حاجات زي كدا و فتاوي دينيه
مها : انا بحب القصه دي جدا ومكنتش متوقعه النهايه بجد كانت نهايتها صدمه بالنسبالي
وسام : انا بحب اعمل القصص اللي من الخيال نهايتها مش متوقعه عشان تختلف عن الواقع
حسن : لما نروح ابقى أديني اقرا فرق كبير دي
مها : حاضر لما نروح
حسن : طيب سمر وعرفتي منها التفاصيل
قصة بيتر وبتول عرفتي منين القصه بتاعته ؟
وسام : من أم بيتر
حسن : وهو في واحده هطلع نفسها شريره ومفتريه كدا ؟
وسام : هي الست بعد ما بتول ماتت حست بالذنب وكانت عاوزه تقول لباقي الحموات رساله ، انهم يحبو مرتات ولادهم ويعتبروهم زي بناتهم عشان لو ماتو وهما مفتريبن عليهم كدا ميعشوش وهما عيشين وحسين بالذنب
مها : ( بحزن ) صح عندها حق
حسن : وانتي بقى عرفتي منين ان بيتر كان بيكوي لأبو بتول الهدوم بتعته ؟
وسام : برضو من أم بيتر ما اصل أم بتول كانت بتقولها عشان تغظها
مها : طب وليه مطلعه ام بيتر واحشه وأم بتول حلوه وطيبه ؟
وسام : عشان الدرامه كدا لازم يكون في نموزج كويس وطيب و نموزج سيئ وشرير
إمام : ما كفايا كلام في القصص ، ونطلب الغدا بقى
حسن : مش لما ابوك ضيجي
وسام : ( اتفاجأت )
مها : كلم حسام يا إمام شوفه أتأخر ليه ؟
إمام : اوك هكلمه أمري لله ( واتصل بيه من الساعه اللي في ايدو ) الو ايوه يا بابا فينك ؟
حسام : وسام جات ولا لسه ؟
إمام : اه جات وقعده جنبي اها
حسام : طيب انا قربت من الكارته بتاعت مدينة نصر وجاي اهو
إمام : ايه هو في كارته في مدينة نصر ؟
حسام : انجز يا لمض انا 5 دقايق وهكون عندك
إمام : ماشي سلام
- بابا داخل على الكارته وقرب
وسام : هههه
حسن : كارتت ايه ، انت كلمته أزاي من الساعه انت بتضحك علينا ؟
إمام : دي اسمرت وواتش يا جدو
- عارفها يا وسام
وسام : اه عرفاها بس على فكره هي خطر لان الخط اللي فيها والبلتوث دول ممكن يأثرة على جهازك العصبي
مها : يعني خطر ؟
وسام : طبعا
إمام : سبيها لله
**** ( بقلم : هند محمد ) ****
أم موني : حمدالله على السلامه
عمرو : ( بتشتت ) الله يسلمك ، هي وسام متكلمتش ؟
أم موني : كلمتني الصبح زي كل يوم تسأل عليه و على العيال
- مالك يا عمرو في حاجه ؟
عمرو : لا كنت عاوز اسال وسام على حاجه فا بكلمها مش بترد
أم موني : معلش تلقيها نايمه ولا بتكتب حاجه ، لما تشوف اسمك هتتصل بيك
عمرو : ماشي يا ماما ، انا داخل انام شويه
أم موني : مش هتاكل ؟
عمرو : ( بحزن ) لا مليش نفس
انتي بتتفرجي على ايه ؟
أم موني : مسلسل عاوز حاجه تانيه اقلب ؟
عمرو : لالا خلي المسلسلات و الافلام احسن حاجه
أم موني : مانا بقول كدا برضو
**** ( بقلم : هند محمد ) ****
حسام : السلام عليكم
الجميع : عليكم السلام
حسن : ايه اخرك كدا ؟
حسام : الكارته وقفه ( وبص ل وسام )
وسام : ( ابتسمت وداورت وشها )
مها : انا بقول نقوم نقعد على التربيزه دي اكبر
حسام : اه فعلا
( كلهم قامه و راحو للتربيزه التانيه )
حسام : ( قرب من وسام وفتح لها الكرسي وبعد ما وسام قعدة وطى و همس في ودنها وقلها بصوت وشوشه ) وحشتيني ( وراح قعد على الكرسي اللي قدمها )
وسام : ( قعدها مكسوفه و مرتبكه ومش عارفه تقول حاجه )
مها : ( وعلى يمين وسام ) هتاكلي ايه يا قمر ؟
وسام : اي حاجه
مها : لا مانا هاكل زيك هطلب زيك بالظبط
وسام : طب ليه كدا حضرتك بتحطيني في اختيار صعب
مها : انا عاوزه اكل زيك يمكن اكون عصفوره زيك كدا و أخس
وسام : حضرتك كتكوته والله جدا كفايا زوق و رقت حضرتك
مها : اخجلتم توضعنا هههه
إمام : انا هطلب اسبكتي و تسكلوب
حسن : وانا هاخد طبق فاصوليا بيضه و رز و فراخ مشويه
مها : وانتي يا قمر قولي بقى
وسام : اااا طيب ممكن لازانيا الدجاج وسلطه
مها : الله انا بحب اللازانيا اوي انا وحسام
إمام : اه وانا خلاص مش عاوز اسبكتي عاوز لازانيا معاكم
حسام : واسكلوب برضو ؟
إمام : أه اصلي جعان
اصلي كان عندي تمرين ؟
وسام : بتتمرن أيه ؟
إمام : سباحه و كرة قدم
وسام : ومالك بتقول كرة قدم وانت زعلان ؟
إمام : مش بحبها انا عاوز اتمرن سله او كرة يد
وسام : طب ليه لا ما تتمرن كدا ؟
حسام : هو في حد بيهتم بالسله ولا بكرة اليد ؟ كل الاضواء على كرة القدم
وسام : مش مهم الاضواء متجها نحيت ايه المهم هو بيحب ايه و هيتفوق في ايه ؟
مها : صح جدا على فكره
حسن : احنا هنفضل نتكلم مش هناكل ؟
حسام : حاضر يا بابا ، متر لو سمحت
- بابا هتاكل لازانيا بالفراخ معانا ؟
حسن : لا انا عاوز فاصوليا
**** ( بقلم : هند محمد ) ****
عمر : مالك ؟
علياء : مش عارفه الدنيا كلها بتلف بيه
ميريهان : طب اقعدى ارتاحي
علياء : ( بعد ما قعدة ) يااا اول مره يحصلي كدا ، الدنيا تلف بيه كدا
عمر : اكيد جعانه
علياء : جعانه ايه ماحنا لسه شيلين الاكل
ميريهان : بصي يا ماما انتي مصفره كدا شكل عندك انميه
علياء ، بس انا باكل كويس
ميريهان : ايوه بس عنصر الحديد مش كتير لازم تكتري من الحديد
علياء : حاضر ان شاء الله
ميريهان : دا عمرو بيتصل بيه
- الو
عمرو : ازايك يا مي عمله أيه ؟
ميريهان : الحمد لله تمام
عمرو : هي وسام فين بكلمها مش بترد ؟
ميريهان : هي خراجت مشوار كدا
عمرو : طيب طيب هحاول اكلمها بعدين سلام
ميريهان : هو في حاجه يا عمرو ؟
عمرو : لا مفيش ، سلام
ميريهان : سلام
عمر : مالو دا ؟
ميريهان : والله ما عارفه
**** ( بقلم : هند محمد ) ****
كفين : لقد فشلت الرحله
وفقدنا كل الجروب المشارك
كين : يجب ان نحاول البحث عن حطام السفينه ؟
كفين : و هنبحث عنها فين اكيد لم نعسر على شئ
كين : الوكاله خسرة ريماس كانت امهر رائدة فضاء امريكيه
كفين : يجب ان نعلن عن وفات جميع اعضاء الرحله حتى نستطيع تقدير و تخليد مجهدهم و تضحيتهم من اجل البشاريه أجمع
كين : سوف تعلن ولاكن عندما نتفق على ما سوف نقدمه للفقداء
**** ( بقلم : هند محمد ) ****
( موني و لؤي فتحه باب السفينه و نزلو على سطح الكوكب وهما لبسين لبس رواد الفضاء ، وطبعا عمالين يبصه حوليهم وشايفين كلو صحراء في صحراء رامله و جبال )
موني و لؤي : لا اله الا الله محمد رسول الله
موني : انا لسه عايشه ؟
لؤي : أومال بتتكلمي حلاوت روح ؟
موني : احنا فين يا لؤي ؟
لؤي : احنا في طريق صلاح سالم يا موني ؟
موني : ياخويا اتوكس انت بتهزر ؟
- يلا بينا نستكشف ؟
لؤي : لوحدنا ؟ والهوانم اللي جوه ؟
موني : انت عاوز ناخدهم معانا ؟
لؤي : اه طبعا ما يا نعيشه عيشه فل يا نموت احنا الكل ولا أيه ؟
لؤي : ( دخل السفينه هو وموني ) يلا يا بنات يلا يا ستات
ريماس : يلا فين ؟
موني : يلاه نستكشف سوي
سابا : الاستكشاف دا مهمتكم انتم ؟
لؤي : وانتم ؟
تيشو : احنا مش هنتعتع من هنا ؟
موني : اتفضل علامك المنيل بتقولك مش هتعتع من هنا
لؤي : بقى تيجي منك انتي يا تيشو ؟ سبتي ايه لسابا و ريماس و كارينا ؟
تيشو : انا عندي طفل رضيع
لؤي : وحيات امك ؟ افتكرتي رضيعك دلوقتي ؟
تيشو : انا أم
لؤي : ماشي خليكي انتي والهوانم انا هروح انا وموني لوحدنا نستكشف وممكن نغيب عليكم خليكم هنا لوحدكم من غير راجل يحميكم
يلا بينا يا موني
موني : خليكم لوحدكم يارب يطلع عليكم دينصور
لؤي : دينصور و تنين مجنح بيطلع نار من بقه اشوفكم محروقين يا جزم ( واتجه للبابا هو و موني ونزلو من السفينه ) معانا يا رب احنا ملناش غيرك يا رب
تيشو : ( خرجت وراهم ) ايها الفرعون الصغير انتظر
انا هاجي معاك انا بخاف من الدينصورات
لؤي : تعالي مش هسيبك
موني : وانتم هتيجو ولا لا ؟
ريماس : سانئتي معكم ولاكن يجب ان نقفل السفينه
لؤي : طب انا هقفل معاكم
